«وقۋ ورىندارىنا اكادەميالىق دەربەستىك بەرىلەدى. ماسەلەن, بۇرىن ءبىلىم جانە عىلىم مينيسترلىگىنىڭ ءوزى بارلىق سالالار ءۇشىن بارلىق ءبىلىم بەرۋ باعدارلامالارىن ازىرلەيتىن. مىسالى, اسپازشى بىلىكتىلىگىن الۋ ءۇشىن ءۇش جىل وقۋ كەرەك بولدى. سونىمەن بىرگە, تۇلەك بولاشاقتا قايدا جۇمىسقا ورنالاسۋدى جوسپارلاعانىنا قاراماستان-مەكتەپ اسحاناسىنا نەمەسە ميشەلين مەيرامحاناسىنا, باعدارلامانىڭ مازمۇنى مەن وقۋ مەرزىمى بىردەي بولدى. ەندى ءبىلىم بەرۋ باعدارلاماسىن كوللەدجدەر جۇمىس بەرۋشىمەن بىرلەسىپ دەربەس ازىرلەيدى», دەپ ءتۇسىندىردى قر بعم تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى ناسىمجان وسپانوۆا.
ونىڭ ايتۋىنشا, ءبىلىم بەرۋ باعدارلاماسى مىندەتتى تۇردە كاسىبي ستاندارتقا نەگىزدەلۋى ءتيىس. بۇل نارىقتىڭ نەمەسە جۇمىس بەرۋشىنىڭ مامان دايارلاۋ دەڭگەيىنە قويىلاتىن تالاپتارىن بىلدىرەدى.
سونداي-اق, ول كوللەدجدەردە وقۋ مەرزىمىنە قاتىستى تاعى ءبىر جاڭالىعىن حابارلادى.
«ەگەر بۇرىن قر بعم وقۋ مەرزىمىن قاتاڭ رەتتەسە, ەندى بۇل نورما جوق. ياعني, ءبىلىم بەرۋ باعدارلاماسى مەن وقۋ مەرزىمدەرىن جۇمىس بەرۋشى كوللەدجبەن بىرلەسىپ انىقتايدى, بۇل رەتتە ماماندىق, شىعارىلۋى نەمەسە دايىندالۋى قاجەت قۇزىرەتتىلىك دەڭگەيى جانە قاجەتتى وقىتۋ ناتيجەسى ەسكەرىلەدى. بۇگىنگى تاڭدا بارلىق كوللەدجدەردىڭ مىندەتى - بۇل ءوز جۇمىسىنا جۇمىس بەرۋشىلەردى, ەڭبەك نارىعىنان قانشا, قانداي دەڭگەي مەن ساپالى ماماندار قاجەت ەكەنىن ناقتى بىلەتىن مامانداردى بەلسەندى تارتۋ. بۇل تالاپتى ءبىز ءبىلىم بەرۋ باعدارلامالارىنا - بۇگىنگى كۇنى باستالعان ۇلكەن جۇيە قۇراۋشى, ماڭىزدى قادامعا قويىپ وتىرمىز», دەپ قوستى ناسىمجان وسپانوۆا.
