ايماقتار • 09 اقپان، 2022

الماتىداعى توتەنشە جاعدايلار دەپارتامەنتىندە 262 ورىن بوس تۇر

228 رەت كورسەتىلدى

بيىل الماتى قالالىق توتەنشە جاعدايلار دەپارتامەنتى ءورت ءسوندىرۋ جانە اپاتتىق-قۇتقارۋ جۇمىستارى قىزمەتى جەكە قۇرامىنىڭ شتاتى ۇلعايتىلادى. بۇل تۋرالى وڭىرلىك كوممۋنيكاتسيالار قىزمەتىنىڭ بريفينگىندە تجد كادر ساياساتى باسقارماسىنىڭ باسشىسى ساۋلە شاكالوۆا حابارلادى، دەپ جازادى Egemen.kz.

سپيكەردىڭ ايتۋىنشا، شتاتتىڭ ۇلعايۋى قازاقستان رەسپۋبليكاسى ۇكىمەتىنىڭ قاۋلىسىنا سايكەس ءجۇرىپ جاتىر. الماتىدا قاتارداعى جانە كىشى باسشى قۇرامنىڭ، اتاپ ايتقاندا ءورت سوندىرۋشىلەردىڭ، جۇرگىزۋشىلەر مەن تەلەفونيستەردىڭ قوسىمشا 262 بوس ورنى پايدا بولدى.

ول ىزدەنۋشىلەردىڭ ازاماتتىق قورعاۋ جۇيەسىنە قىزمەتكە قالاي ورنالاسۋعا بولاتىنى تۋرالى باياندادى. قىزمەتكە ورتا ءبىلىمى بار، جاسى 35-تەن اسپاعان بارلىق كامەلەتكە تولعان قازاقستاندىقتار تۇرا الادى. جۇمىسقا ورنالاسۋ ءۇشىن كانديداتتىڭ كاسىپكەرلىك قىزمەتپەن اينالىسپاۋى جانە قىلمىستىق جاۋاپكەرشىلىككە تارتىلماۋى ماڭىزدى.

«بارلىق كانديداتتار دەنساۋلىق جاعدايى، جەكە جانە ىسكەرلىك قاسيەتتەرى، زاڭنامانى ءبىلۋى، سونداي-اق دەنە شىنىقتىرۋ دايىندىعى بويىنشا سىناقتاردان وتەدى»، دەدى تجد كادر ساياساتى باسقارماسىنىڭ باسشىسى.

ءورت ءسوندىرۋ قىزمەتىنىڭ بولاشاق ساربازدارىن العاش وقىتۋ مالىك عابدۋللين اتىنداعى ازاماتتىق قورعانىس اكادەمياسىنىڭ وقۋ ورتالىعى بازاسىندا وتەدى. ءورت سوندىرۋشىلەر كۇنتىزبە بويىنشا 35 كۇن، جۇرگىزۋشىلەر 14 كۇن، قالعان ۇمىتكەرلەر اپتا بويىنا وقيدى. دايىندىق كەزەڭىندە تىڭداۋشىلار بيۋدجەت قاراجاتى ەسەبىنەن تاماقپەن جانە تۇراتىن ورىنمەن قامتاماسىز ەتىلەدى، تاعىلىمداما كەزەڭىندەگى جالاقى شامامەن 100 000 تەڭگەنى قۇرايدى.

س. شاكالوۆا ايەلدەردىڭ دە تجد-نە، مىسالى، راديوتەلەفونيست بولىپ ورنالاسا الاتىنىن ايتتى.

سپيكەر ەلىمىزدە وفيتسەرلەر كادرلارىن دايىندايتىن جوعارى وقۋ ورنى – كوكشەتاۋ قالاسىندا مالىك عابدۋللين اتىنداعى ازاماتتىق قورعانىس اكادەمياسى بار ەكەنىن ايتتى. كۋرسانتتاردى وقىتۋ رەسپۋبليكالىق بيۋدجەت ەسەبىنەن جۇرگىزىلەدى.

«كۋرسانتتار تەگىن كيىم-كەشەكپەن، تاماقپەن، ستيپەنديامەن قامتاماسىز ەتىلەدى. اكادەميانى تاماماداعان سوڭ ولارعا «ازاماتتىق قورعانىس لەيتەنانتى» اتاعى بەرىلىپ، جۇمىسقا مىندەتتى تۇردە ورنالاستىرىلادى. كانديداتتاردى ىرىكتەۋ جىل سايىن تجد قاڭتار مەن مامىر ايىندا جۇرگىزىلەدى»، دەپ حابارلادى س. شاكالوۆا.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار