Qolda 3.0 16 مىڭنان اسا ادامعا جەدەل كومەك بەردى

وسى ورايدا ورتالىق ازيا­­نىڭ ەۋرازيا قورى مەن «شەۆرون» كومپانياسى بىرىگىپ ازىرلەگەن QOLDA جەدەل كومەك باعدارلاماسىنىڭ ءۇشىنشى كەزەڭىن قورىتىندىلادى. بۇل باستاما ءاۋ باستا COVID-19 پاندەمياسىنىڭ قايعىلى سالدارىن ازايتۋ، وتكىر الەۋمەتتىك ماسەلەلەردى شەشۋدەگى ازاماتتىق باستامالارعا قولداۋ كورسەتۋ ءۇشىن قولعا الىنعان ەدى. ناتيجەسىندە، Qolda 3.0 باع­دارلاماسى وتكەن جىلدىڭ تامىزى مەن جەلتوقسان ايلارى ارا­لىعىندا 16 وڭىرلىك ۇەۇ قازاق­ستاننىڭ 14 وڭىرىندە ناقتى كو­مەككە مۇقتاج 16 423 ادامعا جان-جاقتى قولداۋ كورسەتىپ، الەۋمەتتىك ساناتتاردىڭ ءومىرىن جاقسارتۋعا ۇمتىلعان جانە ين-ك­ليۋزيۆتى بولاشاق قۇرۋدا جاڭا يدەيالارى بار قوعام بەلسەندىلەرىن بىرىكتىردى. ماسەلەن، تۇركىستان وبلىسىندا وتباسىلىق-تۇرمىستىق زورلىق-زومبىلىقتىڭ الدىن الۋ ماقساتىندا 14 اقپاراتتىق ناۋقان وتكىزىلدى. اۋىلدارداعى 326 قىز-كەلىنشەككە كەرەكتى كە­ڭەس بەرىلىپ، ونىڭ ىشىندە 314 قىز-كەلىنشەك قۇقىقتىق جانە پسيحولوگيالىق كومەك العان. سول سياقتى وتباسىندا وزبىر­لىق تانىتقان 106 ەر ادامعا پسيحولوگيالىق وڭالتۋ باعدار­لاماسى ارقىلى تۇرمىستىق زورلىق-زومبىلىققا قاتىستى اقىل-كەڭەس بەرىلگەن. مۇنان بولەك الماتى وبلىسىندا وزىنە ءوزى قول سالۋعا بەيىم 444 وقۋشى پسيحوتەراپيالىق سەسسيادان ءوتتى.

وسكەمەن قالاسىندا ەستۋ قابىلەتى ناشار ادامداردى اقپا­راتتىق، كونسۋلتاتسيالىق، پسي­حولوگيالىق كومەكپەن قام­تا­ماسىز ەتۋ ءۇشىن داعدارىس ور­تا-ل­ىعىنىڭ كەڭسەسى اشىلدى. بۇل وڭىردە دە ماماندار ىم تىلىندە 122 پسيحولوگيالىق كەڭەس وتكىزدى. سول سياقتى سە­مەي قالاسىندا       2 300-دەن اس­تام بالا قالالىق ەكواكتسيالار مەن ەكولوگيالىق مەكتەپ ءىس-شارالارىنا قاتىستى. ال قارا­عاندى وبلىسىندا 70 ەكوترەنەر مەن ەكوۆولونتەر جاستارعا ەكو­لوگيالىق ءبىلىم بەرۋ بويىنشا وقىتۋدان ءوتتى. 1 مىڭنان اسا كوللەدج ستۋدەنتى جاسىل ءومىر سالتىن ناسيحاتتاۋ بويىنشا سەنبىلىك، ەكواكتسيا، ەكومارافون، بايقاۋلار سياقتى ءىس-شارالارعا قاتىستى. سولتۇستىك قازاقستان وبلىسىنا كەلسەك، اۋىل تۇرعىندارى تسيفر­لى ساۋاتتىلىق بويىنشا 1 110 كەڭەس الدى. پاۆلودار وبلىسىندا قوعامدىق نىسانداردىڭ مۇگەدەكتىگى بار ادامدار مەن تۇر­عىنداردىڭ قوزعالىسى شەكتەۋلى توپتارى ءۇشىن قولجەتىمدىلىك دەڭگەيىن باعالاۋ جانە ودان ءارى بەيىمدەۋ تەتىگى ازىرلەندى.

ايتۆ جانە تۋبەركۋلەزگە شالدىققان ادامداردىڭ قۇ­قىق­تارىن ناسيحاتتايتىن ۇەۇ رەسپۋبليكانىڭ 5 وبلى­سىن بىرىك­تىرگەن قازاقستان پاتسيەنت­تەر ودا­عىن قۇردى. بارلىق جو­بانى جۇزەگە اسىرۋ ءۇشىن مەم­لە­كەت­تىك ورگانداردان 78 ارىپ­تەس جانە 45 سەرىكتەس ۇيىم كومەك­تەسىپ وتىر.

«QOLDA باعدارلاماسى ورىستەپ كەلە جاتقانىنا وتە قۋا­نىشتىمىز. بۇل جولى ءارتۇرلى باعىتتاعى جوبالاردى قولدادىق. ءبىز ءۇشىن ەكو-ءبىلىم بەرۋ، تسيفرلى ساۋاتتىلىققا، تىگۋ داعدىلارىنا وقىتۋ جانە جۇمىس ورىندارىن قۇرۋ جونىندەگى جوبالار، ءارى زاڭ شىعارۋشىلىق جاڭا جوبالار بولدى. بۇدان بولەك باعدارلاما وڭىرلىك ۇيىمدارعا قولداۋ كور­سەتۋگە، ولارعا وزدەرىنىڭ بىرە­گەي يدەيالارىن ىسكە اسىرۋعا مۇم­كىندىك بەرۋگە جانە بەنەفيتسيار­لاردى بارىنشا قامتۋ ءۇشىن اۋداندارعا بارۋعا تىرىسادى»، دەيدى ورتالىق ازيا­نىڭ ەۋ­رازيا قورىنىڭ Qolda باع­­دار­لاماسىنىڭ مەنەدجەرى ءاليا يسپاەۆا.

«شەۆرون» كومپانياسىنىڭ قولداۋىمەن ورتالىق ازيانىڭ ەۋرازيا قورى جۇزەگە اسىرىپ وتىر­عان Qolda جەدەل كومەك باع­دار­لاماسى ىندەتتى اۋىز­دىقتاپ، COVID-19 سالدارىنان بولاتىن ءولىم-ءجىتىمدى ازايتۋعا كومەكتەسىپ قانا قويماي، سونىمەن قاتار ازاماتتىق قوعامنىڭ دامۋىنا جاڭا سەرپىن بەرىپ، قوعامدىق ۇيىمداردىڭ زاماناۋي قوعامنىڭ ماسەلەلەرىن شەشۋگە ءوز ۇلەسىن قوسا الاتىنىن كورسەتتى. باعدارلاما مىڭ­داعان وتانداستارىمىزعا جۇيەلى گۋمانيتارلىق، قۇقىقتىق، پسيحولو­گيالىق كومەك كورسەتۋ بويىنشا وراسان زور جۇمىس جۇرگى­زەتىن امبەباپ الاڭعا اينالدى جانە «كۇشىمىز بىرلىكتە!» پوستۋلاتىن تاعى دا ءبىر مارتە راس­تادى»، دەيدى «شەۆرون» كومپا­نياسىنىڭ وكىلى جانار قوشپانوۆا.

Qolda باعدارلاماسى ءوز جۇ­مىسىن الداعى ۋاقىتتا دا جال­عاستىرادى. اقپان ايىندا بۇل باع­دارلامانىڭ كەلەسى كەزەڭى جاريا­لانادى.

الماتى