قوعامدىق مەدياتورلاردى قالانىڭ, اۋداننىڭ, كەنتتىڭ, اۋىلدىڭ, اۋىلدىق وكرۋگتىڭ جەرگىلىكتى قوعامداستىعىنىڭ جيىنى كەمىندە توقسانىنا ءبىر رەت سايلايدى دەپ كوزدەلەدى.
اكىمدىكتەردىڭ اپپاراتى ءوزىنىڭ ينتەرنەت-رەسۋرسىندا, سونداي-اق الەۋمەتتىك جەلىلەردەگى رەسمي اككاۋنتتارىندا قوعامدىق مەدياتورعا قويىلاتىن تالاپتاردى, قۇجاتتاردى تاپسىرۋ مەرزىمدەرىن, سونداي-اق پوشتالىق مەكەنجاي مەن قۇجاتتار جىبەرىلەتىن ەلەكتروندىق پوشتا مەكەنجايلارىن كورسەتە وتىرىپ, قوعامدىق مەدياتورلاردى سايلاۋ تۋرالى حابارلاندىرۋدى ورنالاستىرادى.
قۇجاتتاردى قابىلداۋ مەرزىمى قوعامدىق مەدياتوردى سايلاۋ تۋرالى حابارلاندىرۋ جاريالانعان كۇننەن كەيىن 10 جۇمىس كۇنىن قۇرايدى.
قوعامدىق مەدياتوردى سايلاۋعا قاتىسقىسى كەلەتىن ۇمىتكەرلەر كەلەسى قۇجاتتاردى ۇسىنۋى كەرەك:
- نىسان بويىنشا ءوتىنىش;
- قر ازاماتىنىڭ جەكە كۋالىگىنىڭ كوشىرمەسى;
- زاڭدى مەكەنجايى تۋرالى مالىمەتتەر;
- بايلانىس دەرەكتەرى (پوشتالىق مەكەنجايى نەمەسە ەلەكتروندىق پوشتا مەكەنجايى نە تەلەفون نەمەسە تەلەفاكس ءنومىرى);
- مامانداندىرىلعان مەدياتسيا سالاسى تۋرالى مالىمەتتەر;
- مەدياتسيانى جۇزەگە اسىراتىن ءتىل تۋرالى مالىمەتتەر;
- ۇمىتكەردىڭ تۇرعىلىقتى جەرى بويىنشا بەرىلگەن ناركولوگيالىق كومەك كورسەتەتىن مەديتسينالىق ۇيىمداردان جانە پسيحونەۆرولوگيالىق ۇيىمنان الىنعان مەديتسينالىق انىقتامالار;
- سوتتىلىعىنىڭ جوقتىعى تۋرالى انىقتاما.
قوعامدىق مەدياتوردى سايلاۋ جونىندەگى جينالىستى جەرگىلىكتى اكىمدىك شاقىرادى جانە وتكىزەدى.
ەرەجە جوباسى 18 اقپانعا دەيىن «اشىق نقا» سايتىندا جاريا تالقىلاۋ ءۇشىن ورنالاستىرىلعان.
