وبلىس سوتىنىڭ ءباسپاسوز قىزمەتى مالىمدەگەندەي, ءبىر جىل ىشىندە سىبايلاس جەمقورلىققا قاتىسى بار 70 مەملەكەتتىك قىزمەتكەرگە قاتىستى تەرگەۋ جۇرگىزىلدى. ولاردىڭ قاتارىندا اكىمدىكتە, قۇقىق قورعاۋ ورگاندارىندا, ءبىلىم باسقارماسىندا جانە باسقا دا سالالاردا جۇمىس ىستەيتىن شەنەۋنىكتەر بار.
سوت شەشىمى بويىنشا 12 ادامعا ايىپپۇل سالىنىپ, 57 ميلليون تەڭگەدەن استام قاراجات ءوندىرىپ الىندى.
«58 ادام باس بوستاندىعىنان ايىرۋ نەمەسە شەكتەۋ تۇرىندەگى جازاعا تارتىلدى. ايىپپۇل جازاسى كۇزەتشىلەرگە, ءتۇرلى وپەراتورلارعا, ۆەتەرينارلىق باقىلاۋ ماماندارىنا قولدانىلعان. ءوندىرىپ الۋدىڭ ەڭ ءىرى سوماسى 6 ميلليون تەڭگەنى قۇرادى», دەپ ءتۇسىندىردى شىعىس قازاقستان وبلىستىق سوتى قىلمىستىق ىستەر جونىندەگى سوت القاسىنىڭ توراعاسى قايرات چاكپانتاەۆ.
