2022 جىلعى 1 اقپاننان باستاپ كۇشىنە ەنەتىن قازاقستان رەسپۋبليكاسى مەن رەسەي فەدەراتسياسى اراسىندا تاڭبالاۋ كودتارىن ءوزارا تانۋدىڭ ۋاقىتشا سۇلباسى ىسكە اسىرىلدى. بۇل رەسەيلىك اياق كيىمنىڭ قازاقستاندىق يمپورتتاۋشىلارى رەسەيدە تاڭبالانعان ءونىمدى ساتىپ الا الادى جانە بۇل رەتتە ونى قازاقستانعا اكەلۋ الدىندا قايتا تاڭبالاي الادى دەگەندى بىلدىرەدى. وسىعان ۇقساس سۇلبا قازاقستاننان رەسەيگە جەتكىزىلەتىن اياق كيىمگە دە قولدانىلاتىن بولادى.
2022 جىلعى ساۋىردەن باستاپ قازاقستان, رەسەي جانە بەلارۋس اياق كيىم تاۋارلارىن تاڭبالاۋ كودتارىن ءوزارا تانۋعا قول جەتكىزۋ جوسپارلانىپ وتىر. نارىققا ىڭعايلى بولۋ ءۇشىن تاراپتار قازاقستان مەن رەسەي اراسىندا تاڭبالاۋ كودتارىن تانۋدىڭ ۋاقىتشا سۇلباسى تۋرالى كەلىسىمگە قول جەتكىزدى, تاڭبالاۋ وپەراتورلارى دەرەكتەر الماسۋدى جولعا قويۋ بويىنشا ۇنەمى جۇمىس جۇرگىزۋدە. تولىق نۇسقاۋلىق markirovka.kz سايتىندا ورنالاسقان.
ەستەرىڭىزگە سالا كەتەيىك, قازاقستاندا اياق كيىم تاۋارلارىن مىندەتتى تسيفرلى تاڭبالاۋ جانە باقىلاۋ 2021 جىلدىڭ 1 قاراشاسىنان باستاپ ەنگىزىلدى. رەسەيدە اياق كيىم مىندەتتى تۇردە 2020 جىلدىڭ 1 شىلدەسىنەن باستاپ, ال بەلارۋسسيادا 2021 جىلدىڭ 1 قاراشاسىنان باستاپ بەلگىلەنەدى.
تاۋارلاردى تسيفرلى تاڭبالاۋ ماسەلەلەرى بويىنشا كەڭەستەر ءۇشىن تاۋلىك بويى تەگىن «جەدەل جەلى» جۇمىس ىستەيدى – 8 800 080 65 65.
