اگەنتتىك ەلدەگى قاڭتار وقيعالارىنا قاراماستان, ولاردىڭ ەكونوميكالىق ءوسۋ تراەكتورياسىنا اسەرى شامالى ەكەنىن اتاپ ءوتتى. 2022 جىلى ءجىو ءوسىمى 3,9% دەڭگەيىندە بولجانۋدا. اگەنتتىكتىڭ پىكىرىنشە, وپەك+ كەلىسىمىنە سايكەس مۇناي ءوندىرۋدى جوسپارلى ۇلعايتۋ, تابيعي رەسۋرستارعا الەمدىك سۇرانىستىڭ ءوسۋى, ءىرى ەنەرگەتيكالىق جوبالارعا ينۆەستيتسيالار, سونداي-اق اۋىل شارۋاشىلىعى ءوندىرىسىنىڭ كولەمىن قالپىنا كەلتىرۋ قازاقستان ەكونوميكاسىنىڭ ءوسۋىن قولدايدى.
ەلدىڭ ەلەۋلى سىرتقى رەزەرۆتەرى كرەديتتىك رەيتينگتى ساقتاۋدىڭ نەگىزگى فاكتورى بۇرىنعىسىنشا قالىپ وتىر. Fitch Ratings باعالاۋى بويىنشا 2021 جىلدىڭ سوڭىندا حالىقارالىق رەزەرۆتەر ءجىو-ءنىڭ 46%-ىن قۇرادى, بۇل سالىستىرمالى كرەديتتىك رەيتينگى بار ەلدەر توبى بويىنشا مەدياندىق كورسەتكىشتەن ايتارلىقتاي اسىپ تۇسەدى. بۇل رەتتە ەلدىڭ شيكىزات تاۋارلارىنا تاۋەلدىلىگى, ينفلياتسيانىڭ نەعۇرلىم جوعارى دەڭگەيى جانە سالىستىرمالى كرەديتتىك رەيتينگى بار ەلدەر توبىمەن سالىستىرعاندا ەكونوميكالىق ساياساتتىڭ جەتكىلىكتى دامىماعان باعدارلاماسى بايقالادى.
Fitch Ratings ساراپشىلارى 2022 جىلدىڭ سوڭىنا قاراي ينفلياتسيا دەڭگەيىن 7% جانە 2023 جىلدىڭ سوڭىنا قاراي ينفلياتسيانىڭ ماقساتتى دالىزگە ورالۋىن بولجايدى. اگەنتتىكتە ينفلياتسيانى تومەندەتۋ باسىم مىندەت بولىپ تابىلاتىنىن جانە الەۋمەتتىك-ەكونوميكالىق جاعدايدى جاقسارتۋ جونىندەگى كەڭەيتىلگەن جوسپارمەن قاتار ينفلياتسيانى تۇراقتاندىرۋ جونىندەگى شارالاردى قوسا العاندا, جاۋاپتى ەكونوميكالىق شارالاردى جەكە اتاپ كورسەتەدى.
Fitch Ratings, سونداي-اق, بانك سەكتورىنداعى رەتتەۋ مەن قاداعالاۋ پراكتيكاسىنىڭ جەتىلدىرىلگەنىن اتاپ ءوتىپ, ونىڭ كورسەتكىشتەرى ءبىرشاما جاقسارعانىن اتاپ ءوتتى: جۇمىس ىستەمەيتىن كرەديتتەردىڭ دەڭگەيى تاريحي تومەن دەڭگەيگە 3,3%-عا جەتتى, كاپيتالدىڭ جەتكىلىكتىلىگى مەن وتىمدىلىك قامتاماسىز ەتىلەدى. بۇل رەتتە سالىستىرمالى كرەديتتىك رەيتينگى بار ەلدەر توبىمەن سالىستىرعاندا دەپوزيتتەردى دوللارلاندىرۋ دەڭگەيىنىڭ نەعۇرلىم جوعارى بولۋى, سونداي-اق كرەديتتەۋدىڭ, اتاپ ايتقاندا, يپوتەكالىق كرەديتتەۋدىڭ جىلدام ءوسۋى ساقتالۋدا.
Fitch Ratings - كە سايكەس كرەديتتىك رەيتينگ سەرپىنى ودان ءارى ساياسي جانە الەۋمەتتىك دامۋعا, مەملەكەتتىك باسقارۋدى جەتىلدىرۋگە, سونداي-اق ەكونوميكالىق ساياسات باعىتتارىنا بايلانىستى بولادى.
