يسپانيا كورولىمەن تەلەفون ارقىلى سويلەستى

قازاقستان پرەزيدەنتى نۇرسۇلتان نازارباەۆ يسپانيا كورولى حۋان كارلوس ءى-مەن تەلەفون ارقىلى سويلەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. اڭگىمەلەسۋ بارىسىندا يسپاندىق مونارحتىڭ الداعى ۋاقىتتاعى قازاقستانعا ساپارىنىڭ مەرزىمى تالقىلاندى. مەملەكەت باسشىسى حۋان كارلوس ءى-گە جاقىندا جاسالعان وپەراتسيادان كەيىن تەزدەتىپ ساۋىعىپ كەتۋىن تىلەدى. ەلباسى قابىلدادى مەملەكەت باسشىسى نۇرسۇلتان نازارباەۆ قازاقستان رەسپۋبلي­كا­سى كونستيتۋتسيالىق كەڭەسىنىڭ توراعاسى يگور روگوۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ي.روگوۆ پرەزيدەنتتى قازاقستان رەسپۋبليكاسى كونستيتۋتسياسى­نىڭ قابىلدانعانىنا 15 جىل تولۋىن مەرەكەلەۋگە ازىرلىك بارىسى تۋ­رالى حاباردار ەتتى. اتاپ ايتقاندا, بيىلعى جىلدىڭ 30 تامى­زىن­داعى مەرەكەلىك سالتاناتتىڭ نەگىزگى ءىس-شاراسى – “كونستيتۋتسيا ەلى­مىزدىڭ دەموكراتيالىق دامۋىنىڭ نەگىزى رەتىندە” اتتى حالىقارالىق عىلىمي-پراكتيكالىق كونفەرەنتسيا بولادى. بۇگىننىڭ وزىندە 30-دان استام شەت ەلدىڭ وكىلدەرى, سونىڭ ىشىندە كونستيتۋتسيالىق سوتتاردىڭ توراعالارى, كونستيتۋتسيالىق باقىلاۋشى وزگە ورگانداردىڭ جە­تەكشىلەرى, شەتەل پارلامەنتتەرىنىڭ وكىلدەرى وزدەرىنىڭ كونفە­رەن­تسياعا قاتىساتىندىقتارىن قۋاتتادى. – مەملەكەت باسشىسى وسى كونفەرەنتسيا بارىسىندا جەتىستىكتەر تۋرالى راپورتتارعا ەمەس, ەلىمىزدىڭ دامۋىنا عىلىمي-تەوريالىق تۇرعىدا تەرەڭ تالداۋ جاسالۋىنا, ءبىزدىڭ شەتەلدىك ارىپتەستەرىمىزدىڭ تاجىريبەسىن زەردەلەۋگە ءمان بەرۋ قاجەتتىگىنە نازار اۋداردى. وسى تالداۋدىڭ نەگىزىندە ءبىز مەملەكەتتىڭ قۇقىقتىق تەتىكتەرىن ودان ءارى جەتىلدىرۋ جونىندەگى بەلگىلى ءبىر ۇسىنىمداردى بەرۋىمىز قاجەت, – دەدى جۋرناليستەرگە ارنالعان بريفينگتە ي.روگوۆ. قىزمەتكە تاعايىنداۋ مەملەكەت باسشىسىنىڭ جارلىعىمەن دۋلات ورازبەك ۇلى قۋانىشەۆ قازاقستان رەسپۋبليكاسىنىڭ ءۇندىستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى. *  *  * مەملەكەت باسشىسىنىڭ وكىمىمەن بولات ءجاميت ۇلى وتەمۇراتوۆ قىرعىز رەسپۋبليكاسىمەن ىنتىماقتاستىق ماسەلەلەرى جونىندەگى قازاقستان رەسپۋبليكاسى پرەزيدەنتىنىڭ ارنايى وكىلى قىزمەتىنە تاعايىندالدى.