قارجى پوليتسياسىنىڭ قارىمى

الماتى وبلىسى بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس (قارجى پوليتسياسى) دەپارتامەنتىنىڭ باستىعى, قارجى پوليتسياسىنىڭ  پولكوۆنيگى تالعات سادۋاقاسوۆ  جۋرناليستەرمەن ءباسپاسوز بريفينگىن وتكىزگەن ەدى. وندا  قوعامدا قۇقىق قورعاۋ قىزمەتكەرى اتاعىن جامىلىپ, زاڭسىز ارەكەت ەتۋشىلەردىڭ جولىن كەسۋ ءۇشىن اتالعان قۇرىلىمدا    ىشكى قاۋىپسىزدىكتى كۇشەيتۋ, كادر جۇمىسىندا قىزمەتكەرلەر   لاۋازىمدارىن  اۋىستىرۋ بارىسىنداعى بىرقاتار  دەرەكتەرگە دايەكتەمە كەلتىرىلىپ, ازاماتتاردىڭ وتىنىشتەرىن قاراۋداعى  سالا قىزمەتكەرلەرىنىڭ دارمەنسىزدىكتەرى  تالقىلاندى. «2013 جىلى 65 قىزمەتتىك تەكسەرۋ جۇرگىزىلىپ, 39 فاكت بويىنشا 26 قىزمەتكەر جاۋاپكەرشىلىككە تارتىلدى. سونداي-اق, 6 قىلمىستىق ءىس قوزعالىپ, 4 فاكتى قارجى پوليتسياسى قىزمەتكەرلەرىنە قاتىستى بولدى. قۇقىق قورعاۋ قىزمەتكەرى اتاعىن جامىلۋشىلاردىڭ 2, ال پارا بەرۋدىڭ 1 فاكتىسى اشىلدى. ار-نامىس كودەكسى تالاپتارىن بۇزعان قارجى پوليتسياسى قىزمەتكەرلەرىنە 5 دەرەك بويىنشا قاتاڭ شارا قولدانىلدى. ناقتىلاي تۇسسەم, كاسىبي تالاپتارعا سايكەس تەكسەرۋ جۇرگىزىلگەندە ارىپتەستەرىمىزدىڭ ۇشەۋى اتقارىپ وتىرعان لاۋازىمىنا سايكەس ەمەستىگى انىقتالىپ, ەكەۋى قارجى پوليتسياسى قىزمەتكەرى قاتارىنان شىعارىلدى. تۇتاستاي العاندا, بىلتىرعى جىلى وبلىستا سىبايلاسقان جەمقورلىق قىلمىسىنىڭ سانى ازايعانىمەن زاڭنامانى بۇزعان شەنەۋنىكتەر سانى ارتىپ وتىر», دەدى تالعات سادۋاقاسوۆ. ەلىمىزدەگىدەي جەتىسۋ جەرىندە دە ازامات­تاردىڭ وتىنىشتەرىن قاراۋ بويىنشا ارەكەتسىزدىك كورسەتكەن قۇقىق قورعاۋ ورگاندارىنىڭ قىزمەتكەرلەرىنە قاتىستى ۇكىمەتتىڭ قاتال ساياساتى جۇرگىزىلۋدە. شىنى كەرەك, كوبىنەسە ازاماتتار قۇقىق قورعاۋ ورگاندارى قىزمەتكەرلەرىنىڭ جۇمىستارىنا قاناعاتتانباي, پروكۋراتۋرا ورگاندارىنا شاعىم تۇسىرۋگە ءماجبۇر بولادى. بۇگىنگى تاڭدا مەملەكەت باسشىسىنىڭ تاپسىرماسىن ورىنداۋ ماقساتىندا ەكونوميكالىق قىلمىسقا جانە سىبايلاس جەمقورلىققا قارسى كۇرەس (قارجى پوليتسياسى) اگەنتتىگىنىڭ توراعاسى راشيد تۇسىپبەكوۆتىڭ «قارجى پوليتسياسى سىبايلاس جەمقورلىق قىلمىستاردىڭ الدىن الاتىن ۋاكىلەتتى ورگان بولعاندىقتان ءوز قاتارىنىڭ تازالىعىن قامتاماسىز ەتىپ, باسقاعا ۇلگى كورسەتۋى ءتيىس. سوندىقتان قارجى پوليتسياسى قىزمەتكەرلەرى تاراپىنان سىبايلاس جەمقورلىققا جول بەرگەن, ءتارتىپ بۇزۋ­شىلار مەن كەزدەيسوق قىزمەتكەرلەرگە ورىن جوق», دەگەن سوزىمەن اتالعان دەپارتامەنت باستىعى ءباسپاسوز بريفينگىن تۇيىندەي وتى­رىپ, جۋرناليستەر تاراپىنان قويىلعان سۇراق­تارعا جان-جاقتىلى جا­ۋاپ قايتارىپ, الماتى وبلىسىندا ازاماتتاردىڭ وتىنىشتەرى بويىنشا ارەكەتسىزدىك كورسەتكەن قۇقىق قورعاۋ ورگان­دارىنىڭ قىزمەتكەرلەرىنە قاتىستى قاتال ساياسات جۇرگىزىلىپ, ءتيىستى شارا قولدانىلىپ وتىر­عانىن باسا ايتتى. نۇربول الدىباەۆ, «ەگەمەن قازاقستان». الماتى وبلىسى.