قازىرگى ۋاقىتتا ەل اۋماعىندا جەر قويناۋىن پايدالانۋ قۇقىعىن بەرۋ ءۇشىن شامامەن 1 ملن 324 مىڭ شارشى شاقىرىم الاڭ قاراستىرىلعان. مەملەكەتتىك جەر قويناۋى قورىن باسقارۋ باعدارلاماسىنا 1 ملن 65 مىڭ شارشى شاقىرىم جەر قويناۋى قوسىلعان, تاعى 259 مىڭ شارشى شاقىرىمى قوسىلادى.
گەولوگيالىق بارلاۋ سالاسىنا ينۆەستيتسيالار تارتۋ, پايدالانىلمايتىن كەن ورىندارىن يگەرۋ ماقساتىندا جەر قويناۋىن پايدالانۋ ءۇشىن ەلىمىزدىڭ بارلىق قولجەتىمدى اۋماعىن اشۋ جوسپارلانىپ وتىر.
2022-جىلعى 1-اقپانداعى جاعداي بويىنشا قازاقستاندا ءتيىستى تۇردە ورىندالماۋىنا بايلانىستى كەن ورىندارىن يگەرۋگە قاتىستى 31 كەلىسىمشارت بۇزىلىپ, 101 ليتسەنزيانىڭ كۇشى جويىلدى. قازىرگى تاڭدا جەر قويناۋىن پايدالانۋشىلاردىڭ كەلىسىمشارتتىق مىندەتتەمەلەرىن ورىنداۋىنا تالداۋ جۇمىستارى جۇرگىزىلىپ جاتىر – انىقتالعان بۇزۋشىلىقتار رەتتەلمەسە, كەلىسىمشارتتار بۇزىلادى جانە ينۆەستيتسيا تارتۋ ءۇشىن اۋكتسيونعا شىعارىلادى.
پرەمەر-مينيستر جەر قويناۋىن پايدالانۋ سالاسىندا اۋقىمدى تەكسەرىس جۇمىستارىن جەدەلدەتۋدى جانە پايدالانىلمايتىن كەن ورىندارىنىڭ ناقتى تىزبەسىن ايقىنداۋدى تاپسىردى.
