«الايدا 27 قاڭتاردان بەرى تۇراقتانۋ ءۇردىسى تىركەلدى. جالپى, الماتى تۇرعىندارىنا جاۋاپكەرشىلىك تانىتقانى ءۇشىن العىس ايتقىم كەلەدى. ويتكەنى ءبىر اپتا ىشىندە قايتا ۆاكتسينالانعانداردىڭ سانى 42 مىڭ ادامعا نەمەسە 36%-عا ارتتى. بۇل حالىق اراسىندا يممۋندىق ارالىقتى 56,8%-عا دەيىن ارتتىرۋعا مۇمكىندىك بەردى (ۆاكتسينالانعانداردىڭ 52,6%-ى, پاندەميا باستالعاننان بەرى اۋىرعانداردىڭ 4,2%-ى). بۇل دەرتتىڭ باسەڭدەۋىنە اسەر ەتتى», دەدى ءا.قالىقوۆا.
ول ىندەتتىڭ جىل باسىنان بەرى الماتىدا 18 ەسە وسكەنىن العا تارتتى. دەگەنمەن 20-39 جاس ارالىعىنداعى ناۋقاستار سانى 40%-دان 35%-عا دەيىن ازايدى.
«بىراق وتكەن اپتادا 14 جاسقا دەيىنگى بالالار اراسىندا ىندەت ايتارلىقتاي ءورشىپ 5,4%-عا, ال جاسوسپىرىمدەر اراسىندا 1%-عا كوتەرىلدى, سونداي-اق 60 جاستان اسقاندار اراسىندا 3%-عا ءوستى. ءبىر جاسقا دەيىنگى بالالار اراسىندا كەرىسىنشە 450-دەن 438 جاعدايعا دەيىن ءسال تومەندەگەنى بايقالادى. بىراق ونىڭ ۇلەسى بالالار اراسىندا ايتارلىقتاي – 22,8%.
ال ەندى جۇمىسسىزدار مەن ءوزىن ءوزى اسىراپ وتىرعاندار ىندەتكە نەلىكتەن ءجيى شالدىعىپ جاتىر؟ اسەل قالىقوۆا وتكەن اپتادا جۇمىس ىستەمەيتىن جانە ءوزىن ءوزى جۇمىسپەن قامتىعان الماتىلىقتار اراسىندا ىندەت جۇقتىرۋ كورسەتكىشى – 33%, ءتۇرلى ۇيىمدار مەن كەڭسەلەردىڭ قىزمەتكەرلەرى – 22%, زەينەتكەرلەر – 20%, مەكتەپ وقۋشىلارى – 9% جانە مەكتەپ جاسىنا دەيىنگى بالالار اراسىندا 6% بولعانىن مالىمدەدى.
سوڭعى تالداۋلار الماتىلىقتاردىڭ كوبىنەسە ىندەتتى ساۋدا-ساتتىق ورىندارىنان جۇقتىراتىنىن انىقتادى. ودان كەيىن قوعامدىق كولىكتەر مەن ۇيدەگى ادامداردان ءبىر بىرىنە جۇعادى.
الماتىدا 27 قاڭتاردان باستاپ Ashyq جوباسىنا قاتىساتىن نىساندار ءۇشىن جۇمىس جانە دەمالىس كۇندەرىندەگى ۋاقىت بويىنشا جۇمىس رەجىمى بەلگىلەنبەيتىن بولدى. ءبىلىم بەرۋ مەكەمەلەرىنە ءبىلىم بەرۋدىڭ كەلەسى فورماتىنا رۇقسات ەتىلگەن: اتا-انالاردىڭ ءوتىنىشى بويىنشا شتاتتىق فورماتتا; جالپى ءبىلىم بەرەتىن مەكتەپتەردىڭ جۇمىسى: 1-4 سىنىپتار – شتاتتىق فورماتتا; 660 بالاعا دەيىنگى مەكتەپتەر – شتاتتىق فورماتتا; 600-دەن استام بالا مەكتەپتەر – 50% قۋاتىمەن شتاتتىق فورماتتا.
قالانىڭ سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى كۆي جۇقتىرعاندارمەن بايلانىستا بولعان ناۋقاستارعا قاتىستى شەكتەۋلەر مەن رۇقساتتارعا قاتىستى سوزىندە ەكىنشى كومپونەنتتى العانىنا 6 ايدان اسپاعان بولسا, رەۆاكتسينالاۋ نەمەسە COVID-19-عا قارسى ۆاكتسينالاۋدىڭ تولىق كۋرسىن العانى تۋرالى قۇجاتتىق راستاۋ بولعان كەزدە ءۇي كارانتينىنە وقشاۋلانبايتىنىن جەتكىزدى. «جەتىنشى كۇنى پتر ادىسىمەن COVID-19-عا تەكسەرۋ جۇرگىزىلەدى. پتر-زەرتتەۋدىڭ تەرىس ناتيجەسىمەن ءۇي كارانتينى اياقتالادى. ەگەر جەتىنشى كۇنى COVID-19-عا زەرتحانالىق تەكسەرۋ جۇرگىزىلمەسە, ءۇي كارانتينى وقشاۋلانعان ساتتەن باستاپ 10 تاۋلىك وتكەنگە دەيىن جالعاسادى», دەدى ول.
الماتى
