2019 جىلدان بەرى اتالعان كومپانيا جىل سايىن قازاقستاننىڭ ەڭبەك نارىعىنىڭ ەڭبەكاقىلارىنا شولۋلارعا قاتىسىپ ءجۇر. تاۋ-كەن ءوندىرۋ سەكتورىنداعى ءتيىستى كورسەتكىشتەر مەن ينفلياتسيا دەڭگەيى وندىرىستىك پەرسونالدىڭ ەڭبەگىنە اقى تولەۋ دەڭگەيىنىڭ باعدارى بولىپ قالا بەرمەك.
ناقتى ايتقاندا, 2022 جىلدىڭ 1 قاڭتارىنان باستاپ, ءبىرىنشى كەزەكتە, وپەراتسيالىق پەرسونال, ياعني جۇمىسشى كاسىپتەر مەن قاتارداعى مامانداردىڭ جالاقىسى 10%-دان 30%-عا دەيىن كوبەيەدى. بۇل رەتتە قولدانىستاعى جالاقى دەڭگەيى ەڭبەكاقى تولەۋدىڭ سالالىق كورسەتكىشتەرىنەن تومەن بولعان قىزمەتكەرلەردە جالاقىنىڭ ءوسۋى جوعارى بولادى.
كومپانيا تۇراقتى نەگىزدە ەلدەگى ماكروەكونوميكالىق جاعدايدى زەرتتەيدى, جالاقىنىڭ باسەكەگە قابىلەتتىلىگىنە تالداۋ جۇرگىزىپ وتىر. قاجەت بولعان جاعدايدا قىزمەتتىڭ وندىرىستىك جانە قارجىلىق ناتيجەلەرىن ەسكەرە وتىرىپ, ەڭبەكاقى دەڭگەيىن تۇزەتەدى.
«پاندەميادان تۋىنداعان قيىندىقتارعا قاراماستان, ءبىز كومپانيا قىزمەتكەرلەرىنىڭ ءال-اۋقاتىن ارتتىرۋدى جالعاستىرۋعا كەزەكتى رەت شەشىم قابىلدادىق. بۇل ءبىزدىڭ قاتىساتىن وڭىرلەردى قولداۋمەن قاتار, الەۋمەتتىك قىزمەتىمىزدىڭ ماڭىزدى باسىمدىقتارىنىڭ ءبىرى بولىپ تابىلادى», دەيدى «التىنالماس اك» اق باسقارما توراعاسى ديار قاناشەۆ.
«التىنالماس اك» اق – تولىق گەولوگيالىق, تاۋ-كەن ءوندىرۋ جانە التىن وڭدەۋ تسيكلى. كومپانيانىڭ قازاقستاننىڭ ءتورت ايماعىندا اكتيۆتەرى, اتاپ ايتقاندا قاراعاندى وبلىسى اقتوعاي اۋدانىنداعى «پۋستىننوە» جوباسى, جامبىل وبلىسى مويىنقۇم اۋدانىنداعى «اقباقاي» جوباسى, شىعىس قازاقستان وبلىسىنداعى «ميزەك» كەن ورنى, سونداي-اق اقمولا وبلىسىنداعى «اقسۋ-2», «جولىمبەت», «اقسۋ كگ» جوبالارى مەن «قازاقالتىن تكمك» اق نىساندارى بار.
الماتى
