وسى تاعايىنداۋعا دەيىن ول قر ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ باستىعى قىزمەتىن اتقارعان.
«پرەزيدەنت اكىمشىلىگىمەن كەلىسۋ بويىنشا ىشكى ىستەر ءمينيسترى ەرلان تۇرعىمباەۆتىڭ بۇيرىعىمەن قوستاناي وبلىسى پوليتسيا دەپارتامەنتىنىڭ باستىعى قىزمەتىنە پوليتسيا پولكوۆنيگى ەرلان وماربەكوۆ تاعايىندالدى.
پوليتسيا دەپارتامەنتىنىڭ جەكە قۇرامىنا جاڭا باسشىنى ىشكى ىستەر ءمينيسترى تانىستىردى», دەپ حابارلادى پوليتسيادان.
ەرلان بولات ۇلى وماربەكوۆ 1971 جىلى شىعىس قازاقستان وبلىسىندا دۇنيەگە كەلدى. قۇقىق قورعاۋ ورگاندارىندا 1993 جىلدان بەرى قىزمەت اتقارىپ كەلەدى.
ەڭبەك جولىن پوليتسيا باتالونىندا ميليتسيا قىزمەتكەرى بولىپ باستاعان.
شىعىس قازاقستان جانە قاراعاندى وبلىستارىندا ءتۇرلى باسشىلىق لاۋازىمداردى اتقارعان.
قر ىشكى ىستەر مينيسترلىگىنىڭ باسشىلىق قىزمەتىندە ۇلكەن تاجىريبەسى بار – كريمينالدىق پوليتسيا كوميتەتى توراعاسىنىڭ ورىنباسارى بولدى, سوڭعى جۇمىس ورنى –
قر ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ باستىعى.
ال قوستاناي وبلىسى پوليتسيا دەپارتامەنتىن التى جىلدان استام ۋاقىت باسقارىپ كەلگەن بەكەت ايماعامبەتوۆ قر ءىىم قاراماعىنا الىندى.
