پرەزيدەنت • 28 قاڭتار، 2022

پرەزيدەنت ادام قۇقىعى مىندەتتى تۇردە ساقتالاتىنىن ايتتى

832 رەت كورسەتىلدى

مەملەكەت باسشىسى قاسىم-جومارت توقاەۆ Nur Otan پارتياسىنىڭ كەزەكتەن تىس XXI سەزىندە قاڭتار قىرعىنا قاتىستى ءسوز قوزعادى، دەپ جازادى Egemen.kz.

«وزدەرىڭىزگە ءمالىم، قاڭتار ايىنىڭ باسىندا حالقىمىز قايعىلى وقيعالاردى باستان وتكەردى. وكىنىشكە قاراي، بەيبىت ميتينگىلەردى راديكالدى كۇشتەر ءوز ماقساتىنا پايدالانىپ كەتتى. لاڭكەستەر مەملەكەتىمىزگە شابۋىل جاساپ، ەل تىنىشتىعىن بۇزدى. ولار بيلىكتى باسىپ الۋعا تىرىستى»، دەدى قاسىم-جومارت توقاەۆ.

سونداي-اق مەملەكەت باسشىسى بيلىك شۇعىل شارالار قابىلداپ، لاڭكەستەرگە، قاراقشىلارعا تويتارىس بەرىلىپ، زاڭدىلىق پەن قوعامدىق ءتارتىپتى قالپىنا كەلتىرىلگەنىن، مەملەكەتىمىزدىڭ تۇتاستىعىن ساقتاپ قالعانىن جەتكىزدى. 

«قۇزىرلى ورگاندار كىنالى ادامداردى انىقتاپ، جاۋاپقا تارتۋ ءۇشىن تەرگەۋ جۇرگىزۋدە. بۇل جۇمىس تەك زاڭ اياسىندا جۇزەگە اسىرىلاتىنىنا كۇمان بولماۋعا ءتيىس. ءبارى باس پروكۋراتۋرانىڭ جانە مەنىڭ جەكە باقىلاۋىمدا بولادى. ادام قۇقىعىن مىندەتتى تۇردە ساقتايمىز»، دەدى پرەزيدەنت.

 

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار