پرەزيدەنت ءوز ءسوزىن ء ۇندىستان حالقىن كەشە وتكەن رەسپۋبليكا كۇنىمەن قۇتتىقتاۋدان باستادى.
ء«ۇندىستان ەگەمەندى دامۋ كەزەڭىندە تاريحي وركەنيەتتىڭ ەلشىسى رەتىندە دامۋدىڭ جوعارى دەڭگەيىنە شىقتى. بۇل ءسامميتتىڭ ورتالىق ازيا ەلدەرى مەن ءۇندىستاننىڭ ديپلوماتيالىق قارىم-قاتىناسىنىڭ 30 جىلدىق مەرەكەسىمەن تۇسپا-تۇس كەلىپ وتىرعانىن بىلەمىز. بۇل جىلدارى ءبىز ورنىقتى ءارى ساياسي ديالوگ ورناتتىق. تۇراقتى تۇردە ءبىزدىڭ ەلدەر ەكونوميكالىق جانە الەۋمەتتىك باعىتتاردى دامىتىپ كەلەمىز», دەدى ول.
مەملەكەت باسشىسى ازيا ءوڭىرىنىڭ رەسۋرسى مەن ينتەللەكتۋالدىق الەۋەتى زور ەكەنىن اتاپ ءوتتى.
«بۇل وڭىردە ماڭىزدى كولىك دالىزدەرى مەن جىلدام دامىپ جاتقان نارىق ورنالاسقان. ازيانىڭ الەمدىك ەكونوميكاداعى ءرولى دە ارتا ءتۇستى. ول ينۆەستيتسيا مەن كاپيتال تارتىلاتىن جاھاندىق ورتالىققا اينالدى. بۇل ءبىزدىڭ ەلدەر اراسىنداعى ءوزارا ىنتىماقتاستىقتىڭ دەڭگەيىن ارتتىرۋعا مۇمكىندىك بەرەدى. بۇل بارىنەن بۇرىن ساۋدا ماسەلەسىنە قاتىستى بولىپ وتىر.ورتالىق ازيا ەلدەرى مەن ءۇندىستان اراسىنداعى تاۋار اينالىم 2020 جىلى 3 ملرد دوللارعا جەتتى. ونىڭ ىشىندە بۇل ساۋداداعى قازاقستاننىڭ ۇلەسى 80 پايىزدى قۇرايدى», دەدى قاسىم-جومارت توقاەۆ.
