قارجى • 27 قاڭتار، 2022

نەسيە تولەمىن شەگەرۋ شارتتارى

125 رەت كورسەتىلدى

قاڭتارداعى قايعىلى وقيعا كەزىندە زارداپ شەككەن جەكە جانە زاڭدى تۇلعالاردى قولداۋ شارالارى جالعاسىپ جاتىر. ەلىمىزدىڭ بارلىق ايماعىندا توتەنشە جاعداي رەجىمىنىڭ ەنگىزىلۋىنە بايلانىستى كاسىپكەرلەر دە، قاراپايىم ازاماتتار دا جۇمىستارىن ءبىراز كىدىرتۋگە ءماجبۇر بولدى. ناتيجەسىندە، ەڭبەك ونىمدىلىگى مەن تابىس تومەندەپ كەتتى. از ۋاقىتتاعى شىعىننىڭ ۇلكەن پەرسپەكتيۆادا وزىندىك ماڭىزى بار ەكەنى ايتپاسا دا تۇسىنىكتى.

ازاماتتارعا جانە بيزنەس سۋبەك­تىلەرىنە قولداۋ كورسەتۋ ماقساتىندا قارجى نارىعىن رەتتەۋ جانە دامىتۋ اگەنتتىگىنىڭ جەكە جانە زاڭدى تۇلعالاردىڭ قارىزدارى بويىنشا تولەمدەردى كەيىنگە قالدىرۋ ءتارتىبىن قابىلداعانى بەلگىلى. ءتارتىپ اياسىندا توتەنشە جاعدايدى ەنگىزۋ ناتيجەسىندە زارداپ شەككەن ازاماتتارعا جانە بيزنەس سۋبەكتىلەرىنە، ونىڭ ىشىندە دارا كاسىپكەرلەرگە بەرىلگەن، بانكتەردىڭ جانە ميكروقارجى ۇيىمدارى كرەديتتەرىنىڭ بارلىق ءتۇرى بويىنشا تولەمدى 3 ايعا كەيىنگە قالدىرۋ مۇمكىندىگى ۇسىنىلادى. بۇل مۇمكىندىكتى پايدالانۋ ءۇشىن قارىز الۋشى نەسيە ۇيىمىنا 2022 جىلدىڭ
4 ساۋىرىنە دەيىن ارنايى ءوتىنىش بەردى.

ء«وتىنىش بەرىلگەن كۇنگە قاراماستان، كرەديت بويىنشا تولەمدەردى كەيىنگە قالدىرۋ مۇمكىندىگى 2022 جىلعى 5 قاڭ­تار – 5 ءساۋىر ارالىعىندا كۇشىندە بولادى. قارىز الۋشىنىڭ جانە كرەديتتىك ۇيىمنىڭ ءوزارا كەلىسىمى بويىنشا اقى تولەۋدى كەيىنگە قالدىرۋدىڭ وزگە مەرزىمى بەلگىلەنۋى مۇمكىن. كرەديتتىك ۇيىم توتەنشە جاعداي كەزەڭىندە قارىز الۋشىنىڭ قارجىلىق جاعدايىنىڭ ناشارلاۋى نەمەسە كەلتىرىلگەن زيان تۋرالى اقپارات بولعان كەزدە قارىز الۋشىنىڭ كرەديتى بويىنشا تولەمدەردى كەيىنگە قالدىرۋ مۇمكىندىگىن بەرەدى» دەپ حابارلايدى اگەنتتىك.

قارىز الۋشىنىڭ تاڭداۋىنا قارىز بويىنشا كەيىنگە قالدىرىلعان تولەمدەردى وتەۋدىڭ 3 بالاما كەستەسى بەرىلەدى:

1) قارىز مەرزىمىنىڭ سوڭىنا دەيىن كەيىنگە قالدىرىلعان تولەمدەردى تەپە-تەڭ ءبولۋ;

2) تولەم مەرزىمىن كەيىنگە قالدىرۋ كەزەڭىنە قارىز مەرزىمىن ۇلعايتۋ تۇرىندە;

3) قارىز/ميكروكرەديت شارتىندا نەمەسە قارىز الۋشىنىڭ وتىنىشىندە كورسەتىلگەن وتەۋدىڭ وزگە ءتاسىلى.

ءوتىنىش ەلەكتروندى پوشتانىڭ، «بانك-كليەنت» ونلاين-جۇيەسىنىڭ، ينتەرنەت-رەسۋرستىڭ، ءموبيلدى قوسىمشانىڭ، باسقا بايلانىس قۇرالدارىنىڭ كومەگىمەن نە قارىز الۋشىنىڭ كرەديتتىك ۇيىم كەڭسەسىنە بارۋى ارقىلى ەركىن نىساندا بەرىلۋى مۇمكىن. قارىز الۋشىنىڭ ءوتىنىشىن كرەديتتىك ۇيىم 10 جۇمىس كۇنى ىشىندە قارايدى.

«كرەديت بويىنشا تولەمدەردى كەيىنگە قالدىرۋ مۇمكىندىگى اۆتوماتتى تۇردە، شارتقا قوسىمشا كەلىسىمدەرگە قول قويماستان بەرىلەدى. توتەنشە جاعداي جانە كرەديت بويىنشا تولەمدەردى كەيىنگە قالدىرۋ قولدانىستا بولعان كەزەڭدە كرەديتتىك ۇيىمعا: قارىز (ميكروكرەديت) شارتتارى بويىنشا ايىپاقى (ايىپپۇلدار، ءوسىمپۇلدار) ەسەپتەۋگە جانە تالاپ ەتۋگە; ەسەپتەلگەن جانە مەرزىمى وتكەن سىياقىنى، ايىپاقىنى (ايىپپۇلدى، ءوسىمپۇلدى) نەگىزگى بورىش سوماسىنا قوسۋىنا تىيىم سالىنادى. تولەم مەرزىمىن كەيىنگە قالدىرۋ كەزەڭىندە كرەديتتىك ۇيىمدار قارىز الۋشى بويىنشا شاعىم-تالاپ جۇمىسىن جۇرگىزبەيدى جانە مەرزىمى وتكەن بەرەشەكتى وتەۋ قاجەتتىلىگى تۋرالى حابارلامايدى»، دەپ اقپارات بەردى اگەنتتىك.

سونىمەن قاتار قارىز الۋشى نەسيە تولەمىن كەيىنگە شەگەرگەن جاعدايدا، بۇل ارەكەت ونىڭ نەسيە تاريحىنا جاعىمسىز تاڭبا بولىپ تۇسپەۋگە ءتيىس.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار