«ماعان كەرەگى – شارشى الاڭداعى سوعىس. بار قالاۋىم – ديۆيزيونداعى شىن مىقتىلارمەن شارشى الاڭدى ءبولىسۋ. تايسون فيۋري, ەنتوني دجوشۋا سەكىلدى بوكسشىلار مەن ەددي حيرن سەكىلدى پروموۋتەردىڭ «اناۋ ايتتى, مىناۋ ءبۇيتتى» دەگەن سوزدەرى مەنى شارشاتتى» دەپ جازدى ول ءوزىنىڭ ينستاگرامداعى پاراقشاسىندا.
تايسون فيۋري مەن ديلليان ۋايت اراسىنداعى شايقاس وسىدان ءبىرشاما ۋاقىت بۇرىن ءوتۋى ءتيىس ەدى. الايدا ۋايت وزىنە ۇسىنىلعان گونوراردى مىسە تۇتپايتىنىن جەتكىزگەن بولاتىن. جالپى فيۋري-ۋايت كەزدەسۋىنىڭ تاعدىرى پروموۋتەرلىك ساۋدادا شەشىمىن تابۋى ءتيىس. الايدا پروموۋتەرلىك ساۋدانىڭ ۋاقىتى ءبىر ەمەس, بىرنەشە مارتە كەيىنگە شەگەرىلدى.
