«قازىر ءبىز وسىنداي ۇكىمەتارالىق كەلىسىمدەر اياسىندا وقۋعا ۇمىتكەرلەردى ىرىكتەۋ ەرەجەلەرىن جەتىلدىرۋ بويىنشا جۇمىس ىستەپ جاتىرمىز. حالىقتىڭ الەۋمەتتىك وسال توپتارى ءۇشىن, مىسالى, كوپ بالالى وتباسىلاردان شىققان بالالار, جەتىم بالالار, ەرەكشە ءبىلىم بەرۋ قاجەتتىلىكتەرى بار بالالار, سونداي-اق اۋىلدىق جەرلەردەن كەلگەن ۇمىتكەرلەر ءۇشىن ارتىقشىلىقتار قاراستىرىلادى», دەدى حالىقارالىق باعدارلامالار ورتالىعىنىڭ باسقارما توراعاسى ءانۋار جانعوزين.
«Stipendium Hungaricum» ستيپەنديالىق باعدارلاماسى قازاقستاندىقتارعا كەلەسى باعدارلامالار بويىنشا 250 گرانت بەرەدى:
- باكالاۆريات باعدارلاماسى بويىنشا - 110 ورىن;
- ماگيستراتۋرا باعدارلاماسى بويىنشا - 90 ورىن;
- باكالاۆريات+ماگيستراتۋرا باعدارلاماسى بويىنشا - 30 ورىن;
- دوكتورانتۋرا باعدارلاماسى بويىنشا - 20 ورىن.
گرانتتار ۆەنگر ءتىلىنىڭ تىلدىك كۋرستارىنا, اكادەميالىق وقۋعا, جاتاقحانادا تۇرۋعا, مەديتسينالىق ساقتاندىرۋعا جۇمسالاتىن شىعىنداردى وتەيدى, سونداي-اق ستۋدەنتتەرگە اي سايىنعى ستيپەنديا تولەنەدى.
وقىتۋ اعىلشىن جانە ۆەنگر تىلدەرىندە جۇرگىزىلەدى. ۇمىتكەرلەر ۆەنگر تىلىندە وقۋدى تاڭداعان كەزدە ۆەنگر ءتىلى ءبىر جىل بويى وقىتىلادى.
