رەسمي مالىمەتكە سايكەس, قازىرگى كەزدە پوليتسيا باسقارماسىنىڭ اينالاسىندا تازالاۋ جۇمىستارى جۇرگىزىلىپ جاتىر. 4-6 قاڭتارداعى جاپپاي تارتىپسىزدىكتەر كەزىندە عيمارات قاتتى زاقىمدانعان. ونى قالپىنا كەلتىرۋگە مەردىگەر كومپانيا تارتىلدى. وسى مەكەمەنىڭ جۇمىسشىسى شۋلى جارىق گراناتاسىن تاۋىپ العان.
«ول قاۋىپسىزدىك ەرەجەلەرىڭ ساقتاماعان. گراناتا جارىلىپ, بىرنەشە ساۋساعىن ج ۇلىپ كەتكەن. جۇمىسكەر شۇعىل تاراز قالاسى اۋرۋحاناسىنا جەتكىزىلدى», دەيدى تاراز قالالىق پوليتسيا دەپارتامەنتىنەن.
ۆەدومستۆونىڭ مالىمەتىنشە, عيماراتتى قالپىنا كەلتىرۋ جۇمىستارى باستالماس بۇرىن مەردىگەر كومپانيالار مەن قىزمەتكەرلەرگە قارۋ-جاراق, وق-ءدارى جانە ارنايى قۇرالدار تابىلعان بويدا كەزەكشى پوليتسەيلەرگە حابار بەرۋ قاجەتتىگى تۋرالى ەسكەرتىلگەن.
قازىرگى كەزدە قىلمىستىق كودەكستىڭ 156-بابى, 2-بولىگى بويىنشا تەرگەۋ شارالارى باستالدى. وعان سايكەس, بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ءۇش جىلعا دەيiنگi مەرزiمگە ايىرا وتىرىپ, 200 اەك-كە (612 600 تەڭگە) دەيiنگi مولشەردە ايىپپۇل سالۋ نە سول مولشەردە تۇزەۋ جۇمىستارى نەمەسە 200 ساعاتقا دەيiنگi مەرزiمگە قوعامدىق جۇمىستارعا تارتۋ نە 50 تاۋلىككە دەيىنگى مەرزىمگە قاماۋعا الۋ جازاسى قاراستىرىلعان.
