فۋتبول • 26 قاڭتار، 2022

قازاقستان قۇراماسى توپ باستادى

45 رەت كورسەتىلدى

نيدەرلاندتىڭ امستەردام جانە گرونينگەن قالالارىندا ءوتىپ جاتقان فۋتزالدان ەۋروپا چەمپيوناتىنىڭ ەكىنشى تۋر ويىندارى بەل ورتاسىنان استى. بۇل تۋردا جەرلەستەرىمىز فينليانديا فۋتزالشىلارىمەن جولىعىپ، ءىرى ەسەپپەن جەڭىسكە جەتتى.

قازاقستان قۇراماسى ءبىرىنشى تۋردا سلوۆەنيامەن بولعان تارتىستى ويىندا 4:4 ەسەبىمەن تەڭ ويناعان بولاتىن. سونداي-اق بۇل ماتچقا نەگىزگى قۇرامنىڭ بىرنەشە ويىنشىسى مەن قۇرامانىڭ باس باپكەرى كاكا كوروناۆيرۋسقا بايلانىستى قاتىسا الماعان ەدى. سونىڭ سالدارىنان ءبىزدىڭ جىگىتتەر بۇعان دەيىن ءبىر رەت باسىم ءتۇسىپ، ءبىر مارتە تەڭ ويناعان سلوۆەنيامەن تاعى دا ۇپاي بولىسۋگە ءماجبۇر بولدى. ءبىر ۇپايدان كەيىن جانكۇيەرلەر دە، فۋتزالشىلار دا پلەي-وففقا شىعۋدىڭ قيىنداپ كەتكەنىن جاقسى ءتۇسىندى. الايدا توپتاعى ەكىنشى ماتچتا يتاليا مەن فينليانديا كوماندالارى دا جەڭىمپازدى انىقتاي الماي، تەڭ تارقاستى. ناتيجەسىندە ءبىرىنشى تۋردان سوڭ توپتاعى جاعداي وزگەرىسسىز قالدى.

ەكىنشى تۋر ويىندارى الدىندا دا قازاقستان قۇراماسى تولىق قۇرامدا ونەر كورسەتە المايتىنى بەلگىلى بولعان ەدى. سەبەبى شىڭعىس ەسەنامانوۆتان ماتچ الدىندا كوروناۆيرۋس انىقتالسا، العاشقى تۋردا «قىزىل قاعاز» العان البەرت اقبالىقوۆ ويىندى الاڭنىڭ جيەگىنەن تاماشالادى.

دەسە دە ءبىزدىڭ جىگىتتەر ءبىرىن­شى ماتچتاعىداي بۇل جولى باس باپكەرسىز ويناعان جوق. كورونا­ۆيرۋستان ايىعىپ، دەرەۋ نيدەر­لاندقا جەتكەن كاكا قۇراما ويىن­شىلارىنا قوسىمشا كۇش سىيلادى. ءسويتتى دە ەكىنشى تۋردا يتا­ليا قۇراماسىنان ۇپاي العان فين­ليان­ديالىقتاردى ءىرى ەسەپپەن جەڭدى.

نەگىزى ءبىزدىڭ قۇرامانىڭ ءىرى ەسەپپەن جەڭىسكە جەتۋىنە توپتاعى العاشقى ويىننىڭ ناتيجەسى ايتارلىقتاي اسەر ەتكەنى بەلگىلى. ويتكەنى يتاليا مەن سلوۆەنيا قۇرامالارى تاعى دا تەڭ ويناپ، قازاقستان قۇراماسىنا توپتا كوش باستاۋعا زور مۇمكىندىك سىيلادى. ەكىنشى تۋردا دا ءبىر-ءبىر ۇپايعا قول جەتكىزگەن يتاليا مەن سلوۆەنيا 2 ۇپايمەن ۋاقىتشا ءبىرىنشى جانە ەكىنشى ورىندى ءبولىسىپ تۇردى. بۇل ءوز كەزەگىندە ءسال كەشىگىپ ماتچ وتكىزەتىن قازاقستان مەن فين­ليانديا ءۇشىن وتە تاماشا مۇم­كىن­دىك ەدى. سەبەبى جەڭگەن كوماندا تۋرنير كەستەسىندە ءبىرىنشى ورىنعا شىعاتىن.

ەۋروپا چەمپيوناتىنىڭ فينالدىق كەزەڭىنە تۇڭعىش رەت قاتىسىپ وتىرعان فينليانديا ماتچتىڭ ءبىرىنشى تايمىندا وتە شيراق قيمىلدادى. ءتىپتى، ماتچتىڭ ەسەبىن دە ءبىرىنشى بولىپ اشتى. كەزدەسۋدىڭ 13-مينۋتىندا ميكا حوسيو مەرگەندىك تانىتسا، ءبىرىنشى تايمنىڭ اياقتالۋىنا ەكى مينۋت قالعاندا ءبىرجان ورازوۆ تارازى باسىن تەڭەستىرىپ ۇلگەردى.

سكانديناۆيالىقتار ەكىنشى تايمدى دا وتە بەلسەندى باستاپ، تاعى دا ەسەپتە العا شىعىپ الدى. بۇل جولى ياني كورپەلا يگيتا قورعاعان قاقپانى ءدال كوزدەدى. بىراق ارادا ءبىر مينۋت وتكەندە قاقپاشىمىز يگيتا الاڭنىڭ ءدال ورتاسىنان سوققى جاساپ، تارازى باسىن قايتا تەڭەستىردى. ايتا كەتەيىك، يگيتا قاتارىنان ءۇش ەۋروپا بىرىنشىلىگىندە گول سوققان العاشقى قاقپاشى اتاندى.

تابلوداعى كورسەتكىش 2:2-گە جەتكەن سوڭ، قازاقستان قۇراماسى قاتارىنان ءتورت گول سوعىپ، فينليانديا قۇراماسىنا ەش مۇم­كىندىك قالدىرمادى. الدىمەن ارنولد كناۋب قازاقستاندى العا شىعارسا، ەكى مينۋتتان سوڭ ءبىرجان ورازوۆ ءدۋبلدىڭ اۆتورى اتاندى. سودان سوڭ ارنولد كناۋب تاعى دا دالدىك تانىتىپ، ەسەپتى 5:2-گە جەتكىزدى. ال كەزدەسۋدىڭ نۇكتەسىن ازات ۆاليۋللين قويدى. قورىتىندى ەسەپ – 6:2. وسى­لايشا، قازاقستان قۇراماسى فين­ليان­ديادان ۇلكەن فۋتبولدا كەتكەن ەسەسىن شاعىن فۋتبولدا قايتاردى. بۇل جەڭىستەن كەيىن جەرلەستەرىمىز 4 ۇپايمەن ۆ توبىندا كوش باستادى.

قازاقستان كەلەسى كەزدەسۋىن 28 قاڭتار كۇنى يتاليا قۇرا­ما­سىمەن وتكىزەدى. بۇگىنگە دەيىن ەكى ەل ويىنشىلارى پاركەتتە ءبىر مارتە كەزدەسكەن. 2016 جىل­عى ەۋروپا چەمپيوناتىنىڭ پلەي-وفف كەزەڭىندە جولدارى ءتۇيى­سىپ، قازاقستان قۇراماسى 5:2 ناتي­جەسىمەن باسىم تۇسكەن ەدى.

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

جەزقازعاندىقتارمەن جۇزدەستى

رەفەرەندۋم-2022 • بۇگىن، 08:28

حالىق تىلەگىنەن تۋعان باستاما

رەفەرەندۋم-2022 • بۇگىن، 08:26

جۇمىلعان جۇدىرىقتاي قاتىسۋىمىز كەرەك

رەفەرەندۋم-2022 • بۇگىن، 08:24

جاڭارۋ جولىنداعى قۇلشىنىس

رەفەرەندۋم-2022 • بۇگىن، 08:20

سەمەيگە سەرپىلىس بەرەتىن باستاما

رەفەرەندۋم-2022 • بۇگىن، 08:17

ۇقساس جاڭالىقتار