«جۇلدەلى ورىندارعا يە بولعان وليمپياداشىلار مەن پاراليمپياداشىلار (1-6 ورىن) اقشالاي سىياقى الادى. زاڭدا جەڭىپ العان مەدالدارعا سايكەس پاتەر ءبولۋ قاراستىرىلعان. ءبىرىنشى ورىن ءۇشىن - 250 مىڭ دوللار, ودان كەيىن 150, 75 مىڭ دوللار. مەدال جەڭىپ العان جاعدايدا بۇل قاراجات قر مەملەكەتتىك رەزەرۆىنەن تولەنەتىن بولادى», دەدى سەرىك جاراسباەۆ.
ۆيتسە-مينيستر بريفينگ بارىسىندا سپورتشىلاردىڭ پاراليمپيادالىق ويىندارعا دايىندىعى تۋرالى ايتىپ بەردى.
«پاراليمپياداشىلارعا وليمپياداشىلار سياقتى كوپ كوڭىل ءبولۋ كەرەك. وليمپياداشىلاردى شىعارىپ سالۋ كەزىندە پرەزيدەنتتىڭ قابىلداۋىندا ەكى پاراليمپياداشى بولدى. ول ولارعا ساتتىلىك تىلەدى. پاراليمپيادا ويىندارىندا ءبىزدىڭ سپورتشىلارىمىز بىرنەشە ەسە از, تەك 4 ادام: ەكەۋى - شاڭعى تەبۋ جانە ەكەۋى - بياتلوننان. دايىندىق قىزۋ ءجۇرىپ جاتىر. 5-25 اقپاندا سپورتشىلار وقۋ-جاتتىعۋ جيىنىنا – «الاتاۋ» شاڭعى-بياتلون كەشەنىنە بارادى. پاراليمپيادا كوميتەتىمەن بارلىق ماسەلەلەر پىسىقتالدى. ولاردىڭ سانى الدەقايدا از بولاتىندىعىن ەسكەرە وتىرىپ, ولار تەزىرەك شەشىلەدى. ءبىز ولارعا ساتتىلىك تىلەيمىز», دەدى ول.
