ەلدەگى اۋرۋلاردى باقىلاۋ جانە الدىن الۋ اگەنتتىگى (KDCA) كەلتىرگەن دەرەكتەرگە سەنسەك, سەيسەنبى كۇنى ۆيرۋس جۇقتىرعاندار قوسا ەسەپتەگەندە اۋىرعانداردىڭ قاراسى 749 979-عا جەتكەن. كورەيادا 2020 جىلدىڭ 20 قاڭتارىندا ۆيرۋس انىقتالعاننان بەرى ءبىرىنشى رەت ءبىر تاۋلىكتە جۇقتىرۋ جاعدايلارى 8 000-نان اسىپ وتىر. كوروناۆيرۋستان قايتىس بولعاندار سانى 6 588-گە جەتتى, دۇيسەنبى كۇنى بۇل كورسەتكىش 23-كە كەم بولعان.
بيلىك وميكرون شتامىنىڭ قازىرگى تارالۋ قارقىنىن ەسكەرە وتىرىپ, كەلەسى ايدا جۇقتىرۋ جاعدايلارى كۇنىنە 30 000-نان اسۋى مۇمكىن ەكەنىن ەسكەرتتى.
