سپيكەردىڭ ايتۋىنشا, الماتىدا تروللەيبۋس جەلىلەرىن جاڭعىرتۋ جالعاسۋدا.
«بۇگىندە 172 شاقىرىم جول قايتا جوندەۋدەن ءوتتى. بايلانىس جەلىلەرى ءۇشىن 604 جاڭا تىرەك ورناتىلدى. بارلىعى 38 كوشەدە جۇمىستار جۇرگىزۋ جوسپارلانۋدا. جەلىلەردى قالپىنا كەلتىرۋ جۇمىستارى بيىل اياقتالادى دەپ كۇتىلۋدە», دەدى باسقارما باسشىسى.
سونىمەن قاتار, ول تروللەيبۋس پاركىن جاڭعىرتۋ اياسىندا 190 تروللەيبۋس ساتىپ الىناتىنىن ايتتى.
«10 قوسالقى ستانتسيانى قايتا قۇرۋ جانە 190 تروللەيبۋس ساتىپ الۋ جوسپاردا بار. ەۋروپا قايتا قۇرۋ جانە دامۋ بانكىمەن (ەقدب) قارجىلاندىرۋ تۋرالى الدىن الا كەلىسىمگە قول قويىلدى. بيىل ءبىز 100 تروللەيبۋس ساتىپ الامىز. ولار قالاعا جىلدىڭ سوڭىنا دەيىن نەمەسە كەلەسى جىلدىڭ باسىندا جەتكىزىلەدى. قالعان 90-ى ەكى جىل ىشىندە اكەلىنەدى», دەدى عاني مىرزاحانوۆ.
