«جۇمىس بارىسىندا اۋداندارىمىز بەن ەلدى مەكەندەرىمىزدى تۇراقتى تۇردە ارالايمىز. ءوندىرىس, كيرپيچنىي جانە قازقالاشىق (بايقوڭىر اۋدانى) ەلدى مەكەندەرىنىڭ تۇرعىندارىمەن كەزدەستىم. پروبلەمالاردى قىسقا مەرزىمدى, ورتا مەرزىمدى جانە ۇزاق مەرزىمدى دەپ بولەمىز. العاشقى ەكەۋى بويىنشا نەگىزگى ساۋالدار – جارىقتاندىرۋ, جولدار, اۋلالار مەن قوعامدىق كەڭىستىكتەر سالۋ, اۆتوبۋس مارشرۋتتارىن ىسكە قوسۋ جانە ت.ب. بۇل پروبلەمالاردى تۇراقتى تۇردە شەشىپ كەلەمىز.
ۇزاق مەرزىمدى پروبلەمالارعا تولىعىراق توقتالىپ وتەيىن. بۇعان دەيىن قالا تۇرعىندارى مەكتەپ, بالاباقشا, سپورت نىساندارىن سالۋ, سونداي-اق سۋمەن جابدىقتاۋ جانە ت.ب. ماسەلەلەر بويىنشا ءوتىنىش بىلدىرگەن بولاتىن», دەدى قالا اكىمى.
وسىلايشا, 2021 جىلدىڭ قىركۇيەگىندە ءوندىرىس ەلدى مەكەنىندە بەس قاباتتى مەكتەپ اشىلدى. ول مەملەكەت باسشىسىنىڭ تاپسىرماسى بويىنشا قازىرگى №23 ورتا مەكتەپ اۋماعىنا سالىندى. ەسكى مەكتەپتە اسحانا, اكت زالى, مۇعالىمدەر, ادىستەمەلىك كابينەتى بولماعان ەدى. اتالعان پروبلەمالاردىڭ ءبارى, سول سياقتى تىعىزدالعان رەجيم ماسەلەسى دە شەشىلدى.
«بيىل كيرپيچنىي ەلدى مەكەنىندە تاعى ءبىر مەكتەپ سالامىز. سونداي-اق, جەكە ينۆەستور ەسەبىنەن بالاباقشا قۇرىلىسى دا باستالادى. بالاباقشانى سۋبسيديالايتىن بولامىز, وسىلايشا اتا-انالارعا اۋىرتپالىق تۇسپەيدى. ءوندىرىس ەلدى مەكەنىندە دەنە شىنىقتىرۋ-ساۋىقتىرۋ كەشەنى سالىندى, وندا قالا تۇرعىندارى سپورتپەن تەگىن اينالىسىپ, ءتۇرلى ۇيىرمەلەرگە قاتىسا الادى جانە ت.ب.
سۋمەن جابدىقتاۋ ماسەلەلەرىنە توقتالىپ وتەيىن. بىلتىر سورعى-سۇزگى ستانتسياسىنىڭ (سسس) قۇرىلىسى باستالعان بولاتىن. سسس-3 جۇمىسىنىڭ ءبىرىنشى كەزەڭى بيىل كۇزدە باستالادى. ال 2023 جىلى تولىق اياقتالادى. سورعى-ءسۇزۋ ستانتسياسى قالانىڭ الداعى ۋاقىتتا قۇرىلىس جۇمىسى جۇرەتىن اۋداندارىن اۋىز سۋمەن قامتاماسىز ەتۋگە, سونداي-اق سۋمەن جابدىقتاۋدىڭ قازىرگى قۋاتىن ارتتىرۋعا مۇمكىندىك بەرەدى. جاڭا جوبانىڭ قۋاتتىلىعى – تاۋلىگىنە 105 مىڭ تەكشە مەتر. بۇل – قالانىڭ تىنىس-تىرشىلىگىن قامتاماسىز ەتۋ ءۇشىن وتە ماڭىزدى ستراتەگيالىق نىسان», دەدى ەلوردا اكىمى.
گاز تاراتۋ جەلىسىن الماتى جانە سارىارقا اۋداندارىندا 9 ەلدى مەكەندە ورنالاسقان. ال بايقوڭىر اۋدانىن گازداندىرۋ جۇمىسى 2022 جانە 2023 جىلدارعا بولىنگەن. مىسالى, بيىل ءوندىرىس, ال 2023 جىلى كيرپيچنىي, قازقالاشىق ەلدى مەكەندەرىندە گاز تاراتۋ جەلىلەرىنىڭ قۇرىلىسى باستالادى.
«ەلدى مەكەندەردە ەكى جىل ىشىندە 160-تان استام كوشەگە اسفالت توسەدىك, اۋلالار مەن قوعامدىق كەڭىستىكتەردى اباتتاندىردىق, جارىقتاندىرۋ جۇمىسىن جۇرگىزدىك, جاڭا اۆتوبۋس مارشرۋتتارىن ىسكە قوستىق, «ۇيدەگى دارىگەر» جانە ت.ب. بىرقاتار نىساندار اشتىق.
وسىلاي اۋداندارىمىز بەن ەلدى مەكەندەرىمىزدىڭ تۇرعىندارىمەن كوزبە-كوز كەزدەسەمىز. قالا تۇرعىندارى ارقىلى تۇسەتىن سۇراقتاردى ارالاۋ, ازاماتتاردى قابىلداۋ جانە باسقا دا كەزدەسۋلەر ارقىلى باقىلاۋىمىزعا الامىز», دەپ جازدى قالا اكىمى.
