«قاڭتار ايىنداعى وقيعالار بارىسىندا قىلمىسكەرلەر قارۋ-جاراق دۇكەندەرىنەن, قۇقىق قورعاۋ جانە ارنايى ورگانداردىڭ عيماراتتارىنان اتىس قارۋى مەن وق-دارىلەردى ۇرلادى. ولار زاڭسىز ماقساتتارعا پايدالانىلىپ, سونداي-اق ازاماتتاردىڭ ءومىرى مەن دەنساۋلىعىنا زيان كەلتىرۋى مۇمكىن. قارۋ مەن وق-دارىلەردى زاڭسىز ساقتاعانى ءۇشىن قىلمىستىق جانە اكىمشىلىك جاۋاپكەرشىلىك قاراستىرىلعانىن اتاپ ءوتۋ قاجەت», دەدى ول.
ەستەرىڭىزگە سالا كەتەيىن, زاڭسىز ساقتالعان قارۋدى, وق-دارىلەردى جانە جارىلعىش زاتتاردى ءوز ەركىمەن تاپسىرعان ادامدار, ەگەر ولاردىڭ ارەكەتتەرىندە وزگە قىلمىستار بولماسا, جاۋاپكەرشىلىكتەن بوساتىلادى.
«وسىعان بايلانىستى ءىىم ازاماتتاردى زاڭسىز ساقتالعان قارۋدى, وق-دارىلەردى, جارىلعىش زاتتاردى جانە ارنايى قۇرالداردى ءوز ەركىمەن تاپسىرۋعا شاقىرادى. جازاتايىم وقيعالار مەن جاراقاتتانۋدىڭ الدىن الۋ ماقساتىندا تابىلعان جارىلعىش ماتەريالدارعا جانە وق-دارىلەرگە تيىسپەۋگە جانە ولاردى تاسىمالداۋعا تىرىسپاۋعا, بۇل تۋرالى پوليتسياعا 102 نەمەسە 112 تەلەفوندارى بويىنشا حابارلاۋدى سۇرايمىز», دەدى ءنۇردىلدا وراز.
