جەكپە-جەك • 24 قاڭتار، 2022

بۇزاقىلار پىشاقتاعان برازيليالىق سپورتشى قايتىس بولدى

1091 رەت كورسەتىلدى

برازيليالىق Gaucha ZH باسىلىمى UFC مەن Bellator-دىڭ بۇرىنعى سپورتشىسى مايكەل فالكاونى پەلوتاس قالاسىنداعى مەيرامحانالاردىڭ ءبىرىنىڭ ماڭىندا بۇزاقىلار پىشاقتاپ كەتكەنى تۋرالى اقپارات تاراتقان بولاتىن، دەپ حابارلايدى Egemen.kz championat.com-عا سىلتەمە جاساپ. 

باسىلىمنىڭ سوڭعى جازباسىندا سپورتشىنىڭ اۋرۋحانادا قايتىس بولعانى تۋرالى مالىمەت تارادى. بۇزاقىلار سپورتشىنى ءبۇيىر تۇسىنان جاراقاتتاعان. جەدەل جاردەم قىزمەتكەرلەرى جەدەل جەتىپ، سپورتشىنى اۋرۋحاناعا لەزدە جەتكىزگەنىنە قاراماستان، اق حالاتتىلار بۇرىنعى جەكپە-جەك شەبەرىنىڭ ءومىرىن ساقتاپ قالا المادى.  

مايكەل فالكاو UFC-دە ءبىر عانا جەكپە-جەك وتكىزگەنى بەلگىلى. ول دجەرالد حارريسكە قارسى سەگىز بۇرىشقا شىعىپ، قارسىلاسىن تورەشىلەردىڭ ءبىر جاقتى شەشىمىمەن جەڭگەن بولاتىن. الايدا ارادا ءبىرشاما ۋاقىت وتكەننەن كەيىن ۇيىم ونى ءوز قاتارىنان شىعارىپ تاستادى. وعان سەبەپ، سپورتشىنىڭ 2002 جىلى ايەل ادامعا شابۋىل جاساعانى تۋرالى اقپارات تاراعان. سوعان بايلانىستى سپورتشى قۇرىقتالعان دا بولاتىن.

ارادا ءبىراز ۋاقىت وتكەننەن كەيىن ول Bellator-عا اۋىستى. مۇندا ورتا سالماقتاعى دودانىڭ التىنشى ماۋسىمىندا ۇزدىك شىقتى. كەيىن الەكساندر شلەمەنكومەن شايقاسۋعا مۇمكىندىك العان فالكاو قارسىلاسىنان ەكىنشى راۋندتا نوكاۋتپەن جەڭىلگەن ەدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار