قوعام • 24 قاڭتار، 2022

كومەك كورسەتىلەدى

44 رەت كورسەتىلدى

الماتىنىڭ قانشا تۇرعىنى زارداپ شەككەنى بەزبەندەلىپ، بيزنەس شىعىنى تۇگەندەلىپ جاتىر. مەملەكەت باسشىسى ق.توقاەۆتىڭ تاپسىرمالارىن ورىنداۋ اياسىندا زارداپ شەككەن دارىگەرلەرگە، قاۋىپسىزدىك قىزمەتكەرلەرىنە جانە ءورت سوندىرۋشىلەرگە وتەماقى تولەنەدى.

«وسى كۇردەلى ءارى قيىن كۇندەرى قوعام زارداپ شەككەندەر وتەماقى الاتىنىنا جانە قولداۋ كورسەتىلەتىنىنە سەنىمدى بولۋى كەرەك. ماسەلەن، زارداپ شەككەن قۇقىق قورعاۋ ورگاندارىنىڭ قىزمەتكەرلەرىنە، دارىگەرلەر مەن ءورت سوندىرۋشىلەرگە جالپى سوماسى 220،5 ملن تەڭگە، ال اۋىر جاراقات العاندارعا – 2 ملن، ورتاشا جاراقات العاندارعا –
1 ملن، جەڭىل جاراقات العاندارعا 500 مىڭ تەڭگەدەن وتەماقى بەرىلەدى»، دەدى شاھار باسشىسى باقىتجان ساعىنتاەۆ.

قالا اكىمى توتەنشە جاعداي كەزىندە وسى ىسكە جۇمىلدىرىلعان قۇقىق قورعاۋ ورگاندارىنىڭ قىزمەتكەرلەرى مەن مەديتسينا قىزمەتكەرلەرىنە ماتەريالدىق كومەك كورسەتىلەتىنىن اتاپ ءوتتى. وسى ماقساتتا 10 012 ادامعا، ونىڭ ىشىندە پوليتسيا دەپارتامەنتىنىڭ – 3 880، توتەنشە جاعدايلار دەپارتامەنتىنىڭ – 1 207، قۇتقارۋ قىزمەتىنىڭ – 93، مەديتسينا سالاسىنىڭ 4 832 قىزمەتكەرىنە 1،6 ملرد تەڭگە بولىنەدى.

قالا اكىمىنىڭ ورىنباسارى ءىلياس وسەروۆ وڭىرلىك كوممۋنيكاتسيالار قىزمەتى الاڭىندا وتكەن ونلاين بريفينگتە پوليتسيا وكىلدەرىنەن تىركەۋ تالونىن العان، بىراق راستايتىن قۇجاتتارى جوق كاسىپكەرلەرگە كەلتىرىلگەن زالالدىڭ مولشەرىن باعالايتىن اۋداندىق كوميس­سياعا جۇگىنۋ قاجەت ەكەنىن اتاپ ءوتتى.

«زالالدى باعالاۋدى قۇرا­مى­نا تاۋەلسىز باعالاۋشىلار، اۋدي­تورلىق كومپانيالار، «اتا­مەكەن» كاسىپكەرلەر پالاتا­سى مەن باسقا دا قۇزىرلى مەكەمەلەر كىرەتىن اۋداندىق جۇمىس كوميسسيالارى جۇرگىزەدى. ءوتىنىشتى قاراۋ جانە شەشىم قابىلداۋدى وڭىرلىك كوميسسيا بەس كۇن ىشىندە جۇزەگە اسىرادى. وسىدان كەيىن وتەۋ ءۇشىن شەشىم جوباسى ازىر­لەنەدى جانە قاراجات ءۇش كۇن ىشىندە ءوتىنىش بەرۋشىنىڭ اعىم­داعى نەمەسە جيناق شوتىنا اۋدارىلادى»، دەدى ول.

ءى.وسەروۆ كولىك، ەكسپەدي­تسيالىق جانە وسىعان ۇقساس قىزمەتتەردى كورسەتەتىن كومپانيالار اۆتوكولىك ۇرلانعان نەمەسە ب ۇلىنگەن جاعدايدا اۋماقتىق پوليتسيا بولىمشەسىنە جۇگىنۋى كەرەك ەكەنىن جەتكىزدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار