ۇكىمەت • 21 قاڭتار، 2022

ۇكىمەت ەلدەگى جاعدايدى تۇراقتاندىرۋ ءۇشىن جەدەل شارالاردى ىسكە اسىرۋدا

46 رەت كورسەتىلدى

پرەزيدەنتتىڭ ۇكىمەت الدىنا قويعان بارلىق تاپسىرماسى ورىندالاتىندى. بۇل تۋرالى بۇگىن قر پرەمەر-ءمينيسترى ءاليحان سمايىلوۆ مەملەكەت باسشىسىنىڭ وتاندىق بيزنەس وكىلدەرىمەن كەزدەسۋىندە ايتتى، دەپ حابارلايدى Egemen.kz.

«جاقىندا ورىن العان وقيعالار اياسىندا مەملەكەت باسشىسىنىڭ تاپسىرماسى بويىنشا ۇكىمەت ەلدەگى الەۋمەتتىك-ەكونوميكالىق جاعدايدى تۇراقتاندىرۋ ءۇشىن جەدەل شارالاردى ىسكە اسىرۋدا. ءبىزدىڭ مىندەتىمىز – زارداپ شەككەن بيزنەس سۋبەكتىلەرىنىڭ جۇمىسىن تەز ارادا قالپىنا كەلتىرۋ. وسىعان بايلانىستى، ءبىز وسى جۇمىسقا ءىرى بيزنەستى قاتىسۋعا شاقىرامىز»، دەدى ءاليحان سمايىلوۆ.

ۇكىمەت باسشىسى قازىرگى كەزدە اعىمداعى جوسپارلار قايتا قارالىپ جاتقانىن اتاپ ءوتتى.

«سونداي-اق پرەزيدەنت تاپسىرمالارىن ەسكەرە وتىرىپ، وزەكتى الەۋمەتتىك-ەكونوميكالىق ماسەلەلەردى شەشۋگە باعىتتالعان قاجەتتى شارالاردى قامتيتىن 2022 جىلعا ارنالعان ۇكىمەتتىڭ ءىس-قيمىل باعدارلاماسى ازىرلەنۋدە»، دەدى ول.

ءاليحان سمايىلوۆ پرەزيدەنتتىڭ ۇكىمەت الدىنا قويعان بارلىق تاپسىرماسى ورىندالاتىندىعىن دا باسا ايتتى.

ء«بىز ەلىمىزدىڭ الەۋمەتتىك-ەكونوميكالىق دامۋى ءۇشىن بيزنەسپەن بىرلەسىپ بەلسەندى جۇمىس جاسايمىز»، دەدى پرەمەر-مينيستر.

سوڭعى جاڭالىقتار

ۇقساس جاڭالىقتار