ەكونوميكا • 21 قاڭتار، 2022

الەۋمەتتىك ماڭىزى بار تاۋار باعاسى ءار وڭىردە جەكە بەلگىلەنەدى

قر ساۋدا جانە ينتەگراتسيا مينيسترلىگى ساۋدا كوميتەتىنىڭ توراعاسى ەرجان قازانباەۆ الەۋمەتتىك ماڭىزى بار ازىق-ت ۇلىك تاۋارلارىنىڭ شەكتى باعالارىن قايدا قاراۋ جانە شاعىمداردى قايدا جىبەرۋگە بولاتىنى تۋرالى سۇراققا جاۋاپ بەردى، دەپ حابارلايدى Egemen.kz.

دانا مىرزاقادىر

ءبىرىنشى كەزەكتە، ەرجان قازانباەۆ الەۋمەتتىك ماڭىزى بار ازىق-ت ۇلىك تاۋارلارىنا شەكتى ماندەردى اكىمدىكتەر ءار ءوڭىر ءۇشىن جەكە بەلگىلەيتىنىن جانە ەلدىڭ باسقا وڭىرلەرىنە تارالمايتىنىن ءتۇسىندىردى.

«شەكتى باعالار تۋرالى مالىمەتتەر اشىق بولىپ سانالادى جانە «ادىلەت» پورتالى مەن اكىمدىكتەردىڭ رەسمي سايتتارىن قوسا العاندا، اشىق كوزدەردە ورنالاستىرىلادى»، دەدى كوميتەت توراعاسى.

سونداي-اق، ەرجان قازانباەۆ قانداي مەملەكەتتىك ورگاندارعا باعانىڭ وسۋىنە قاتىستى شاعىمدارمەن جۇگىنۋگە بولاتىنىن ايتتى.

ءبىرىنشى ارنا - بۇل اكىمدىكتەر. ويتكەنى بۇگىنگى تاڭدا جەرگىلىكتى اتقارۋشى ورگانداردا ساۋدا جەلىلەرىندە باعا قوعامدىق باقىلاۋدى تارتا وتىرىپ، ساۋدا ۇستەمەسىنىڭ 15 پايىزىنان اسپاۋى ءۇشىن ساۋدا ۇستەمەلەرىن، سىياقىلاردى باقىلاۋ بويىنشا قۇرال بار.

ەكىنشى تەتىك - ساۋدا جانە ينتەگراتسيا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى جانە كوميتەتتىڭ اۋماقتىق دەپارتامەنتتەرى. سونىمەن قاتار جاقىن ارادا اۋماقتىق دەپارتامەنتتەر ارقىلى جۇگىنۋ مۇمكىندىگى پايدا بولاتىن ساۋدا كوميتەتىنە، سونداي-اق E-tutynushy پلاتفورماسى ارقىلى جۇگىنۋگە بولادى. ول ارقىلى الەۋمەتتىك ماڭىزى بار ازىق-ت ۇلىك تاۋارلارى باعاسىن كوتەرەتىن دۇكەنگە شاعىم بەرۋگە مۇمكىندىك بار.

ءۇشىنشى مەملەكەتتىك ورگان - بۇل قر باسەكەلەستىكتى قورعاۋ جانە دامىتۋ اگەنتتىگى جانە ونىڭ اۋماقتىق دەپارتامەنتتەرى. ولارعا ازىق-ت ۇلىك ونىمدەرىنىڭ جاساندى تاپشىلىعى نەمەسە باعا الىپساتارلىعى پايدا بولدى دەگەن كۇدىك تۋىنداعان جاعدايدا جۇگىنۋ كەرەك.

وسىدان كەيىن اكىمدىكتەر، ساۋدا جانە ينتەگراتسيا مينيسترلىگى جانە باسەكەلەستىكتى قورعاۋ جانە دامىتۋ اگەنتتىگى تاراپىنان بەلگىلى ءبىر دەن قويۋ ءىس-شارالارى قابىلدانادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز