ايماقتار • 21 قاڭتار، 2022

الماتىدا ءسابىز بەن سۇيىق مايعا شەكتى باعا بەلگىلەندى

136 رەت كورسەتىلدى

الماتى اكىمدىگى ءسابىز بەن سۇيىق مايعا 60 كۇنگە شەكتى باعا بەلگىلەۋدى جوسپارلاپ وتىر. بۇل تۋرالى قالا اكىمىنىڭ ورىنباسارى ماقسات قيقىموۆ مالىمدەدى، دەپ حابارلايدى Egemen.kz.


ول الەۋمەتتىك ماڭىزى بار ازىق-ت ۇلىك باعاسىن تۇراقتاندىرۋ اياسىندا جەڭىلدىكپەن نەسيەلەۋ باعدارلاماسىمەن قاتار باعانى مەملەكەتتىك رەتتەۋ شارالارى دا قابىلدانىپ جاتقانىن اتاپ ءوتتى.

«ماسەلەن، الماتى قالاسى بويىنشا ءسابىز ء(بىر كەلىسى 161 تەڭگە) بەن سۇيىق مايعا (791 تگ/ل) 60 كۇندىك مەرزىمگە شەكتى باعا بەلگىلەۋ ماسەلەسى پىسىقتالىپ جاتىر»، دەدى قيقىموۆ قالا اكىمدىگىندە وتكەن ءباسپاسوز ءماسليحاتىندا.

سونداي-اق، ايتۋىنشا، باسەكەلەستىكتى قورعاۋ جانە دامىتۋ دەپارتامەنتىمەن بىرلەسىپ الەۋمەتتىك ماڭىزى بار ازىق-ت ۇلىككە 15% ساۋدا ۇستەمەسىن ساقتاۋدى باقىلاۋ جۇمىسى جولعا قويىلدى.

اكىم ورىنباسارى ەرتەڭنەن باستاپ الماتىنىڭ 5 اۋدانىندا (المالى، مەدەۋ، بوستاندىق، الاتاۋ جانە اۋەزوۆ) ازىق-ت ۇلىك جارمەڭكەسى قايتا جانداناتىنىن اتاپ ءوتتى.

جارمەڭكە اپتا سايىن دەمالىس كۇندەرى ۇيىمداستىرىلادى. وعان الماتى وبلىسىنا ىرگەلەس اۋدانداردىڭ اۋىل شارۋاشىلىعى تاۋارىن وندىرۋشىلەر مەن الماتى قالاسىنىڭ تاعام كاسىپورىندارى قاتىسادى.

قيقىموۆ ازىق-ت ۇلىك باعاسىن تۇراقتاندىرۋ جۇمىسى اكىمدىكتىڭ ەرەكشە باقىلاۋىندا ەكەنىن اتاپ ءوتتى.



 

سوڭعى جاڭالىقتار

ۇقساس جاڭالىقتار