قوعام • 21 قاڭتار، 2022

17 مىڭعا جۋىق قازاقستاندىق كوكتەمدە اسكەرگە شاقىرىلدى

100 رەت كورسەتىلدى

2022 جىلعى كوكتەمگى اسكەرگە شاقىرۋ ناۋقانى الدىندا جاستاردىڭ الەۋمەتتىك، پسيحولوگيالىق، دەنساۋلىق جاعدايى قاراستىرىلىپ جاتىر. بۇل قاتارعا 18-27 جاس ارالىعىنداعى ازاماتتار جاتادى، دەپ حابارلايدى Egemen.kz.

جەكە ىستەردى زەردەلەۋ كەزىندە اسكەرگە شاقىرىلۋشىلاردىڭ ساۋالناما دەرەكتەرى ناقتىلانادى، ءاربىر اداممەن، ونىڭ اتا-اناسىمەن اڭگىمەلەسەدى. اسكەرگە شاقىرىلۋشىلاردىڭ ماماندىقتارى مىندەتتى تۇردە ەسكەرىلەدى، سونداي-اق، ولاردىڭ مورالدىق جانە ىسكەرلىك قاسيەتتەرى، دەنساۋلىق جاعدايى، دەنە ءبىتىمى، جالپى ءبىلىمى، ارنايى دايارلىعى جانە وتباسىلىق جاعدايى تۋرالى اقپارات قارالادى.

اكىمشىلىك نەمەسە قىلمىستىق جاۋاپكەرشىلىككە تارتىلعان، تەرگەۋدە جۇرگەن، زاڭسىز قوعامدىق بىرلەستىكتەردىڭ نەمەسە ءداستۇرلى ەمەس ءدىني اعىمداردىڭ مۇشەلەرى رەتىندە ارنايى ەسەپتە تۇرعان ادامدارعا ەرەكشە نازار اۋدارىلادى.

الدىن الا قاراستىرۋ جۇمىستارى اسكەردىڭ قانداي دا ءبىر تۇرلەرىندە قىزمەت ەتۋگە دايىن جاستاردىڭ ساپالىق قۇرامىن انىقتاۋعا مۇمكىندىك بەرەدى. دەنساۋلىق جاعدايى بويىنشا شاقىرتۋدان بوساتۋ جاعدايلارى تەكسەرىلەدى.

«كۇن سايىن جەرگىلىكتى اسكەري باسقارۋ ورگاندارىنىڭ شاقىرۋ پۋنكتتەرىنە 800-900-گە جۋىق ادام كەلەدى. اسكەرگە شاقىرىلاتىن جاستاعى 90 مىڭنان اسا ادام قارالادى»، دەدى قارۋلى كۇشتەر باس شتابىنىڭ ۇيىمداستىرۋ-جۇمىلدىرۋ جۇمىسى دەپارتامەنتى باستىعىنىڭ ورىنباسارى پولكوۆنيك ايان ەسلياموۆ.

جەرگىلىكتى اسكەري باسقارۋ ورگاندارى قارۋلى كۇشتەرگە، ۇلتتىق قاۋىپسىزدىك كوميتەتىنىڭ شەكارا قىزمەتىنە، مەملەكەتتىك كۇزەت قىزمەتىنە جانە ۇلتتىق ۇلانعا شاقىرتۋ بويىنشا جۇمىس ىستەيدى. بيىل 17 000-عا جۋىق ادام كوكتەمدە اسكەرگە شاقىرىلادى، ولاردىڭ 6500-دەن استامى قارۋلى كۇشتەردىڭ بولىمدەرى مەن بولىمشەلەرىندە قىزمەت ەتەدى.

 

 

سوڭعى جاڭالىقتار

بۇۇ-نىڭ جاھاندىق شارتىنا قوسىلدى

ەكونوميكا • بۇگىن، 00:34

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار