ادەبيەت • 20 قاڭتار، 2022

471 مىڭ دوللارعا ساتىلدى

50 رەت كورسەتىلدى

1997 جىلى قاتتى مۇقابامەن التىنمەن بەدەرلەنىپ، ارنايى قاپتاماعا سالىنىپ شىعا­رىل­عان الەمدىك بالالار ادە­بيە­تىنىڭ جاۋھارىنا اينالعان ء«حارري پوتتەر مەن ءپالساپا تاس» كىتابى داللاس قالاسىندا وت­كەن Heritage Auctions اۋكتسيو­نىندا ساتىلدى.

بۇل باسىلىمنىڭ تيراجى بار-جوعى 500 دانا. سوندىقتان بۇگىندە ول بيبليوگرافيالىق قۇندىلىققا اينالىپ وتىر.

لوتتىڭ العاشقى باعاسى 75 مىڭ دوللار بولدى. ناتيجەسىندە، كىتاپ 471 مىڭ دوللارعا ساتىلدى.

«بۇل نۇسقانىڭ مۇقاباسى وتە ءساتتى شىققان. ءحارري پوتتەردىڭ ال­عاش­قى باسىلىمى، مىنە، وسىنداي بولۋى ءتيىس. كىتاپتى وزىڭمەن الىپ ءجۇرۋ، جەكە كىتاپحاناڭا قوسۋ – ءبىر عاجاپ اسەر سىيلايدى. بۇل ءحارري پوتتەر تۋرالى بۇعان دەيىن ساتىلعان ەڭ قىمبات كىتاپ قانا ەمەس، سونداي-اق حح عاسىر كوركەم شىعارمالارىنىڭ ىشىندەگى كوممەرتسيالىق جولمەن جاريا­لانعان ەڭ قىمبات كىتابى»، دەيدى اۋكتسيون ۇيىمداستىرۋشىسى.

ال كىتاپتى ساتقان جەكە امەري­كالىق كوللەكتسيونەردىڭ ەسىمى جاريا­لانبايدى.

ايتا كەتەيىك، 2020 جىلى ء«حارري پوتتەر» توپتاماسىنىڭ ءبىرىنشى كىتابى ء«حارري پوتتەر مەن ءپالساپا تاس» رومانى تۇڭعىش رەت قازاق تىلىندە جارىق كورگەن ەدى. ودان كەيىن ء«حارري پوتتەر مەن جاسىرىن بولمە»، ء«حارري پوتتەر مەن ازكابان تۇتقىنى»، ء«حار­ري پوتتەر مەن وت-ساۋىت»، ء«حارري پوتتەر مەن فەنيكس القاسى» اتتى بو­لىمدەرى دە اۋدارىلىپ، بارلىعى بەس كىتاپ باسىلىپ شىقتى. بريتان جازۋشىسى جوان روۋليڭ ويلاپ تاپقان سيقىرشى بالا ءحارري پوتتەر مەن ونىڭ سيقىر الەمى تۋرالى ەڭبەكتەردى قازاق تىلىندە باسىپ شىعارۋ قۇقىعى Steppe & WORLD Publishing باسپاسىنا تيەسىلى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار