ەكونوميكا • 20 قاڭتار، 2022

ۇكىمەت بيزنەس سۋبەكتىلەرىنە كەلگەن شىعىندى وتەۋ مەحانيزمىن بەكىتتى

63 رەت كورسەتىلدى

«اتامەكەن» ۇلتتىق كاسىپكەرلەر پالاتاسى پرەزيدەنت قاسىم-جومارت توقاەۆتىڭ تاپسىرماسىنا سايكەس، ۇكىمەتتىك كوميسسيانىڭ وتىرىسىندا 2022 جىلعى قاڭتارداعى جەكەلەگەن وڭىرلەردەگى تارتىپسىزدىك سالدارىنان شاعىن جانە ورتا كاسىپكەرلىك سۋبەكتىلەرىنە كەلتىرىلگەن م ۇلىكتىك زالالدى وتەۋ تەتىگىن بەكىتتى، دەپ حابارلايدى Egemen.kz.

پالاتا مالىمەتىنشە، جەكەلەگەن وڭىرلەردەگى تارتىپسىزدىكتەر سالدارىنان كەلتىرىلگەن زالالدى جويۋ ماسەلەلەرى جونىندەگى كوميسسياعا پرەمەر-ءمينيستردىڭ ءبىرىنشى ورىنباسارى رومان سكليار توراعالىق ەتەدى.

زارداپ شەككەن كاسىپكەرلەر كەلتىرىلگەن زالالدى وتەۋگە ءوتىنىمدى بارلىق قاجەتتى قۇجاتتى قوسا، ەتسق ارقىلى InfoKazakhstan.kz پلاتفورماسىندا بەرەدى. كەشكە دەيىن InfoKazakhstan.kz سايتىندا ەلەكترون ءوتىنىشتى تولتىرۋ جانە قاجەتتى قۇجاتتاردى جۇكتەۋ بويىنشا ەگجەي-تەگجەي نۇسقاۋلىق جاريالانادى.

كاسىپكەرلەر زارداپ شەككەن ايماقتاردا وڭىرلىك كوميسسيالار قۇرىلادى. ولاردىڭ قۇرامىنا اكىمدىك، ءماسليحات، وڭىرلىك كاسىپكەرلەر پالاتالارى جانە قوعامدىق بىرلەستىكتەردىڭ وكىلدەرى كىرەدى. وڭىرلىك كوميسسيالار زالالدى وتەۋ تۋرالى وتىنىشتەردى كۇنتىزبەلىك 5 كۇن ىشىندە قارايدى جانە ماقۇلداعان جاعدايدا، ۇسىنىلعان مالىمەتتەر مەن قۇجاتتار نەگىزىندە وڭىرلىك كوميسسيا ايقىندايتىن مولشەردە قاراجات ءبولۋ تۋرالى شەشىم شىعارىلادى.

قارجى قازاقستان رەسپۋبليكاسىنىڭ بيۋدجەتتىك راسىمدەرىنە سايكەس م ۇلىك يەسىنىڭ وتىنىشىندە كورسەتىلگەن اعىمداعى نەمەسە جيناق شوتىنا ءتيىستى شەشىم قابىلدانعان كۇننەن باستاپ ءبىر اي ىشىندە ءوتىنىش بەرۋشىگە اۋدارىلادى دەپ بولجانادى.

وتەۋ سوماسى م ۇلىكتىك زالالدىڭ 3 ءتۇرى بويىنشا ەسەپتەلەدى:

1) ب ۇلىنگەن جىلجىمايتىن م ۇلىك بويىنشا: قازاقستان رەسپۋبليكاسىنىڭ ساۋلەت، قالا قۇرىلىسى جانە قۇرىلىس قىزمەتى سالاسىنداعى زاڭناماسىنا سايكەس ازىرلەنگەن، ونى قالپىنا كەلتىرۋگە ارنالعان شىعىنداردىڭ سمەتاسىمەن نەمەسە كالكۋلياتسياسىمەن راستالاتىن، ب ۇلىنگەن جىلجىمايتىن م ۇلىكتى قالپىنا كەلتىرۋگە (جوندەۋگە) ارنالعان شىعىستار ەسەپتەلەدى.

2) ب ۇلىنگەن نەمەسە جويىلعان جىلجىمالى م ۇلىك جانە (نەمەسە) تاۋار-ماتەريالدىق قۇندىلىق بويىنشا: وتەۋگە بەرىلەتىن سوما اكىمدىك نەمەسە قور ايقىندايتىن باعالاۋ جانە اۋديتورلىق كومپانيالار دايىنداعان باعالاۋ تۋرالى ەسەپ (اكت) نەگىزگە الىنا وتىرىپ ەسەپتەلەدى.

3) جوعالعان (ۇرلانعان) تاۋار-ماتەريالدىق قۇندىلىق جانە جابدىق بويىنشا: جوعالعان (ۇرلانعان) تاۋار-ماتەريالدىق قۇندىلىقتار مەن جابدىقتاردى وتەۋ سوماسىن ەسەپتەۋ كاسىپكەرلىك سۋبەكتىنىڭ 2021 جىلعى ورتاشا ايلىق اينالىمى نەگىزىندە مەحانيزممەن بەلگىلەنگەن كوەففيتسيەنتكە كوبەيتىلىپ جۇرگىزىلەدى.

م ۇلىككە باعالاۋ نەمەسە اۋديت جۇرگىزۋگە، ب ۇلىنگەن م ۇلىكتى قالپىنا كەلتىرۋگە سمەتالار جاساۋعا جانە شىعىنداردى كالكۋلياتسيالاۋعا بايلانىستى قىزمەتتەرگە اقى تولەۋ اكىمدىكتىڭ نەمەسە «كۇشىمىز بىرلىكتە» قورىنىڭ قاراجاتى ەسەبىنەن جۇزەگە اسىرىلاتىنىن اتاپ وتكەن ءجون. بۇل رەتتە، ەگەر كاسىپكەر وڭىرلىك كوميسسيا ايقىندايتىن وتەۋ سوماسىمەن كەلىسپەسە، وندا ول قازاقستان رەسپۋبليكاسىنىڭ قىلمىستىق-پروتسەستىك كودەكسىنە سايكەس سوت-بۋحگالتەرلىك، سوت-تاۋارتانۋ نەمەسە سوت-قۇرىلىس ساراپتاماسى بەلگىلەيتىن ناقتى كەلتىرىلگەن زالال بويىنشا زالال سوماسىن وتەۋدى تالاپ ەتۋگە قۇقىلى. بۇل تەتىك 2023 جىلعى 1 قاڭتارعا دەيىن قولدانىستا بولادى.

2022 جىلعى 4-20 قاڭتار ارالىعىندا ۇكپ 1432 call-ورتالىعىنا 10437 قوڭىراۋ، ونىڭ ىشىندە توناۋ ماسەلەلەرى بويىنشا – 2308، فورس-ماجور تۋرالى كۋالىك بويىنشا – 536، بلوك بەكەتتەردەن ءوتۋ بويىنشا – 2، زارداپ شەككەن كاسىپكەرلەردى قولداۋ قورى – 33، بيزنەستى قايتا باستاۋ جانە زالالدى باعالاۋ بويىنشا – 1017، جەكە تۇلعالاردىڭ قوڭىراۋى بويىنشا – 2411 قوڭىراۋ ءتۇستى. وڭىرلىك پالاتالار فورس-ماجور تۋرالى كۋالىكتەر بويىنشا 1045 قوڭىراۋ جانە 350 ءوتىنىش قابىلدادى.

ەلىمىزدىڭ 9 وڭىرىندە 2266 وبەكتىدە ورنالاسقان زارداپ شەككەن 1861 بيزنەس سۋبەكتى انىقتالدى، ولاردىڭ ىشىندە الماتىدا 1969 وبەكتىدە ورنالاسقان 1602 سۋبەكت بار. زارداپ شەككەن بيزنەس سۋبەكتىلەرىنىڭ سالالارى: ساۋدا – 1663; قوعامدىق تاماقتانۋ – 68; قارجى سەكتورى – 88; لوگيستيكا – 36; باق – 6.

سوڭعى جاڭالىقتار

ۇقساس جاڭالىقتار