ايماقتار • 20 قاڭتار، 2022

پاۆلوداردا بالىقشى مۇزدىڭ استىنا ءتۇسىپ، كوز جۇمدى

43 رەت كورسەتىلدى

سۋعا باتقان ادامنىڭ دەنەسىن ەكى قۇتقارۋشى الىپ شىقتى، دەپ حابارلايدى Egemen.kz.

بۇل تۋرالى Pavlodarnews.kz اقپاراتتىق پورتالى ءمالىم ەتتى.

وبلىستىق تجد ءباسپاسوز قىزمەتىنىڭ مالىمەتىنشە، ساعات 12:44-تە سۋعا باتقان ادام تۋرالى حابارلاما  تۇسكەن.

18 قاڭتاردا شىدەرتى كەنتىندە قانىش ساتباەۆ اتىنداعى كانالدا، اۆتوموبيل كوپىرى اۋدانىندا 1983 جىلى تۋعان ازامات باتىپ كەتتى. 

كۋاگەردىڭ ايتۋىنشا ول بالىق اۋلاۋ ءۇشىن مۇزبەن كانالدىڭ ورتاسىنا قاراي بەت العان.

«كۋاگەر رەدۋكتورىن رەتكە كەلتىرمەك بولىپ بۇرىلا بەرگەندە ەر ادام مۇزدىڭ استىنا ءتۇسىپ كەتكەن. كۋاگەر دەرەۋ 112 نومىرىنە حابار بەردى»، دەيدى دەپارتامەنتتە.

وقيعا ورنىنا قۇتقارۋشىلار مەن تجب قىزمەتكەرلەرى شىقتى.

سوڭعى جاڭالىقتار

ۇقساس جاڭالىقتار