توتەنشە جاعدايعا بايلانىستى بۇگىندە وبلىستا زارداپ شەككەن اكىمشىلىك جانە كاسىپكەرلىك عيماراتتاردى قالپىنا كەلتىرۋ جۇمىستارى جۇرۋدە. وبلىس اكىمىنىڭ جانە اۋماقتىق كومەندانتتىڭ بۇيرىقتارىنا سايكەس بۇل ماقساتتا وبلىستىق جۇمىلدىرۋ دايىندىعى باسقارماسىنا ءتيىستى تاپسىرمالار بەرىلگەن.
«كۇشەيتىلگەن جاۋىنگەرلىك قىزمەتتەگى قۇقىق قورعاۋ ورگاندارى قىزمەتكەرلەرى مەن اسكەريلەر قاڭتاردىڭ 7-19 ارالىعىندا 3 مەزگىل ىستىق تاماقپەن قامتاماسىز ەتىلدى. قالا اۋماعىندا ورتەنگەن كولىكتەردى ارنايى تۇراققا تاسىمالداندى. جاپپاي تارتىپسىزدىك سالدارىنان زالال كەلتىرىلگەن 9 مەملەكەتتىك اكىمشىلىك مەكەمە عيماراتىن قالپىنا كەلتىرۋ جۇمىستارى جۇرگىزىلۋدە. بۇگىنگى كۇنگە, عيمارات ىشتەرىن ءورت قوقىستارىنان تازارتۋ, جارامسىز ەسىكتەر مەن تەرەزەلەردى اۋىستىرۋ, قابىرعالاردى ىستان تازارتۋ, قايتا سىلاۋ جۇمىستارى اتقارىلۋدا», دەدى وبلىستىق جۇمىلدىرۋ دايىندىعى باسقارماسى باسشىسىنىڭ ورىنباسارى باعدات اليەۆ.
