ەكولوگيا • 19 قاڭتار، 2022

قازاقستاندا ۋتيليزاتسيالىق الىمدار «جاسىل دامۋ» اق-نا بەرىلدى

103 رەت كورسەتىلدى

«وكم وپەراتورىنىڭ» ۋتيليزاتسيالىق الىمدار جيناعى بويىنشا قىزمەتى توقتاتىلىپ ورنىنا جاڭا كومپانيا انىقتالدى، دەپ حابارلايدى Egemen.kz.

بۇل تۋرالى ەكولوگيا، گەولوگيا جانە تابيعي رەسۋرستار مينيسترلىگىنىڭ ءباسپاسوز حاتشىسى ولجاس بەركىنباەۆ فەيسبۋك پاراقشاسىندا جازدى.

«2022 جىلعى 11 قاڭتاردا قازاقستان رەسپۋبليكاسى پارلامەنتى ءماجىلىسىنىڭ وتىرىسىندا سويلەگەن سوزىندە مەملەكەت باسشىسى ق.ق. توقاەۆ «وكم وپەراتورى» جشس-ءنىڭ كادەگە جاراتۋ الىمىن جۇرگىزۋ جانە كادەگە جاراتۋ الىمىنا يەلىك ەتۋدى توقتاتۋ جونىندە شارالار قابىلداۋعا تاپسىرما بەرگەن بولاتىن.

وسى تاپسىرمانى ورىنداۋ شەڭبەرىندە 2022 جىلعى 18 قاڭتاردا قازاقستان رەسپۋبليكاسىنىڭ ۇكىمەتى «قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگىنە ۆەدومستۆولىق باعىنىستى ۇيىمداردىڭ كەيبىر ماسەلەلەرى تۋرالى» قاۋلى قابىلدادى.

وسىعان بايلانىستى وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرىنىڭ وپەراتورى بولىپ مەملەكەتتىك ۇيىم رەتىندە «جاسىل دامۋ» اكتسيونەرلىك قوعامى ايقىندالدى. «وكم وپەراتورى» جشس-ءنىڭ كادەگە جاراتۋ الىمىن اكىمشىلەندىرۋ جانە ءتيىستى قاراجاتتارعا بيلىك ەتۋ بولىگىندەگى قىزمەتى توقتاتىلدى»، دەپ اتاپ ءوتىلدى مينيسترلىكتەن.

ۆەدومستۆو مالىمەتىنشە، بۇگىنگى كۇنى ءتيىستى ۋاكىلەتتى ورگاندار اكتيۆتەردى مەملەكەتتىك مەنشىككە بەرۋ، ۋاكىلەتتى ورگانداردىڭ قورىتىندىلارىن ۇسىنۋ، «جاسىل دامۋ» اق بالانسىنا بەرۋ، اكتسيونەرلىك قوعامدى ادىلەت ورگاندارىندا قايتا تىركەۋ جانە باسقا دا ءىس-شارالاردى قابىلداپ جاتىر.

ايتا كەتەيىك، «جاسىل دامۋ» اكتسيونەرلىك قوعامى قر ەكولوگيا، گەولوگيا جانە تابيعي رەسۋرستار مينيسترلىگىنىڭ قاراماعىنداعى ۇيىم سانالادى.

«ۋتيليزاتسيالىق الىمنىڭ كوەففيتسيەنتتەرىن تومەندەتۋ ماسەلەسى بويىنشا قر مەملەكەت باسشىسىنىڭ تاپسىرماسىنا سايكەس كادەگە جاراتۋ الىمىنىڭ كوەففيتسيەنتتەرىن قايتا قاراۋ بويىنشا ۆەدومستۆوارالىق جۇمىس توبى قۇرىلدى. بۇل مولشەرلەمەلەر وسى جىلدىڭ اقپان ايىنىڭ سوڭىنا دەيىن قارالىپ، بەكىتىلەدى. جوعارىدا كورسەتىلگەن جۇمىس توبىنىڭ قىزمەت ناتيجەلەرى تۋرالى اقپارات مينيسترلىكتىڭ ينتەرنەت-رەسۋرسىندا ورنالاستىرىلادى. كورسەتىلگەن ۋاقىتقا دەيىن كادەگە جاراتۋ الىمى «جاسىل دامۋ» اق وپەراتورىنا قولدانىستاعى مولشەرلەمەلەر بويىنشا تولەنۋدە»، دەلىنگەن مينيسترلىك اقپاراتىندا.

ەستەرىڭىزگە سالا كەتەيىك، مەملەكەت باسشىسى قاسىم-جومارت توقاەۆ 11 قاڭتاردا «وكم وپەراتورىنان» ۋتيليزاتسيالىق الىم قىزمەتىن توقتاتۋدى تاپسىردى.

ول سونداي-اق، ۋتيليزاتسيالىق الىم مولشەرiن قايتا قاراۋدى تاپسىردى. كەيىنىرەك ەكولوگيا، گەولوگيا جانە تابيعي رەسۋرستار مينيسترلىگىندە قازاقستاندا ۋتيليزاتسيالىق الىمدى كىم جينايتىنىن حابارلاعان ەدى.


 

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

ۇقساس جاڭالىقتار