«حالىقتىڭ قوعامدىق كولىكتەگى بايلانىستارىن ازايتۋ ءۇشىن ۇيىمدار (كاسىپورىندار) جۇمىسىنىڭ سارالانعان كەستەسىن ەنگىزۋ جونىندە شارالار قابىلدانسىن», دەلىنگەن قاۋلى جوباسىندا.
سونداي-اق فورۋمداردى, كونفەرەنتسيالاردى, سەمينارلاردى, ويىن-ساۋىق, مەرەكەلىك, ەستەلىك ءىس-شارالاردى (بانكەتتەر, ۇيلەنۋ تويلارى, مەرەيتويلار, ەسكە الۋ), ونىڭ ىشىندە ۇيدە جانە اشىق اۋادا دا, ءۇي ىشىندە دە ادامدار كوپ جينالاتىن وزگە دە ءىس-شارالاردى وتكىزۋگە تىيىم سالىنباق. ونداي شارالاردى وتكىزۋ ءۇشىن جەكە ۇيلەر مەن عيماراتتاردى جالعا الۋعا دا تىيىم سالىنىپ وتىر.
«ۆاكتسيناتسيادان وتكەن 10 ادامنان اسپايتىن قاتىسۋشىلارمەن جەكە كەزدەسۋلەر, سونداي-اق «Ashyq» جوباسىنا قاتىساتىن قوعامدىق تاماقتانۋ وبەكتىلەرىندە 30 ادامعا دەيىن كەلۋشىلەرمەن ەسكە الۋ وتكىزۋگە رۇقسات ەتىلەدى»», دەپ جازىلعان قاۋلى جوباسىندا.
سونىمەن بىرگە, قاۋلى بيليارد, كاليان, كومپيۋتەرلىك كلۋب, بوۋلينگ, باتۋت, بالالار ويىن الاڭى جانە جابىق ءۇي-جايلارداعى اتتراكتسيون سياقتى ويىن-ساۋىق مەكەمەلەرىنىڭ, بۋكمەكەرلىك كەڭسەلەردىڭ قىزمەتىن توقتاتا تۇرۋدى كوزدەيدى.
«Ashyq» جوباسىنا قاتىسۋىنا قاراماستان كورمەلەردىڭ, تۇنگى جانە ويىن كلۋبتارىنىڭ جۇمىسىنا تىيىم سالىنادى. ال كاراوكە قىزمەتىنە دە ءىشىنارا شەكتەۋ ەنگىزىلىپ وتىر.
«Ashyq» جوباسىنا قاتىسۋىنا قاراماستان, تەاترلاردىڭ, مادەنيەت ۇيلەرىنىڭ, كونتسەرت زالدارىنىڭ, فيلارمونيالاردىڭ جۇمىسىنا تىيىم سالىندى.
«Ashyq» جوباسىنا قاتىساتىن كينوتەاترلاردىڭ تولىمدىلىعى 30%-دان اسپاۋى كەرەك. ءدىني وبەكتىلەرگە تەك جەكەلەگەن ادامدارعا عانا قىزمەت كورسەتۋگە رۇقسات بەرىلگەن.
نىسان «Ashyq» جوباسىنا قاتىساتىن بانكەت زالى تيپىندە جۇمىس ىستەي الادى.
