ەلوردا • 19 قاڭتار، 2022

ەلوردالىق دارىگەرلەر كوۆيد ورتالىعىنداعى جاعدايدى كورسەتتى

46 رەت كورسەتىلدى

ەلوردالىق جۇقپالى اۋرۋلار ورتالىعىنىڭ مەديتسينا قىزمەتكەرلەرى ناۋقاستاردى ەمدەۋ بارىسىندا تۇسىرىلگەن ۆيدەولارمەن ءبولىستى، دەپ حابارلايدى Egemen.kz.

كادرلاردا ءتۇرلى اپپاراتتاردىڭ استىندا جاتقان بالالاردى بايقاۋعا بولادى.

سول سياقتى دارىگەرلەردىڭ ارنايى قورعانىس كوستيۋمدەرىن كيىپ، نارەستەنى قالاي تاماقتاندىرىپ جاتقانىن كورۋگە بولادى. نارەستە رەانيماتسيادا جاتقاندىقتان («قىزىل ايماقتا») وعان تەك اۋرۋحانا دارىگەرلەرىنىڭ كىرۋىنە عانا رۇقسات بەرىلەدى.

نۇر-سۇلتاندا سوڭعى ايلاردا ستاتسيوناردا ەم قابىلداپ جاتقان ناۋقاستار سانى 30 ەسەدەن استام ءوستى. سونىمەن قاتار، ۆيرۋس بالالار اراسىندا دا تەز تارالادى. وسى سەبەپتى رەانيماتسياعا تۇسەتىندەر كورسەتكىشى ارتتى.

دارىگەرلەر كەزەكتى رەت ۆيرۋستىڭ قاۋىپتىلىگىنە سەنۋگە شاقىردى.

«قازىر ءبىزدىڭ اۋرۋحانادا 200-دەن استام ناۋقاس جاتىر. جاڭا تۋعان نارەستەدەن 18 جاسقا دەيىن. سوندىقتان نۇر-سۇلتان قالاسىنىڭ تۇرعىندارىنا ادام كوپ جينالاتىن ورىندارعا بارماۋعا، جەكە گيگيەنانى قاتاڭ ساقتاۋعا شاقىرامىن. اۋرۋ بەلگىلەرى بىلىنگەن جاعدايدا دارىگەردىڭ كومەگىنە جۇگىنۋ كەرەك. مەديتسينالىق كومەك العاننان كەيىن، قاجەت بولعان جاعدايدا ۇيدە ەمدەلۋ قاجەت. ءوزىڭىزدى قورعاڭىز. قازىر وقۋشىلاردى Pfizer پرەپاراتىمەن ۆاكتسيناتسيالاۋ باستالعانىن ايتقىم كەلەدى. سوندىقتان اۋرۋدىڭ الدىن الۋدىڭ ءبىر عانا ءادىسى بار – ۆاكتسيناتسيا. ەكپە الماعانداردى ۆاكتسينادان وتۋگە شاقىرامىن. رەۆاكتسيناتسيادان ءوتۋ ماڭىزدى»، دەيدى №3 كوپبەيىندى قالالىق بالالار اۋرۋحاناسىنىڭ دارىگەرى، ءبولىم مەڭگەرۋشىسى جانار سامبەتقىزى.

سونداي-اق، كادردان ۇلكەن كىسىلەردىڭ دە ەمدەلىپ جاتقانىن بايقاۋعا بولادى. اۋرۋدىڭ اۋىر اعىمى بار ناۋقاستار تىنىس الۋ جۇيەسىنىڭ قوسالقى اپپاراتتارىنا قوسىلادى. دارىگەرلەر ىندەتتىڭ كۇشەيۋ سەبەبىن جاڭا جىلدىق مەرەكەلەرمەن جانە «وميكرون» شتامىنىڭ پايدا بولۋىمەن بايلانىستىرىپ وتىر.

«جاڭا جىلدان كەيىن بۇكىل ەل بويىنشا كوروناۆيرۋس ينفەكتسياسىن جۇقتىرعاندار سانى كۇرت ءوستى. كۇن سايىن مىڭداعان ادام جەدەل مەديتسينالىق كومەككە جۇگىنەدى، جۇزدەگەن ادام تاۋلىگىنە اۋرۋحاناعا جاتقىزىلادى. تەك ۆاكتسيناتسيا ءبىزدى پاندەميادان قۇتقارا الادى!»، دەپ ءسوزىن اياقتادى جوعارى ساناتتى دارىگەر-يرنفەكتسيونيست ساۋلە اتىعاەۆا.

قالادا اشىلعان 2 200 توسەكتىڭ 876-سى عانا بوس. ءوجج اپپاراتىنا 17 پاتسيەنت قوسىلعان. سونداي-اق، كۆي-مەن امبۋلاتوريالىق دەڭگەيدە ەمدەلەتىن تۇرعىندار بار، ولاردىڭ سانى قالا بويىنشا 33 مىڭنان اسادى.

 

سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

جەزقازعاندىقتارمەن جۇزدەستى

رەفەرەندۋم-2022 • بۇگىن، 08:28

حالىق تىلەگىنەن تۋعان باستاما

رەفەرەندۋم-2022 • بۇگىن، 08:26

جۇمىلعان جۇدىرىقتاي قاتىسۋىمىز كەرەك

رەفەرەندۋم-2022 • بۇگىن، 08:24

جاڭارۋ جولىنداعى قۇلشىنىس

رەفەرەندۋم-2022 • بۇگىن، 08:20

سەمەيگە سەرپىلىس بەرەتىن باستاما

رەفەرەندۋم-2022 • بۇگىن، 08:17

ۇقساس جاڭالىقتار