قوعام • 19 قاڭتار، 2022

مۇگەدەكتەرگە بەرىلەتىن جاردەماقىنىڭ ورتاشا مولشەرى بەلگىلى بولدى

200 رەت كورسەتىلدى

بۇگىنگى كۇنى مۇگەدەكتىگى بويىنشا مەملەكەتتىك الەۋمەتتىك جاردەماقىلاردىڭ ورتاشا مولشەرى 51 094 تەڭگەنى، اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ ورتاشا مولشەرى 43 836 تەڭگەنى قۇرادى، دەپ حابارلايدى Egemen.kz.

«2022 جىلعى 1 قاڭتارداعى جاعدايعا سايكەس، مۇگەدەكتىگى بويىنشا مەملەكەتتىك الەۋمەتتىك جاردەماقى الۋشىلاردىڭ سانى 529،3 مىڭ ادامدى، اسىراۋشىسىنان ايىرىلۋ جاعدايى بويىنشا 168،3 مىڭ ادامدى قۇرايدى»، دەپ حابارلادى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى. 

ۆەدومستۆونىڭ مالىمەتىنشە، 2021 جىلى قازاقستاندىقتارعا مۇگەدەكتىك جانە اسىراۋشىسىنان ايىرىلۋ بويىنشا جاردەماقى تۇرىندە 391 ملرد تەڭگەدەن استام قارجى تولەندى.

2021 جىلى رەسپۋبليكالىق بيۋدجەتتەن مۇگەدەكتىك بويىنشا مەملەكەتتىك الەۋمەتتىك جاردەماقىلاردى تولەۋگە 310،6 ملرد تەڭگە، اسىراۋشىسىنان ايرىلۋ جاعدايىنا 81،3 ملرد تەڭگە باعىتتالدى.

2021 جىلعى جەلتوقساندا رەسپۋبليكالىق بيۋدجەتتەن مۇگەدەكتىگى بويىنشا مەملەكەتتىك الەۋمەتتىك جاردەماقى تولەۋگە 27 ملرد تەڭگە، اسىراۋشىسىنان ايرىلۋ جاعدايىنا 7،4 ملرد تەڭگە باعىتتالدى.

مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىك توبى مەن سەبەبىنە، قايتىس بولعان (قازا تاپقان) اسىراۋشىسىنىڭ اسىراۋىنداعى ادامداردىڭ سانىنا، سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنەتىن ەڭ تومەن كۇنكورىس دەڭگەيىنىڭ شاماسىنا بايلانىستى بولادى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار