SARS-COV-2 ۆيرۋسى پاندەميانىڭ جاڭا سيپاتتامالارىن تۋدىرىپ وتىر. ەۋروپادا تۆيندەميانىڭ باستالۋى نەمەسە ينفەكتسيانىڭ ۇزاق اعىمى تۋرالى ايتىلا باستادى. ەو ەلدەرىندە جرۆي-مەن جانە تۇماۋمەن سىرقاتتانۋ قارقىنى ارتقاندىقتان, ساراپشىلار تۇماۋ مەن COVID-19 جۇقتىرعان پاتسيەنتتەردىڭ ءبىر ۋاقىتتاعى جوعارى دەڭگەيى – ۇزاق تۆيندەميانىڭ باستالعانى تۋرالى ايتۋعا بولاتىنىن بولجاۋدا.
«تۇماۋ ۆيرۋسىنىڭ ورالۋى اۋرۋدىڭ ۇزاق تارالۋ ماۋسىمىنىڭ باستاۋى بولۋى مۇمكىن, ول ادەتتە جازعا دەيىن سوزىلادى», دەدى Pasi Pentinen ەۋروپالىق اۋرۋلاردىڭ الدىن الۋ جانە باقىلاۋ ورتالىعىنىڭ ساراپشىسى.
ماماندار تۆيندەميا ەۋرووداق ەلدەرىنىڭ كوروناۆيرۋسقا قارسى كۇرەسپەن اينالىساتىن دەنساۋلىق ساقتاۋ جۇيەلەرىنە شامادان تىس جۇكتەمە تۇسىرەتىنىن اتاپ ءوتتى.
رەسەيدە كوروناۆيرۋستى جۇقتىرۋ قارقىنى ارتىپ كەلەدى. وتكەن تاۋلىكتە COVID-19 ۆيرۋسىن جۇقتىرۋدىڭ 31 252 جاعدايى انىقتالدى. ەڭ كوپ دەرەك ەلدىڭ ءىرى قالالارىندا تىركەلدى: ماسكەۋدە - 8 342, سانكت-پەتەربۋرگتە – 4 078. ءبىر تاۋلىكتە ىندەت سالدارىنان 688 ناۋقاس قايتىس بولدى. جالپى, كوروناۆيرۋستىڭ تارالۋى باستالعاننان بەرى رەسەيدە COVID-19 ينفەكتسياسىن جۇقتىرۋدىڭ 10 865 512 جاعدايى تىركەلدى. كوز جۇمۋ جاعدايلارى 322 678-ءدى قۇرادى. رەسمي مالىمەتتەرگە سايكەس, 76,6 ميلليونعا جۋىق رەسەيلىك كوروناۆيرۋسقا قارسى ۆاكتسيناتسيانىڭ تولىق كۋرسىنان ءوتتى. Covid-19-عا قارسى 10,8 ميلليون ازامات رەۆاكتسينالاندى.
