وڭىرلەردىڭ اكىمدىكتەرىمەن جانە مۇددەلى مەملەكەتتىك ورگاندارمەن ورىن العان تارتىپسىزدىكتەر ناتيجەسىندە كەلتىرىلگەن زالالدى وتەۋ جانە قالپىنا كەلتىرۋ جۇمىستارىن ۇيىمداستىرۋ ماسەلەلەرى قارالدى.
جۇرگىزىلىپ جاتقان جۇمىستار تۋرالى يندۋستريا جانە ينفراقۇرىلىمدىق دامۋ ءمينيسترى ق. وسكەنباەۆ جانە الماتى, شىمكەنت قالالارى, الماتى, جامبىل, شىعىس قازاقستان, قىزىلوردا وبلىستارى اكىمدەرىنىڭ ورىنباسارلارى ەگجەي-تەگجەيلى بايانداما جاسادى. 8 وڭىردە 270 نىسان, ونىڭ ىشىندە 45 اكىمشىلىك جانە 225 كوممەرتسيالىق عيمارات زارداپ شەكتى. 44 اكىمشىلىك نىساندى قالپىنا كەلتىرۋ بويىنشا جۇمىستار باستالدى, ال شىمكەنت جانە الماتى قالالارىندا 12 كوممەرتسيالىق نىسان بويىنشا جۇمىستار اياقتالدى.
بۇدان باسقا, كوميسسيا وتىرىسىندا ۇكىمەت رەزەرۆى قاراجاتى ەسەبىنەن شاعىن جانە ورتا بيزنەس وكىلدەرىنە كەلتىرىلگەن زالالدى وتەۋ مەحانيزمى بەكىتىلدى. بەكىتىلگەن مەحانيزمگە سايكەس كاسىپكەرلەردىڭ جىلجىمايتىن م ۇلىك وبەكتىلەرى بويىنشا زالال راستالعان سمەتالىق قۇجاتتاما نەگىزىندە وتەلەتىن بولادى. بۇل رەتتە جوعالعان تاۋارلىق-ماتەريالدىق قۇندىلىقتار بويىنشا وتەۋ كولەمىن وڭىرلىك كوميسسيالار «اتامەكەن» ۇلتتىق كاسىپكەرلەر پالاتاسىمەن بىرلەسىپ, راستايتىن فيسكالدىق قۇجاتتاردى نەگىزگە الا وتىرىپ ايقىندايتىن بولادى.
ر. سكليار زارداپ شەككەن نىسانداردى قالپىنا كەلتىرۋ جانە تەكسەرۋدى اياقتاۋ بويىنشا جۇمىستاردى جەدەلدەتۋ, سونداي-اق قابىلدانىپ جاتقان شارالار تۋرالى حالىقتى حاباردار ەتۋ تۋرالى تاپسىرما بەردى.
