قازاقستان • 18 قاڭتار، 2022

قازاقستاندا يندۋستريالاندىرۋ كارتاسى اياسىندا 144 جوبا ىسكە قوسىلدى

58 رەت كورسەتىلدى

قازاقستاندا 2021 جىلى يندۋستريالاندىرۋ كارتاسى اياسىندا جالپى قۇنى 1،3 ترلن. تەڭگەنى قۇرايتىن 144 جوبا جۇزەگە اسىرىلدى. ءوندىرىس وشاقتارىندا 12،9 مىڭ تۇراقتى جۇمىس ورنى قۇرىلدى، دەپ حابارلايدى Egemen.kz  قر يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ.

 

- تاماق ونەركاسىبى – 41 جوبا;

- قۇرىلىس يندۋسترياسى – 26 جوبا;

- ماشينا جاساۋ – 18 جوبا;

- مەتاللۋرگيا – 16 جوبا;

- حيميا ونەركاسىبى – 10 جوبا;

- جەڭىل ونەركاسىپ – 8 جوبا;

- اعاش وڭدەۋ – 3 جوبا;

- مۇناي وڭدەۋ – 3 جوبا;

- فارماتسەۆتيكا – 1 جوبا;

- ەنەرگەتيكا – 12 جوبا;

- باسقا سالالار – 6 جوبا.

جوبالاردىڭ باسىم بولىگى شىعىس قازاقستان وبلىسى، قاراعاندى وبلىسى، جامبىل وبلىسى، سونداي-اق شىمكەنت، نۇر-سۇلتان جانە الماتى قالالارىندا ورنالاسقان.

ىسكە قوسىلعان جوبالاردىڭ ىشىندە مىناداي ءىرى جوبالاردى اتاپ وتۋگە بولادى.

1. قاراعاندى وبلىسىنداعى "جايرەم كبك" اق بايىتۋ فابريكاسىنىڭ قۇرىلىسى جانە جۇمىس ىستەپ تۇرعان ءوندىرىستى جاڭعىرتۋ. زاماناۋي پوليمەتالل بايىتۋ فابريكاسىنىڭ قۋاتتىلىعى جىلىنا 5 ملن تونناعا جۋىق كەندى وڭدەۋگە مۇمكىندىك بەرەدى.

مۇندا ەڭ زاماناۋي تەحنولوگيالار قولدانىلادى. بۇل جاڭا كارەر، تسيفرلاندىرۋدىڭ جوعارى دارەجەسى بار تولىق اۆتوماتتاندىرىلعان فابريكا جانە يننوۆاتسيالىق جابدىقتار. 400-گە جۋىق قوسىمشا جۇمىس ورنى اشىلدى. كبك قازاقستانداعى مىرىش جانە قورعاسىن كونتسەنتراتتارىنىڭ ەڭ ءىرى ءوندىرۋشىسى بولادى دەپ كۇتىلۋدە.

2. «KAZ Minerals Aktogay» جشس قولدانىستاعى ءسۋلفيدتى فابريكانى قايتالاۋ ارقىلى اقتوعاي كبك-ءنىڭ قايتا وڭدەۋ قۋاتىن كەڭەيتۋ.

اقتوعاي كبك قايتا وڭدەۋ قۋاتىن كەڭەيتۋ جوباسى 2017 جىلى "KAZ Minerals" كومپانيالار توبىنىڭ يندۋستريالدى-يننوۆاتسيالىق دامۋ مەملەكەتتىك باعدارلاماسىن جۇزەگە اسىرۋ اياسىندا باستالدى. كومبيناتتىڭ ەكىنشى كەزەگىن ىسكە قوسۋ كەن وڭدەۋدى جىلىنا 25 ملن توننادان 50 ملن تونناعا دەيىن ارتتىرۋعا مۇمكىندىك بەرەدى. 

2022 جىلدان باستاپ كەن ورنىندا 190 مىڭ توننا مىس، ونىڭ ىشىندە 20 مىڭ توننا كاتودتى مىس وندىرىلەدى دەپ جوسپارلانۋدا. كاسىپورىندا الدىڭعى قاتارلى تەحنولوگيالار، اتاپ ايتساق، جاساندى ينتەللەكت نەگىزىندەگى باعدارلامالار بەلسەندى قولدانىلادى.

 3. «Qaz Carbon» جشس (قاز كاربون) قاراعاندى وبلىسىندا اگلومەراتسيالىق فابريكاسى بار سارىارقا فەرروقورىتپا زاۋىتىن سالۋ.

 

كاسىپورىننىڭ ەرەكشەلىگى مۇندا سۇرانىسقا يە ءونىمدى قىسقا مەرزىمدە شىعارۋعا بەيىمدەلگەن جابدىقتار بار. اۆتوماتتاندىرۋ، جاڭا تەحنولوگيالار ادام فاكتورىن بارىنشا ازايتۋعا مۇمكىندىك بەردى. بارلىق پەشتەر ءوندىرىستى باسقارۋ ورتالىعىنان باسقارىلادى، وپەراتورلار بەينەكامەرالار ارقىلى تەحنولوگيالىق پروتسەستى باقىلايدى.

 

ءونىمنىڭ 8 ءتۇرى بار، ولار Nippon Steel، Marubeni Corporation، "ارسەلورميتتال" (ليۋكسەمبۋرگ) جانە ت.ب. سياقتى شەتەلدىك الىپتاردىڭ سۇرانىسىنا يە. ەكسپورت گەوگرافياسى جاپونيا، رەسەي، ەۋروپا ەلدەرى مەن تمد-نى قامتيدى.

4. «پەتروپاۆل ەلەكتر تەحنيكالىق زاۋىتى» جشس ترانسفورماتورلار ءوندىرىسى. زاۋىت 6، 10، 35 كۆ كەرنەۋ كلاسىنداعى تاراتۋ ترانسفورماتورلارى مەن جوعارى ۆولتتى ۇياشىقتار شىعارادى. زاۋىتتىڭ وندىرىستىك قۋاتى جىلىنا 13 000 بىرلىك ءونىمدى قۇرايدى. شىعارىلاتىن ءونىمنىڭ 98% - دان استامىن تمد ەلدەرىنە ەكسپورتتاۋ جوسپارلانۋدا.

 5. «QazTehna» جشس ساران قالاسىنداعى Yutong جولاۋشىلار اۆتوبۋستارىن ءوندىرۋ. كاسىپورىننىڭ جالپى وندىرىستىك قۋاتى Yutong برەندىنىڭ 1200 بىرلىك جولاۋشىلار اۆتوبۋسى مەن ەلەكتر اۆتوبۋستارىن، سونداي-اق كارەرلىك، قۇرىلىس جانە جول تەحنيكاسىنىڭ 500 بىرلىگىن قۇرايدى.

 

كومپانيا ساتىپ العان بارلىق جابدىقتار ستراتەگيالىق سەرىكتەس — Zhengzhou Yutong Group Co.، Ltd. كومپانياسىمەن ارنايى ازىرلەنگەن جانە جيناقتالعان. قولدانىلاتىن جابدىق جەتكىلىكتى يكەمدىلىككە يە جانە QazTehna قىزمەتكەرلەرىنە ءبىر بۇيىمدى دايىنداۋدان ەكىنشى بۇيىمعا جىلدام قايتا باپتاۋعا، سونداي-اق تاپسىرىس بەرۋشىگە از مولشەردە قاجەتتى بولشەكتەردىڭ كەڭ اسسورتيمەنتىن وندىرۋگە مۇمكىندىك بەرەدى.

 

وندىرىلەتىن ءونىمنىڭ نەگىزگى تۇتىنۋشىلارى قازاقستاننىڭ كولىكتىك، تاۋ-كەن ءوندىرۋشى جانە ونەركاسىپتىك كومپانيالارى بولىپ تابىلادى. بولاشاقتا تاياۋ شەت ەلدەردىڭ نارىعىنا شىعۋ قاراستىرىلۋدا.

 

  1. قىزىلوردا وبلىسىندا "Orda Glass" جشس تاباق شىنى وندىرەتىن زاۋىت تەحنيكالىق ىسكە قوسىلدى. قۋاتى جىلىنا 197 100 توننا تاباق شىنى ءوندىرۋ جانە وڭدەۋ جونىندەگى شىنى زاۋىتى قىزىلوردا قالاسىنىڭ يندۋستريالىق ايماعىندا ورنالاسقان. شىنى كۇندەلىكتى ءومىردىڭ كوپتەگەن سالالارىندا جوعارى سۇرانىسقا يە. وتاندىق شىنى تۇرعىن ءۇي جانە كوممەرتسيالىق جىلجىمايتىن م ۇلىك قۇرىلىسىندا، ماشينا جاساۋدا، ەيھاز جانە ينتەرەر زاتتارىن وندىرۋدە قىزمەتتەر مەن تاۋارلاردىڭ وزىندىك قۇنىن ەداۋىر تومەندەتەدى.
سوڭعى جاڭالىقتار

ۇقساس جاڭالىقتار