ۇكىمەت • 18 قاڭتار، 2022

ءاليحان سمايىلوۆ تاماق ونەركاسىبىنە مونيتورينگ جۇرگىزۋدى تاپسىردى

65 رەت كورسەتىلدى

قر پرەمەر-ءمينيسترى ءاليحان سمايىلوۆ تاماق ونەركاسىبى كاسىپورىندارىنا مونيتورينگ جۇرگىزۋدى تاپسىردى، دەپ حابارلايدى Egemen.kz.

«مەملەكەتتىك ورگاندار كومىر باعاسىنىڭ وسۋىنە جول بەرمەۋ ءۇشىن جۇمىس ىستەپ جاتىر. وسىعان بايلانىستى، باسەكەلەستىكتى قورعاۋ اگەنتتىگى يندۋستريا مينيسترلىگىمەن بىرلەسىپ، كومىر باعاسىن وتكەن جىلعى دەڭگەيدە ساقتاپ قالۋ ءۇشىن زاڭعا سايكەس ءىس-شارالار قابىلداۋى قاجەت»، دەدى ءاليحان سمايىلوۆ ۇكىمەت وتىرىسىندا.

ۇكىمەت باسشىسى يندۋستريا مينيسترلىگىنە تولىق جۇمىس ىستەمەي تۇرعان نەمەسە توقتاپ تۇرعان تاماق ونەركاسىبى كاسىپورىندارىنا مونيتورينگ پەن تالداۋ جۇرگىزىپ، ولاردىڭ تولىقتاي جۇمىس ىستەۋى ءۇشىن ءىس-شارالاردى ىسكە اسىرۋ كەرەكتىگىن ەسكەرتتى.

«بۇگىن ۇسىنىلعان ءىس-شارالاردى ەسكەرە وتىرىپ، ۇلتتىق ەكونوميكا مينيسترلىگىنە مەملەكەتتىك ورگاندارمەن بىرلەسىپ، وسى جىلعى 1 اقپانعا دەيىن ۇكىمەتكە ينفلياتسيانى باقىلاۋ جانە تومەندەتۋ جونىندەگى ءىس-شارالار كەشەنىن ەنگىزۋدى تاپسىرامىن»، دەدى پرەمەر-مينيستر.

 

سوڭعى جاڭالىقتار

ۇقساس جاڭالىقتار