پتر-تەست
ەگەر ءسىز سۋىق ءتيۋدىڭ, تۇماۋدىڭ نەمەسە پنەۆمونيانىڭ بەلگىلەرىن سەزسەڭىز, وندا پتر ادىسىمەن كوروناۆيرۋستى انىقتاۋ ءۇشىن تەست تاپسىرا الاسىز. مۇنى ەمحانانىڭ سۇزگى-كابينەتىنە جۇگىنۋ ارقىلى جاساۋعا بولادى. سونداي-اق باسقالارعا جۇقتىرۋ قاۋپىن توندىرمەۋ ءۇشىن ەمحانانىڭ تىركەۋ بولىمىنە نەمەسە انىقتاما بولىمىنە قوڭىراۋ شالىپ, ۇيگە ءموبيلدى توپ شاقىرا الاسىز. بۇل جاعدايدا زەرتتەۋ تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە اقىسىز جۇرگىزىلەدى, ويتكەنى بۇل اينالاداعىلار ءۇشىن قاۋىپ توندىرەتىن ينفەكتسيالىق اۋرۋ. ياعني ساقتاندىرىلعان بولۋ مىندەتتى ەمەس.
سونداي-اق پتر-تەستىلەۋ كوروناۆيرۋس انىقتالعان پاتسيەنتپەن بايلانىستا بولعان ادامدارعا جۇرگىزىلەدى. سونىمەن قاتار سۇزگى كابينەتى ارقىلى بايلانىسۋعا نەمەسە ءموبيلدى توپتى ۇيگە شاقىرۋعا بولادى.
شەتەلگە شىعۋعا مۇمكىندىك الۋ ءۇشىن پتر ازاماتتىڭ ءوز ەسەبىنەن تولەنەدى. سونداي-اق ەگەر تەرىس پتر بار سەرتيفيكات قانداي دا ءبىر ۇيىمعا نەمەسە جۇمىس ورنىنا بارۋ ءۇشىن تالاپ ەتىلسە, وندا تەستىلەۋ ءوز قاراجاتى ەسەبىنەن نەمەسە جۇمىس بەرۋشىلەردىڭ كەلىسىمى بويىنشا تولەنەدى.
پتر-تەست تەگىن جۇرگىزىلەتىن جاعدايلاردىڭ تىزبەسى:
- مەديتسينالىق كورسەتكىشتەر بويىنشا فيلتر كابينەتىنە جۇگىنگەن كەزدە-جرۆي جانە ۆيرۋستىق پنەۆمونيا بەلگىلەرى بولعان كەزدە;
- كوروناۆيرۋس ينفەكتسياسىنا كۇدىكتى ناۋقاس ءۇشىن ءموبيلدى توپتى ۇيگە شاقىرعان كەزدە;
- جەدەل تەست ناتيجەسى وڭ بولعان جاعدايدا شۇعىل ستاتسيونارعا ەمدەۋگە جاتقىزۋ كەزىندە;
- جوسپارلى ەمدەۋگە جاتقىزۋعا نەمەسە اۋرۋحاناعا دەيىنگى تەكسەرۋگە جىبەرۋ كەزىندە;
- جۇكتى ايەلدەرگە 37 اپتادان باستاپ بوسانۋعا ەمدەۋگە جاتقىزۋ ءۇشىن;
- گەمودياليزدەگى پاتسيەنتتەرگە.
ءموبيلدى بريگادالار
پاتسيەنتتەر اينالاسىنداعىلارعا قاۋىپ توندىرمەۋى جانە اۋرۋ بەلگىلەرى بار ەمحاناعا بارۋى, سونداي-اق ۇيدە قاجەتتى مەديتسينالىق كومەك الۋى ءۇشىن ءاربىر مساك ۇيىمىنىڭ جانىنان COVID-19 بار ناۋقاستاردى امبۋلاتوريالىق باقىلاۋ بويىنشا ءموبيلدى بريگادالار قۇرىلدى. ولار ءوز اۋماعىنداعى قوڭىراۋلارعا قىزمەت كورسەتەدى, جۇمىس ۋاقىتى – ساعات 8.00-دەن 20.00-گە دەيىن. ەگەر پاتسيەنت تىركەلگەن جەرى بويىنشا ەمحانا اۋماعىندا تۇرمايتىن بولسا, وعان 103-كە كومەك سۇراپ جۇگىنۋ قاجەت. 20.00-دەن كەيىنگى قوڭىراۋلارعا جەدەل جاردەم دە قىزمەت كورسەتەدى.
ءموبيلدى بريگادانىڭ فۋنكتسيالارىنا مىنالار كىرەدى:
- جرۆي بەلگىلەرى بار نەمەسە العاشقى جۇگىنگەن كەزدە كوروناۆيرۋس ينفەكتسياسىنا كۇدىكتى پاتسيەنتكە ۇيگە بارۋ;
- امبۋلاتورلىق باقىلاۋداعى نەمەسە ۇيدە وقشاۋلاۋداعى پاتسيەنتتەرگە شىعۋ;
- سOVID-19-عا كۇدىك بولعان كەزدە پتر-تەستىلەۋدى وتكىزۋ;
- دارىلەردى تاعايىنداۋ جانە قاجەت بولعان جاعدايدا ولاردى اۋرۋحانادان تىس پنەۆمونيا جانە سوزىلمالى اۋرۋلارى بار پاتسيەنتتەرگە جەتكىزۋ;
- پاتسيەنتتەرگە ولاردىڭ جاي-كۇيىنە دەربەس مونيتورينگ جۇرگىزۋ ءۇشىن كومەك كورسەتۋ;
- امبۋلاتوريالىق پاتسيەنتتىڭ مەديتسينالىق كارتاسىن رەسىمدەۋ.
كت نەمەسە رەنتگەن
ەگەر وكپەدە قابىنۋ پروتسەستەرىنىڭ دامۋىنا كۇدىك بولسا, كومپيۋتەرلىك توموگرافيا نەمەسە كەۋدە قۋىسىنىڭ رەنتگەنوگرافياسى جاسالادى. دياگنوستيكانىڭ بۇل تۇرلەرى پاتسيەنتكە تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە تاۋلىكتىك ستاتسيونارعا ەمدەۋگە جاتقىزۋ كەزىندە تەگىن جۇرگىزىلەدى. سوندىقتان پنەۆمونيا بەلگىلەرى بار ساقتاندىرىلماعان ناۋقاستارعا دا كومەك كورسەتىلەدى.
اۋرۋحاناعا جاتقىزۋ دەنساۋلىق جاعدايى ۇيدە ەمدەلۋگە مۇمكىندىك بەرمەيتىن پاتسيەنتتەرگە قاجەت-ساتۋراتسيانىڭ تومەن دەڭگەيىنە, ەنتىگۋدىڭ جوعارىلاۋىنا جانە وزدىگىنەن دەم الا الماۋىنا, وكپەنىڭ زاقىمدانۋىنىڭ جوعارى دەڭگەيىنە بايلانىستى جۇرگىزىلەدى. ساتۋراتسيانىڭ بىردەي تومەندەۋىمەن ەكى ناۋقاستا اۋرۋحاناعا جاتقىزۋدىڭ ءارتۇرلى كورسەتكىشتەرى بولۋى مۇمكىن ەكەنىن ەسكەرگەن ءجون. سوندىقتان ەمدەۋگە جاتقىزۋ ءۇشىن پتر-ءدىڭ وڭ ناتيجەسى جەتكىلىكسىز.
ەگەر ءسوز ەمحانا دەڭگەيىندە (ەمدەۋگە جاتقىزۋسىز) تەكسەرۋدەن ءوتۋ تۋرالى بولسا, وندا ول جۇيەلى تۇردە جارنالار تولەيتىن جانە ساقتاندىرىلعان پاتسيەنتتەرگە تەگىن جۇرگىزىلەدى, ويتكەنى بۇل دياگنوستيكالىق قىزمەتتەر ءمامس پاكەتىنە كىرەدى.
ۇيدە, ونىڭ ىشىندە ۋچاسكەلىك دارىگەردىڭ باقىلاۋىمەن ەمدەۋ ناتيجەلەرى بويىنشا بەلگىلى ءبىر ۋاقىتتان كەيىن پاتسيەنتكە ديناميكالىق جاعدايدى تەكسەرۋ ءۇشىن كت-دان ءوتۋ قايتادان تاعايىندالۋى مۇمكىن.
ۇيدە ەمدەلۋدى شەشكەن پاتسيەنتتەرگە ەسكە سالۋ ماڭىزدى: اۋرۋدىڭ كلينيكالىق بەلگىلەرىنىڭ جوعارىلاۋى جانە ءال-اۋقاتىنىڭ ناشارلاۋى ورىن العان جاعدايدا ۋچاسكەلىك دارىگەرگە حابارلاۋ قاجەت.
سونىمەن قاتار قاجەت بولعان جاعدايدا ينەكتسيالار, تامشىلار الۋعا تىركەلگەن پاتسيەنتتەر ءۇشىن ۇيدە كۇندىزگى ستاتسيونار اشۋ قاراستىرىلعان. مۇنداي جاعدايدا ولارعا ۇيدە دارىگەرلىك تاعايىنداۋلار (مانيپۋلياتسيالار) جۇرگىزۋ ءۇشىن ەمحانانىڭ مەديتسينا قىزمەتكەرى بارادى.
ءدارى-دارمەكپەن قامتاماسىز ەتۋ
تاۋلىك بويعى ستاتسيونارعا ەمدەۋگە جاتقىزۋ كەزىندە پاتسيەنت ەمدەۋ حاتتاماسىنا سايكەس قاجەتتى ءدارى-دارمەكتەردى الادى.
امبۋلاتوريالىق دەڭگەيدە ەمدەۋ كەزىندە دسم №75 بۇيرىعىنا سايكەس دارىلىك قامتاماسىز ەتۋ كوزدەلگەن (بەلگىلى ءبىر اۋرۋلارى (جاي-كۇيلەرى) بار قازاقستان رەسپۋبليكاسى ازاماتتارىنىڭ جەكەلەگەن ساناتتارىن تەگىن جانە (نەمەسە) جەڭىلدىكپەن امبۋلاتوريالىق قامتاماسىز ەتۋگە ارنالعان دارىلىك زاتتار مەن مەديتسينالىق بۇيىمداردىڭ تىزبەسى).
بۇل جاعدايدا پاتسيەنت ەمدەۋشى دارىگەردەن رەتسەپت الادى, ونىڭ نەگىزىندە وعان ەمحانا ءدارىحاناسىندا ءدارى بەرىلەدى. COVID-19 اعىمىنىڭ جەڭىل جانە ورتاشا اۋىرلىق دارەجەسىندە (جرۆي بەلگىلەرى) پاتسيەنت پاراتسەتامول, يبۋپروفەنگە سۇيەنەدى. ەگەر پنەۆمونيا, ترومبوەمبوليا قاۋپىنىڭ ىقتيمالدىعى تۋرالى ايتاتىن بولساق, امبۋلاتوريالىق دەڭگەيدە پاتسيەنت دابيگاتران كاپسۋلالارى مەن ريۆاروكسابان, اپيكسابان, پاراتسەتامول جانە يبۋپروفەن تابلەتكالارىن الا الادى.
وڭالتۋ جانە قالپىنا كەلتىرۋ
تەكسەرۋدەن, دياگنوزدان جانە ەمدەۋدەن كەيىن كەيبىر جاعدايلاردا اعزانىڭ قالپىنا كەلۋىنە كومەكتەسۋ كەرەك. اسىرەسە, ەگەر ناۋقاستا سوزىلمالى اۋرۋلار بولسا, ەنتىگۋ قالادى, السىزدىك بايقالادى.
ءمامس جۇيەسىن ىسكە اسىرۋدىڭ وڭ فاكتورلارىنىڭ ءبىرى مەديتسينالىق وڭالتۋدى قارجىلاندىرۋدى ارتتىرۋ جانە تيىسىنشە پاتسيەنتتەردىڭ ونى الۋ مۇمكىندىگى بولىپ تابىلادى.
ءمامس ارقىلى كوروناۆيرۋس ينفەكتسياسىنان كەيىن مەديتسينالىق وڭالتۋدان قالاي وتۋگە بولادى؟
- ەمحاناداعى دارىگەرگە بارۋ كەرەك.
- دارىگەر رەابيليتولوگ دارىگەردىڭ نەمەسە مۋلتيديستسيپلينارلىق توپتىڭ (مدت) كونسۋلتاتسياسىنا جولداما بەرەدى.
- رەابيليتولوگ نەمەسە Mتد ناۋقاستىڭ جاعدايىن باعالايدى جانە قالپىنا كەلتىرۋ شارالارىنىڭ قاجەتتى كۋرسىن تاڭدايدى.
- وڭالتۋ شارالارى تىنىس الۋدى قالىپقا كەلتىرۋگە, اسقىنۋلاردى ازايتۋعا, ءومىر ءسۇرۋ ساپاسىن جاقسارتۋعا جانە مازاسىزدىق پەن دەپرەسسيا بەلگىلەرىن جەڭىلدەتۋگە باعىتتالعان.
- فۋنكتسيونالدىق بۇزىلۋ دارەجەسىنە بايلانىستى مەديتسينالىق وڭالتۋ ستاتسيونارلىق, سونداي-اق امبۋلاتوريالىق جاعدايلاردا دا جۇرگىزىلۋى مۇمكىن.
ماڭىزدى: كورسەتىلىمدەر بولعان كەزدە وڭالتۋدان ۇيدە ەمدەلىپ, مەديتسينالىق ۇيىمدارعا جۇگىنبەگەن پاتسيەنتتەر دە وتە الادى. ولار ءۇشىن ارەكەتتەر الگوريتمى بىردەي.
قوردا مەديتسينالىق كومەكتىڭ ساپاسى مەن قولجەتىمدىلىگى بويىنشا سۇراقتار تۋىنداسا, ەمحانانىڭ پاتسيەنتتەردى قولداۋ جانە ىشكى اۋديت قىزمەتىنە جۇگىنۋ كەرەكتىگى ەسكە سالىنادى. ەگەر ماسەلەنىڭ شەشىلۋىنە قول جەتكىزۋ مۇمكىن بولماسا, الەۋمەتتىك مەديتسينالىق ساقتاندىرۋ قورىنا ءوتىنىشتى ىڭعايلى بايلانىس ارناسى ارقىلى قالدىرۋ كەرەك: fms.kz رەسمي سايتى, 1406 بايلانىس ورتالىعى, Qoldau 24/7 ءموبيلدى قوسىمشاسى جانە Telegram -داعى SaqtandyryBot.
