ايماقتار • 17 قاڭتار، 2022

الماتى قالپىنا كەلتىرىلۋدە

85 رەت كورسەتىلدى

قاڭتارداعى قاسىرەتتەن كەيىن استان-كەستەڭ بولعان الماتىنىڭ تىرشىلىگىن قالپىنا كەلتىرۋ ءۇشىن ايلار، ەت جاقىندارىن جوعالتقان جانداردىڭ جاراسىن جازۋعا جىلدار كەرەك ەكەنىن ەل ءبىلىپ وتىر. وسى ۋاقىتقا دەيىن مەملەكەتتىڭ ەكونوميكالىق دونورى بولىپ كەلگەن مەگاپوليستىڭ مۇشكىل ءحالىن كورۋ قازىر ەشكىمگە دە وڭاي ەمەس.

شىعىن 112،6 ملرد تەڭگەگە جەتتى

الايدا رۋحى سىنباعان الماتى قايتا ەڭسەسىن تىكتەپ، گۇل جايناعان شاھارعا اينالۋىنا قالا تۇرعىندارى دا مۇددەلى. ۆولونتەر رەتىندە بولىسىپ، دەمەۋشى رەتىندە قارايلاسىپ جاتقان كومپانيالار مەن جەكە ادامداردىڭ قاتارى كوپ.

«الماتى تراگەدياسىنان» ەس جيۋ ءۇشىن قازىر قولدان كەل­گەن­نىڭ بارلىعى جاسالىپ جاتىر. دۇي­سەنبى كۇنى قالا اكىمى با­­قىت­جان ساعىنتاەۆتىڭ تور­اعا­لىعىمەن وسى جىلدىڭ ال­عاش­قى اپپاراتتىق كەڭەسى ءوتىپ، جيىنعا باق وكىلدەرى دە قا­تىس­تى. جۋرناليستەر قاۋىمى قاسى­­رەتتى وقيعادان كەيىن قوردا­لا­نىپ قالعان سۇراقتاردى قالا اكىمىنە قويا الماسا دا، نەگىزگى ماسەلەلەردەن حاباردار بولدى.

الماتىدا م ۇلىكتىڭ بارلىق تۇرىنە كەلتىرىلگەن زياننىڭ سوماسى ءالى دە ناقتى ەمەس. قا­لا ىسكەرلەرى دۇنيەسىنەن عانا ەمەس، قۇجاتتارى، كەڭسە، اقپا­رات­تىق تەحنيكالارىنان دا ايىرى­لىپ وتىرعاندىقتان، بيزنەسكە كەل­تىرىلگەن وراسان شىعىندى ءدوپ باسىپ، دالەلدەۋ وڭايعا تۇسپەي تۇر.

شوب نىساندارىنىڭ ىشىندە ازىق-ت ۇلىك ەمەس دۇكەندەر ەڭ كوپ زارداپ شەككەن. زالالدى باعالاۋ جونىندەگى قالالىق جانە اۋداندىق كوميسسيالار قۇرىلىپ، جۇمىس ىستەپ جاتقانى بەلگىلى. كوميسسيا جۇمىسىنا ءىس جۇزىندە بارلىق قىزمەت پەن ۇيىم، سونىڭ ىشىندە «اتامەكەن»، تاۋەلسىز باعالاۋشىلار مەن اۋديتورلار پالاتاسىنىڭ وكىلدەرى تارتىلعان.

سوڭعى دەرەكتەرگە سايكەس م ۇلىكتىڭ بارلىق تۇرلەرى بويىنشا زالالدىڭ جالپى سوماسى 112 ملرد تەڭگەدەن اسا بولسا، بيزنەس سۋبەكتىلەرى – 67 ملرد، شوب – 42 ملرد، ءىرى بيزنەس 25 ملرد تەڭگە كولەمىندە شىعىنعا باتتى.

قالا اكىمىنىڭ ورىنباسارى ءىلياس وسەروۆ اتاپ وتكەندەي، شوب اراسىندا ازىق-ت ۇلىك ەمەس دۇكەندەر – 20،9 ملرد، ازىق-ت ۇلىك دۇكەندەرى – 5،7 ملرد، قارۋ-جاراق دۇكەندەرى – 6،4 ملرد، لومباردتار – 2،9 ملرد، قوعامدىق تاماقتانۋ وبەكتىلەرى – 1،8 ملرد تەڭگەگە جانە ت.ب. زارداپ شەكتى.

قارجى ۇيىمدارى، ياعني بانك بولىم­شەلەرى مەن بانكوماتتار بويىنشا قازىرگى زالال 701،7 ملن تەڭگەگە جەتتى. قارجى نارىعىن رەتتەۋ جانە دامىتۋ اگەنتتىگى ەكىنشى دەڭگەيدەگى بانكتەرمەن بىرلەسىپ، زارداپ شەككەن وبەكتىلەر بويىنشا دەرەكتەردى جيناۋدى جالعاستىرىپ جاتىر.

بۇعان قوسا جانار-جاعارماي قۇيۋ بەكەتتەرى 306 ملن تەڭگەدەي زارداپ شەكسە، باسقا نىسانداردىڭ شىعىنى – 3،1 ملرد تەڭ­گە توڭىرەگىندە. قيراعان، ورتەن­گەن 20 اكىم­شىلىك عيمارات، پوليتسيا دەپارتا­مەنتى­نىڭ 10 بەكەتى، 17 ەكوپوست پەن اۋەجاي عيماراتى بويىنشا شىعىن 22،6 ملرد تەڭگەدەن اسادى.

 

بەينەباقىلاۋ كامەرالارىن قيراتتى

شتاب وتىرىسى كەزىندە قالا اكىمى باقىتجان ساعىنتاەۆ لاڭ سالعاندار الدىمەن تونالعان، تالان-تاراجعا تۇسكەن كەز كەلگەن ساۋدا ورىندارىنداعى بەينەكامەرالار مەن سەرۆەرلەرىن تاۋىپ الىپ، كوزىن جويعانىن اتاي كەلە، مۇنداي سويقان قاراپايىم تۇرعىنداردىڭ قولىنان كەلمەيتىنىن، وعان ارنايى ماشىق كەرەك ەكەنىنە ەرەكشە توقتالدى.

الماتى قالاسىنداعى جاپپاي تارتىپ­سىزدىك كەزىندە قۇنى 500 ملن تەڭگەگە جەتەعا­بىل بەينەباقىلاۋ كامەرالارى قيرا­تىلعانى تۋرالى قالالىق تسيفرلاندىرۋ باسقارماسىنىڭ باسشىسى بايان قوڭىرباەۆ باياندادى. ول قاسىرەتتى قاڭتار وقيعاسىندا ماقساتتى تۇردە 766 «سەرگەك» بەينەكامەراسى ب ۇلىنگەنىن اتاپ ءوتتى.

«بۇگىندە 485 «سەرگەك» اپپاراتتىق-باعدارلامالىق كەشەنىنىڭ جۇمىسى قالپىنا كەلتىرىلدى. ونىڭ 20-سى تاڭەرتەڭ ىسكە قوسىلدى. جالپى، ب ۇلىكشىلەر 75-تەن اسا باقىلاۋ كەشەنىن قيراتقان. ونىڭ 30-دان استامى قايتا قوسىلدى. قالپىنا كەلتىرۋ بويىنشا جالپى شىعىن سوماسى 250 ملن تەڭگەدەن اسپايدى. قاڭتاردىڭ اياعىنا دەيىن ءبارىن رەتتەمەكپىز»، دەدى ب.قوڭىرباەۆ.

سونداي-اق ساياباقتار مەن گۇلباقتارداعى مىڭنان اسا كامەرانىڭ 242-ءسى تارتىپسىزدىك كەزىندە ىستەن شىققان.

«ب ۇلىكشىلەر ادەيى سونداي قادامعا بارعان. وندىرۋشىلەر قازىرگى ساتتە ساپا تۇرعىسىنان الگىندەي كامەرالار جوق ەكەنىن ايتتى. سوندىقتان بۇگىندە ولاردىڭ ورنىنا باسقا ءوندىرۋشى كومپانيا­لار­دىڭ كامەراسىن ورناتۋ ماسەلەسى قاراس­تىرىلۋدا. جالپى، 226 ملن تەڭگە كەرەك. بۇل رەسپۋبليكالىق بيۋدجەتتەن قارجى­لان­دىرىلادى»، دەيدى باسقارما باسشىسى.

 

الەۋمەتتىك 35 نىسان تولىق جاڭعىرادى

اپپاراتتىق كەڭەستە قالالىق جايلى ورتا باسقارماسىنىڭ باسشىسى ساپار نۇراشەۆ باسقارۋ نىساندارىنا قاتىستى ءوز ەسەبىن بەردى.

بۇل – 35 الەۋمەتتىك نىسان، 58 ينجەنەر­لىك-كوممۋنيكاتسيالىق ينفراقۇرىلىم جوباسى مەن تۇركسىب اۋدانىنىڭ «قايرات» شاعىن اۋدانىنداعى 41 تۇرعىن ءۇي قۇرىلىسى.

قالپىنا كەلتىرۋ نىساندارىنىڭ باستاپقى ءتىزىمى 31 نىساندى قامتيدى. وسى نىسانداردى قاراۋ بارىسىندا جەكە مەنشىكتەگى «مير 24» تەلەارناسى، «الماتى حالىقارالىق اۋەجايى» عيماراتى، Nur Otan پارتياسىنىڭ عيماراتى شوب ساناتىنا اۋىستىرىلدى. سونىمەن قاتار كەلىسسوزدەر بارىسىندا تۇڭعىش پرەزيدەنت قورىنىڭ عيماراتىن قوردىڭ ءوز قاراجاتى ەسەبىنەن قالپىنا كەلتىرۋ تۋرالى شەشىم قابىلداندى.

«جوعارىدا كورسەتىلگەن نىسانداردى قوسپاعاندا، تاعى دا 27 نىساندى قالپىنا كەلتىرۋ قاجەت. ونىڭ ىشىندە 10 نىساندى جوندەۋ بيۋدجەت قاراجاتى ەسەبىنەن جۇرگىزىلمەك. ولار – اكىمدىك عيماراتى، «قازاقستان» تەلەارناسى، پرەزيدەنت رەزيدەنتسياسى، پروكۋراتۋرا وكىلدىگىنىڭ جانە قۇقىقتىق ستاتيستيكا جانە ارنايى ەسەپكە الۋ جونىندەگى كوميتەت باسقارماسىنىڭ عيماراتى. سونداي-اق 6 نىسانعا اعىمداعى جوندەۋ جۇمىستارى جۇرگىزىلدى: پوليتسيا دەپارتامەنتىنىڭ عيماراتى جانە فرونت-كەڭسە، المالى اۋداندىق پولي­تسيا باسقار­ماسى­نىڭ عيماراتى جانە فرونت-كەڭسە، المالى اۋداندىق پوليتسيا ءبولىمى­نىڭ عيمارا­تى جانە فرونت-كەڭسەسى»، دەيدى س.نۇراشەۆ.

سونداي-اق «قازقسعزي» اق، «قازميرر» اق (قازاقستاندىق كوپسالالى قايتا قۇرۋ جانە دامۋ ينستيتۋتى – پرەزيدەنت رەزيدەنتسياسىنىڭ عيماراتى) ينستيتۋتىمەن جانە باسقا دا اككرەديتتەلگەن ۇيىمدارمەن تەحنيكالىق تەكسەرۋ، جسق ازىرلەۋ جانە اعىمداعى جوندەۋ جونىندە سمەتالىق ەسەپتەر بويىنشا جۇمىس جۇرگىزىلىپ جاتقانى ءمالىم بولدى.

قالعان 17 نىسان ازداپ شىعىنعا ۇشىراسا، سونىڭ نەگىزىندە قالپىنا كەلتىرۋ بيزنەستىڭ الەۋمەتتىك جاۋاپكەرشىلىگى اياسىندا جۇرگىزىلەدى. بۇلار – №7 قالالىق كلينيكالىق اۋرۋحانا، قالالىق كارديولوگيالىق ورتالىق، №1 پەرزەنتحانا، المالى اۋدانىنىڭ مساك، №12 ورتالىق كلينيكالىق اۋرۋحاناسى، پوليتسيا دەپارتامەنتىنىڭ 10 مودۋلدىك بەكەتى، اۋەزوۆ جانە جەتىسۋ اۋداندارىنىڭ فرونت-كەڭسەلەرى بار 2 پوليتسيا باسقارماسىنىڭ عيماراتى.

س.نۇراشەۆتىڭ ايتۋىنشا، قۇرىلىس ىستەرى جونىندەگى كوميتەت باسشىسىنىڭ توراعالىعىمەن بىرنەشە كەڭەس وتكىزىلىپ، 21 قاڭتارعا دەيىن جوندەۋگە جاتاتىن بارلىق نىساندا سمەتالىق ەسەپتەردى دا­يىنداۋ، 25 قاڭتارعا دەيىن تەحنيكالىق تەكسەرۋدى اياقتاۋ، 15 ناۋرىزعا دەيىن كۇردەلى جوندەۋمەن قايتا جاڭارتۋ جۇرگىزىلەتىن نىسانداردا جسق ازىرلەۋدى اياقتاۋ تۋرالى شەشىم قابىلدانعان.

«مەمساراپتاما» رمك الماتى فيليالى ساراپتاما قورىتىندىسىن العانعا دەيىن بارلىق كەزەڭدە جسق ازىرلەۋدى سۇيەمەلدەيدى. بارلىق نىسان بويىنشا مەردىگەر جانە جوبالاۋ ۇيىمدارى انىقتالدى.

سونداي-اق الماتى قالاسىنىڭ قجوب باسشىسى 12 قاڭتاردان بەرى پرەزيدەنت رەزيدەنتسياسىنىڭ عيماراتىنان باسقا 9 نىسان تازارتىلعانىن، وعان 17 قاڭتار­دان باستاپ كىرۋگە بولاتىنىن اتادى. عيما­راتتاردى تازالاۋ جۇمىستارى 20 قۇرىلىس كومپانياسىنىڭ كۇشىمەن جۇرگىزىلدى، 800-گە جۋىق ادام جانە 40-تان اسا ارنايى تەحنيكا تارتىلدى. اكىمدىك عيماراتىنىڭ سىرتقى جاعىنا قاسبەتتىك تور ورناتىلدى.

 

ءدارى-دارمەك قىمباتتاعان

كاسىپكەرلىك جانە ينۆەستيتسيالار باس­قار­ماسىنىڭ باسشىسى ەركەبۇلان ورازالين ءوز كەزەگىندە 975 ءدارىحانانىڭ 920-ى (95%) شتاتتىق رەجىمدە جۇمىس ىستەپ جاتقانىن جەتكىزدى. باسقارما باسشىسى الماتىدا ءدارى-دارمەك قورى كەم دەگەندە ەكى ايعا جەتەتىنىن، قالا قاجەتتى ءدارى-دارمەكتەرمەن جانە مەديتسينالىق ماق­ساتتاعى زاتتارمەن تولىق قامتا­ماسىز ەتىلگەنىن اتاسا دا، باق وكىلدەرى ءدارى-دارمەكتىڭ قىمباتتاعانىن ناقتى مىسالدارمەن العا تارتىپ وتىر.

«بيىل دا تۇراقتاندىرۋ قورى ارقىلى دارىلىك زاتتاردى ساتىپ الۋ تەتىگى ۇزار­تىل­دى. وسىلايشا، قالانىڭ بولشەك ساۋ­دا جەلىلەرى ءۇشىن نەگىزگى جەتكىزۋشىلەر – «ينكار» جشس، «مفك بيولا» جشس جانە «كفك مەدسەرۆيس پليۋس» جشس، ولارمەن ساتىپ الۋ ءۇشىن شارت جاسالدى. جەتكىزۋدىڭ جالپى كولەمى 9،2 ملن تەڭگەنى قۇرايدى»، دەيدى كاسىپكەرلىك جانە ينۆەستيتسيالار باسقارماسىنىڭ باسشىسى.

ول وسى كومپانيالاردىڭ قويمالارىن­داعى دارىلىك زاتتار مەن مەديتسينالىق ماقساتتاعى زاتتاردىڭ جالپى قالدىعى 15،5 ملن بىرلىكتى قۇرايتىنىن، بۇل قالاداعى تاپشىلىق قاۋپىن بارىنشا ازايتاتىنىن اتاپ ءوتتى. سونداي-اق كوتەرمە جەتكىزۋشىلەر مەن قالانىڭ بولشەك ساۋدا جەلىلەرىندە شامامەن 2 اي مەرزىمگە جەتكىلىكتى قور بار.

 

الماتى مەتروسى ىسكە قوسىلدى

17 قاڭتاردان باستاپ الماتى مەترو­سى­نىڭ جۇمىسى قايتا جانداندى. بۇگىندە بار­لىق 151 باعىت جانە 1 600 بىرلىك جىلجىمالى قۇرام، سونىڭ ىشىندە تروللەيبۋس جانە قالا ماڭىنداعى باعىتتار ىسكە قوسىلدى.

قالالىق موبيلدىلىك باسقارماسىنىڭ باسشىسى عاني مىرزاحانوۆ تارتىپسىزدىك كەزىندە 28 اۆتوبۋس زاقىمدانعانىن مالىم­دەدى. بۇگىنگى تاڭدا 16 اۆتوبۋس تولىق قال­پى­نا كەلتىرىلسە، قالعان 12 اۆتوبۋستىڭ شى­نى­ل­ارى قاڭتار ايىنىڭ سوڭىنا قاراي جەتكىزىلمەك.

سول سياقتى اۋەجاي مەن تەمىرجول ۆوكزالدارى شتاتتىق رەجىمدەگى جۇمىسىنا كوشتى. 15 قاڭتاردان باستاپ تالدىقورعان، تاراز، شىمكەنت باعىتىنداعى قالاارالىق تاسىمالدار جارتىلاي جاڭارتىلدى.

ب ۇلىك كەزىندە 1 050 شارشى مەتر جول جابىنى، 410 مەتر جول جيەگى، 98 دانا مەتالل تورلار بۇزىلعانى انىقتالدى.

سونداي-اق 43 اۆتوبۋس پاۆيلونى ب ۇلىنسە، ونىڭ 23-ءى تولىق قالپىنا كەلتىرىلگەن. قالعان 20 پاۆيلوندى جوندەۋ شىنى پاكەتتەردى دايىنداۋ شاماسىنا قاراي قاڭتار ايىنىڭ سوڭىنا دەيىن جوس­پارلانىپ وتىر. بۇل جۇمىستار جەكە ينۆەستورلاردىڭ («رتس» جشس جانە «يۋنيكوم بيزنەس» جشس) قاراجاتى ەسەبىنەن جۇرگىزىلەدى.

«بۇعان قوسا 220 ۆەلوسيپەد پەن 21 «الماتىبايك» ۆەلوستانساسى بۇزىلعان. 170 ۆەلوسيپەد ۇرلانعان. قازىرگى ۋاقىتتا ات-جۇيەسىن قالپىنا كەلتىرۋ جانە تەكسەرۋ جۇمىستارى جۇرگىزىلۋدە. حالىققا قىزمەت كورسەتۋدى جاڭارتۋ 20 قاڭتارعا دەيىن جوسپارلانعان»، دەدى ع.مىرزاحانوۆ.

ول زاقىمدالعان ۆەلوسيپەدتەردى جوندەۋ جانە ۇرلانعان ۆەلوسيپەدتەردى قالپىنا كەلتىرۋ ءۇشىن قوسىمشا 370 ملن تەڭگە قاراجات ءبولۋ ماسەلەسى پىسىقتالىپ جاتقانىن اتادى.

اقىلى اۆتوتۇراقتاردىڭ قىزمەتى توتەنشە جاعداي رەجىمى جويىلعانعا دەيىن ۋاقىتشا توقتاتىلدى. ويتكەنى 24 بىرلىك پاركومات ب ۇلىنگەن.

 

اۋىرتپالىق المالى اۋدانىنا ءتۇستى

قاڭتار ايىنداعى وقيعالار بارىسىندا الماتىنىڭ المالى اۋدانى ەڭ كوپ زارداپ شەكسە، ودان كەيىن اۋەزوۆ جانە بوستاندىق اۋداندارىنىڭ شىعىنى دا از بولماعان.

المالى اۋدانىندا 7 ازىق-ت ۇلىك دۇكەنى – 13،7 ملن تەڭگە، 284 ازىق-ت ۇلىكتىك ەمەس دۇكەن – 8 336 ملن تەڭگە، 2 قارۋ-جاراق دۇكەنى – 5 150 ملن تەڭگە، 15 قوعامدىق تاماق­تانۋ نىسانى – 158 ملن تەڭگە، 35 لوم­بارد – 2 625 ملن تەڭگە، 5 جقس – 52،5 ملن تەڭگە، 25 قارجى ۇيىمى – 145 ملن تەڭ­گە، 29 ءىرى بيزنەس نىسانى 3 965 ملن تەڭگە جوعالت­تى جانە باسقا دا شىعىنداردى قوسقاندا، جالپى شىعىن 20،4 ملرد تەڭگەنى قۇرادى.

ال اۋەزوۆ اۋدانىندا 153 دۇكەن، ونىڭ ىشىندە 1 قارۋ-جاراق، 9 قوعامدىق تاماقتانۋ ورنى، 21 جقس، 11 لومبارد جانە 10 ءىرى بيزنەس نىسانى قيرادى. جالپى، شىعىن 20،1 ملرد تەڭگەگە باعالاندى. بوستاندىق اۋدانىنداعى نىساندار 17،3 ملرد تەڭگەگە شىعىنعا ۇشىرادى.

ءىلياس وسەروۆتىڭ ايتۋىنشا، ەڭ از شىعىن ناۋرىزباي اۋدانىندا عانا – 72،5 ملن تەڭگە.

ءالى دە زارداپ شەككەن نىسانداردا دەرەكتەردى جيناۋ جۇمىستارى جالعاسىپ جاتىر. باعالاۋ كاسىپكەرلەردىڭ اقپاراتى نەگىزىندە، ياعني ساراپشىلاردى تارتا وتىرىپ، تولىققاندى اۋديت جۇرگىزبەي جۇزەگە اسىرىلدى. وتىنىمدەردى بەرۋ infokazakhstan.kz سايتى ارقىلى جۇزەگە اسىرىلماق. وتىنىمگە كاسىپكەرلەر تەتىكتە كورسەتىلەتىن قۇجاتتار پاكەتىن، ونىڭ ىشىندە زالال فاكتىسى بويىنشا قىلمىستىق ءىس قوزعاۋ تۋرالى حابارلامانى قوسا بەرۋى كەرەك.

ەسەپتەۋلەر زالالدىڭ 3 ساناتى بو­يىنشا جۇرگىزىلەدى: جىلجىمايتىن م ۇلىك، جىلجىمالى م ۇلىك جانە جابدىقتار، سونداي-اق تاۋارلار.

بۇدان ءارى وتىنىمدەردى اۋداندىق كوميسسيا قارايدى. ونىڭ قۇرامىنا ءماسليحات، اكىمدىك، كاسىپكەرلەر پالاتاسى جانە قوعامدىق بىرلەستىكتەر وكىلدەرىن قوسۋ جوسپارلانعان. بۇدان ءارى بارلىق راستايتىن قۇجاتتار مەن باعالاۋ ناتيجەلەرىنىڭ نەگىزىندە كوميسسيا زالالدى وتەۋ تۋرالى شەشىم قابىلدايدى.

 

ويرانعا كۋا 37 پاتەر ب ۇلىنگەن

قورىتا كەلگەندە، الماتىنى كۇيرەتىپ كەتكەن قايعى مەن شىعىننىڭ ازىرگە شەتىنە شىعۋ قيىن. قانشاما وتباسىنىڭ باسىنا تۇسكەن قاسىرەت پەن تاۋقىمەتتى قاراجاتپەن دە ولشەۋ مۇمكىن ەمەس.

ويراندى كۇندەرگە كۋا بولعان رەسپۋب­ليكا الاڭىنىڭ اينالاسىنداعى ۇيلەرگە دە ۇلكەن شىعىن كەلدى. ءالى دە ۇرەي قۇشاعىنان شىعا الماي جۇرگەن تۇرعىندار بار.

«قازىرگە دەيىن 37 پاتەردى قارادىق. ماماندار قانشا شىعىن قاجەت ەتەتىنىن جان-جاقتى زەردەلەپ وتىر. بۇل جۇمىستىڭ ءوزى بىرنەشە كۇندى قاجەت ەتەدى. ءبىز بۇل ماسەلەنى تۇرعىندارعا حابارلايمىز. ويتكەنى الداعى ەكى كۇندە تەرگەۋ امالدارى جۇرگىزىلەدى»، دەيدى قالا اكىمىنىڭ ورىنباسارى مۇحيت ازىرباەۆ.

الماتىداعى تارتىپسىزدىك كەزىندە زارداپ شەككەن 110 ادام ءالى دە ستاتسيونارلاردا، ونىڭ ىشىندە 8 ادام جانساقتاۋ بولىمىندە جاتىر.

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار