قازاقستان • 17 قاڭتار، 2022

جۋرناليستەردىڭ قۇقىقتارىن قورعاۋ ماسەلەلەرى تالقىلاندى

36 رەت كورسەتىلدى

اقدم قوعامدىق ۇيىمدارمەن جۋرناليستەردىڭ قۇقىقتارىن قورعاۋ ماسەلەلەرىن تالقىلادى، دەپ حابارلايدى Egemen.kz.

بۇگىن مينيسترلىك باسشىلىعى ۇكىمەتتىك ەمەس ۇيىمداردىڭ («ادام قۇقىقتارى جانە زاڭدىلىقتى ساقتاۋ جونىندەگى قازاقستان حالىقارالىق بيۋروسى» قب، ء«ادىل ءسوز» ءسوز بوستاندىعىن قورعاۋدىڭ حالىقارالىق قورى» قق، «سولتۇستىك قازاقستان قۇقىقتىق مەديا-ورتالىعى» قق، «Internews Network» قازاقستانداعى وكىلدىگى جانە ت.ب.) وكىلدەرىمەن ونلاين-فورماتتا كەزدەسۋ وتكىزدى. كەزدەسۋدە اعىمداعى جىلدىڭ قاڭتار ايىندا قازاقستان بويىنشا وتكەن جاپپاي تارتىپسىزدىكتەر كەزىندە ۇستالعان جۋرناليستەردىڭ قۇقىقتارىن قورعاۋ جانە ىسكە اسىرۋ ماسەلەلەرى تالقىلاندى.
 
اقپارات جانە قوعامدىق دامۋ ۆيتسە-ءمينيسترى كەمەلبەك ويشىباەۆ ءوز سوزىندە مينيسترلىك نارازىلىقتار باستالعاننان جۋرناليستەردىڭ قۇقىقتارىن ساقتاۋ جانە قورعاۋ بويىنشا ىشكى ىستەر ورگاندارىمەن ءوزارا تىعىز ءىس-قيمىل اتقارىلعانىن اتاپ ءوتتى.
 
كەلەسى باق وكىلدەرىنە اكىمشىلىك قاماۋعا الۋ مەرزىمى مەن ايىپپۇل مولشەرىن ازايتىلدى: «شىعىس اقپارات» جشس ءتىلشىسى دارىن نۇرساپاروۆ، «كوكشە-ازيا» اقپاراتتىق اگەنتتىگىنىڭ شەف-رەداكتورى نۇرجان بايمولدين، «ۋرالسكايا نەدەليا» گازەتىنىڭ باس رەداكتورى لۇقپان احمەدياروۆ، «جەمقورلىق جانە زاڭ گازەتى» گازەتىنىڭ باس رەداكتورى قالامقاس بوتابەكوۆا. سونداي-اق قاماۋعا الىنعان وزگە دە جۋرناليستەر ءىستىڭ اق-قاراسى انىقتالعان سوڭ سول كۇنى قۇقىق قورعاۋ ورگاندارى قىزمەتكەرلەرى تاراپىنان بوساتىلدى.
 
ۇەۇ وكىلدەرى تاراپىنان جۋرناليستەردىڭ قۇقىقتىق مارتەبەسىن ارتتىرۋدى بەكىتۋ، سونداي-اق ميتينگىلەر كەزىندە باق وكىلدەرىمەن قالاي ءوزارا ءىس-قيمىل جاساۋ بويىنشا قۇقىق قورعاۋ ورگاندارىنىڭ قىزمەتكەرلەرىن وقىتۋ ۇسىنىستارى ايتىلدى.
 
سونىمەن قاتار مينيسترلىك جۋرناليستەر مەن باق وكىلدەرىنىڭ قىزمەتى قر زاڭناماسى، سونداي-اق بەيبىت جينالىستارعا قاتىساتىن ءجۋرناليستىڭ (باق وكىلىنىڭ) قىزمەت قاعيدالارى جانە جۋرناليستەردىڭ قۇقىقتارى بۇزىلعان جاعدايدا ولاردىڭ قۇقىقتارىن قورعاۋ رەگلامەنتى شەڭبەرىندە جۇزەگە اسىرىلاتىنىن ەسكە سالادى.
 
كەز كەلگەن جۋرناليست ءوز قۇقىقتارى بۇزىلعان جاعدايدا مينيسترلىك كومەگىنە جۇگىنە الادى. مينيسترلىك ءوز تاراپىنان جۋرناليست قۇقىعىن قورعاۋعا جانە ولاردىڭ كاسىبي قىزمەتىن جۇزەگە اسىرۋىنا جاعداي جاساۋعا ءاردايىم دايىن.
سوڭعى جاڭالىقتار

كيىز باسۋ ونەرى دارىپتەلدى

ايماقتار • بۇگىن، 08:59

بلوگەرلەر باسەكەسى

ايماقتار • بۇگىن، 08:57

ەلى ەسكەندىرىن ەسكە الدى

ونەر • بۇگىن، 08:55

ورەندەر شىقتى سايىسقا

ايماقتار • بۇگىن، 08:37

احۋال ءالى كۇردەلى

الەم • بۇگىن، 08:35

تاڭداۋ جاساۋ – تاماشا مۇمكىندىك

رەفەرەندۋم-2022 • بۇگىن، 08:32

جاستار ءوز ۇلەسىن قوسادى

رەفەرەندۋم-2022 • بۇگىن، 08:30

ۇقساس جاڭالىقتار