قازاقستان • 17 قاڭتار، 2022

«ازاماتتارعا ارنالعان ۇكىمەت» قىزمەتكەرلەرىنىڭ ەڭبەكاقىسى قاشان وسەدى؟

172 رەت كورسەتىلدى

قازاقستاندا حالىققا قىزمەت كورسەتۋ ورتالىقتارىنىڭ قىزمەتكەرلەرىنە ەڭبەكاقى تولەۋ جۇيەسى قايتا قارالادى. بۇل تۋرالى قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى Egemen.kz.

قر ءتسدياوم باسشىسى حابارلاعانداي، «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق قىزمەتكەرلەرىنەن جالاقىنى وزگەرتۋگە ىقپال ەتۋ تۋرالى وتىنىشتەر كۇن سايىن ارتىپ وتىر.

«حقكو قىزمەتكەرلەرىنە ۇلكەن جۇكتەمە تۇسەدى. ءبىزدىڭ فرونت-وفيستەرىمىز - مەملەكەتتىڭ تۇلعاسى، ويتكەنى حقكو قىزمەتكەرى - مەملەكەتتىك قىزمەتتى وففلاين الۋدىڭ جالعىز ءتاسىلى»، دەدى باعدات مۋسين.

ءمينيستردىڭ ايتۋىنشا، وسى دەمالىس كۇندەرى ول «ازاماتتارعا ارنالعان ۇكىمەتتىڭ» باسشىلىق قۇرامىمەن جاعدايدى تالقىلاعان.

«ازاماتتارعا ارنالعان ۇكىمەت «مك» كەاق باسقارما توراعاسى جالاقىنى ارتتىرۋ جونىندەگى جوسپاردى ازىرلەپ، ەڭبەكاقى مەن سىياقى تولەۋ جۇيەسىن قايتا قاراۋدى تاپسىردى»، دەدى مينيستر.

ونىڭ ايتۋىنشا، ەڭبەكاقى تولەۋدىڭ جاڭا جۇيەسىن ۇجىمداردىڭ وبلىس وكىلدەرىمەن بىرگە پىسىقتاۋ ماڭىزدى.

ايتا كەتسەك، 17 قاڭتاردا ەلىمىزدەگى بارلىق مامانداندىرىلعان حقكو-لاردىڭ جۇمىسى تولىق قالپىنا كەلتىرىلدى.

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار