قازاقستاندا پەدياتريالىق كومەك كورسەتۋ ستاندارتى ازىرلەندى

جوبا مەديتسينالىق كومەك كورسەتۋدىڭ بارلىق دەڭگەيلەرىندە 18 جاسقا تولماعان بالالاردىڭ اۋرۋشاڭدىعىنىڭ، مۇگەدەكتىگى مەن ءولىم-ءجىتىمىنىڭ الدىن الۋ، تومەندەتۋ بويىنشا شارالار جۇرگىزۋدى كوزدەيدى.

سونىمەن، پەدياتريالىق كومەك كورسەتەتىن مەديتسينالىق ۇيىمدار قىزمەتىنىڭ نەگىزگى مىندەتتەرى مەن باعىتتارى:

• بالالارعا، ونىڭ ىشىندە جاڭا تۋعان نارەستەلەرگە دارىگەرگە دەيىنگى، بىلىكتى، مامانداندىرىلعان مەديتسينالىق كومەك جانە جوعارى تەحنولوگيالىق مەديتسينالىق قىزمەتتەر كورسەتۋ;
• مەديتسينالىق كومەكتىڭ قولجەتىمدىلىگى مەن مەديتسينالىق قىزمەتتەردىڭ ساپاسىن قامتاماسىز ەتەتىن ءىس-شارالاردى وتكىزۋ;
• بجاىق قاعيداتتارىن ساقتاۋ;
• بالالارعا مەديتسينالىق وڭالتۋ جۇرگىزۋ;
• پروفيلاكتيكالىق كومەك كورسەتۋ:
• جۇكتى ايەلدەردىڭ پاتروناجى;
• سالاۋاتتى ءومىر سالتىن قالىپتاستىرۋ جانە ناسيحاتتاۋ، ءتيىمدى جانە دۇرىس تاماقتانۋ بويىنشا ۇسىنىستار;
• بالانىڭ زاڭدى وكىلدەرىمەن كۇتىم ماسەلەلەرى، اۋرۋلاردىڭ قاۋىپتى بەلگىلەرى جانە قاۋىپ توندىرەتىن جاي-كۇيلەر بويىنشا اقپاراتتىق-ءتۇسىندىرۋ جۇمىستارىن جۇرگىزۋ;
• تابيعي ەمىزۋ مەن لاكتاتسيانى قولداۋ، التى ايعا دەيىنگى بالالاردى تەك قانا ەمىزۋ جانە ەكى جاسقا دەيىن ەمىزۋدى جالعاستىرۋ تاجىريبەسى بويىنشا كەڭەس بەرۋ;
• سكرينينگتىك زەرتتەۋلەر جۇرگىزۋ;
• بالانى ەرتە جاستان دامىتۋ ماسەلەلەرى بويىنشا كونسۋلتاتسيا بەرۋ;
• مەديتسينالىق پروفيلاكتيكالىق تەكسەرۋلەر;
• ۆاكتسيناتسيا جۇرگىزۋ;
• ديناميكالىق باقىلاۋ;
• بالالاردى، سونىڭ ىشىندە جاڭا تۋعان نارەستەلەردى پاتروناجداۋ.

سونىمەن قاتار سىرقاتتانۋشىلىقتىڭ الدىن الۋ جانە ونى تومەندەتۋ، الەۋمەتتىك ءمانى بار اۋرۋلاردىڭ، ونىڭ ىشىندە ونكولوگيالىق نەمەسە گەماتولوگيالىق، B جانە C گەپاتيتتەرىنىڭ، ايتۆ ينفەكتسياسى مەن تۋبەركۋلەزدىڭ ەرتە نىساندارىن انىقتاۋ بويىنشا، سونداي-اق بالالار اۋرۋلارىنىڭ، مۇگەدەكتىگى مەن ءولىم-ءجىتىمىنىڭ قاۋىپ فاكتورلارىن انىقتاۋ بويىنشا ءىس-شارالار جۇرگىزۋ.

مساك ۇيىمدارى كەلەسى شارالاردى جۇرگىزەدى:

• كونسۋلتاتسيالىق، دياگنوستيكالىق، ەمدەۋ-پروفيلاكتيكالىق كومەك، ديناميكالىق باقىلاۋ;
• پاتروناجدىق قىزمەتتىڭ امبەباپ-پروگرەسسيۆتى مودەلىنە سايكەس جۇكتى ايەلدەرگە، جاڭا تۋعان نارەستەلەرگە جانە ەرتە جاستاعى بالالارعا پاتروناجدار جانە بەلسەندى بولۋ;
• پروفيلاكتيكالىق ەگۋلەردىڭ مەرزىمدەرىنە سايكەس ۆاكتسيناتسيانى جوسپارلاۋ، ۇيىمداستىرۋ جانە جۇرگىزۋ;
• كورسەتىلىمدەر بولعان كەزدە بالالاردى بەيىندى ماماندارعا كونسۋلتاتسياعا جىبەرۋ;
• ءجىتى جانە سوزىلمالى اۋرۋلاردى انىقتاۋ، شۇعىل جانە جوسپارلى ەمدەۋ ءىس-شارالارىن ۋاقتىلى جۇرگىزۋ;
• كورسەتىلىمدەر بولعان كەزدە بالالاردى تاۋلىكتىك ستاتسيونارعا، كۇندىزگى ستاتسيونارعا جىبەرۋ جانە ۇيدە ستاتسيوناردى ۇيىمداستىرۋ;
• ديسپانسەرلىك ەسەپتە تۇرعان سوزىلمالى اۋرۋلارى بار بالالاردى ديناميكالىق باقىلاۋ، ەمدەۋ جانە ساۋىقتىرۋ;
• بالالاردى قالپىنا كەلتىرۋ ەمى جانە مەديتسينالىق وڭالتۋ;
• جاڭا تۋعان نارەستەلەر مەن ەرتە جاستاعى بالالاردىڭ سكرينينگىن جۇرگىزۋ;
• مەكتەپكە دەيىنگى نەمەسە مەكتەپ مەكەمەلەرىنە تۇسەر الدىندا بالالاردى ساۋىقتىرۋدى ۇيىمداستىرۋ;
• اتا-انالارمەن جانە وتباسى مۇشەلەرىمەن نەمەسە زاڭدى وكىلدەرىمەن ءتيىمدى تاماقتانۋ، بالالار اۋرۋلارىنىڭ الدىن الۋ جانە سالاۋاتتى ءومىر سالتىن قالىپتاستىرۋ ماسەلەلەرى بويىنشا اقپاراتتىق جۇمىس.

قۇجاتتىڭ تولىق ءماتىنى 31 قاڭتارعا دەيىن جاريا تالقىلاۋ ءۇشىن «اشىق نقا» سايتىنا ورنالاستىرىلعان.