12 قاڭتاردا الماتىعا سۋ جاڭا 10 رەانيموبيل سىيعا بەرىلدى. تارتىپسىزدىكتەردىڭ سالدارىنان بىرنەشە جەدەل جاردەم كولىگىنىڭ جويىلعانىن ەسكەرسەك, بۇل كولىكتەر قالاعا وتە قاجەت. زاماناۋي رەانيموبيلدەر بارلىق قاجەتتى مەديتسينالىق قۇرالدارمەن جابدىقتالعان, اتاپ ايتقاندا, دەفيبريللياتورلار, جۇرەك قاعىسىن تەكسەرەتىن تولىق جۇيە, پۋلسوكسيمەترلەر, تاسىمالداۋعا قولايلى تىنىس الۋ اپپاراتتارى, وتتەگى باللوندارى. سونداي-اق اتالعان بانك ۇلتتىق كىتاپحانا مەن مەملەكەتتىك ورتالىق مۇراجاي عيماراتىن كۇردەلى جوندەۋ جۇرگىزبەك.
«الماتى قيىن كەزەڭدى باسىنان وتكىزىپ جاتىر. قازىرگى ۋاقىتتا باستى ورتاق ماقساتىمىز – تۋعان قالامىزدىڭ بۇرىنعى كەلبەتىن قايتارۋ. ءبىز وسى ءبىر ماڭىزدى ىسكە ءوز ۇلەسىمىزدى قوسقىمىز كەلەدى. الماتى اكىمدىگىنە الدىڭعى قاتارلى مەديتسينالىق قۇرالدارمەن جابدىقتالعان 10 جەدەل جاردەم كولىگىن تابىستايمىز. سونداي-اق ۇلتتىق كىتاپحانا مەن ورتالىق مەملەكەتتىك مۇراجايدى ءوز كۇشىمىزبەن قايتا قالپىنا كەلتىرەمىز دەپ شەشتىك. بىرىگە جۇمىلساق, قيراعان نىسانداردى جىلدام قالپىنا كەلتىرىپ قانا قويماي, بۇرىنعىدان دا كۇشتىرەك بولامىز دەگەن سەنىمدەمىن», دەدى «سبەربانك» اق ەب باسقارما توراعاسى ەلدار تەڭىزباەۆ.
بۇگىندە سبەربانكتىڭ بولىمشەلەرى مەن بانكوماتتارى ەلىمىزدىڭ بارلىق ايماعىندا شتاتتىق تارتىپتە جۇمىس ىستەيدى. نەسيەلەۋدى قوسقاندا, كليەنتتەرگە بارلىق قىزمەت قولجەتىمدى.
الماتى
