ايماقتار • 16 قاڭتار، 2022

الماتىلىق قۇتقارۋشىلار تۇرعىندارعا تاۋعا شىقپاۋعا كەڭەس بەردى

72 رەت كورسەتىلدى

وڭىرلەردە اۋا رايىنىڭ ناشارلاۋىنا بايلانىستى الماتى قالالىق توتەنشە جاعدايلار دەپارتامەنتى تۇرعىندارعا تاۋعا شىقپاۋعا كەڭەس بەردى، دەپ حابارلايدى Egemen.kz.

«قازگيدرومەت» تاراتقان ەسكەرتۋ نەگىزىندە الماتىنىڭ توتەنشە جاعدايلار قىزمەتى تۇرعىندارعا تاۋعا شىقپاۋعا كەڭەس بەرەدى. 17-19 قاڭتار كۇنى تاۋلى ايماقتاردا قالىڭ تۇمان ءتۇسىپ، قوكتايعاق بولادى. سولتۇستىك-باتىستان سەكۋندىنا 15-20 مەتر جەل سوعادى. جاۋىن-شاشىن كۇتىلەدى.

وسىعان بايلانىستى تجد الماتى تۇرعىندارى مەن قوناقتارىنا مىناداي قاۋىپسىزدىك شارالارىن ساقتاۋدى ۇسىنادى:

- قاتتى جاۋىن-شاشىن ( قار، جاڭبىر) نەمەسە قاتتى داۋىل تۋرالى ەسكەرتۋ جاريالانعان جاعدايدا، تاۋلى ايماققا بارۋدى كەيىنگە قالدىرعان دۇرىس;

- ەگەر ءسىز كىشىگىرىم توپىراق كوشكىندەردى بايقاساڭىز، وندا تاۋعا بارماعانىڭىز ءجون. قارقىندى جاۋىن-شاشىن تۇسكەن جاعدايدا تومەن تاۋلى ايماقتا توپىراق كوشكىنى بولۋى مۇمكىن;

- ەگەر ءسىز تاۋدا بولساڭىز، مۇقيات بولىڭىز جانە اۋا رايىنىڭ وزگەرۋىن قاداعالاڭىز;

- ەگەر ءسىز تاۋ بوكتەرىندە قاردىڭ جىلجۋىن، قاردىڭ تۇيىرشىكتەرىن بايقاساڭىز، وندا تاۋلارعا بارماعانىڭىز ءجون-بۇل قاردىڭ تۇراقسىز كۇيدە ەكەنىن، كوشكىننىڭ قاۋىپى مۇمكىن ەكەنىن بىلدىرەدى;

  • ۇيگە قايتۋدى تاۋلىكتىڭ كەش ۋاقىتىنا كەشىكتىرمەڭىز، كەرى باعىتتى تابا الماۋىڭىز مۇمكىن;
  • ريۋكزاكتاردا مىنالار بولۋى ءتيىس: جىلى كيىمدەر،كۇتپەگەن جاعدايدا دارىگەرگە دەيىنگى كومەك كورسەتۋگە ارنالعان ءدارى قوبديشاسى، GPS ناۆيگاتورلارىنىڭ بولۋى ارتىق بولمايدى;
  • ەشبىر جاعدايدا تاۋعا جالعىز بارماڭىز;
  • تۋعان-تۋىستارىڭىز بەن جاقىندارىڭىزدى مارشرۋتىڭىزدىڭ باعىتى جانە ورنالاسقان جەرىڭىزدى بارىنشا تولىق حاباردار ەتۋ وتە ماڭىزدى.
سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار